Biblia Todo Logo
Bìoball air-loidhne

- Sanasan -




Shimbi 12:21 - MUKANDA USANDU WA ZAMBI 1975

21 Nyi kuma kuze Yehova Zambi yenu makatongola kusa jina lienyi mukupwa kusuku naye hali yenu, mba nukashihe ngombe jenu, ni yimuna jenu hananweho kuli Yehova, ngwe nanwambile; nukalile mu yihunda yenu, nikulita ni chize munuzanga.

Faic an caibideil Dèan lethbhreac

Mukanda Wa Zambi 1970

21 Nyi ngwe homa haze makatongola ha kumuwayila kwasuhwa naye, mba Heswe tangwa munuzanga munuhasa kushiha yimuna yenu yize Mwene Zambi manwaha, ni munuhasa kulila ye yifwo ku mazuwo jenu, ngwe chize hinanulweza.

Faic an caibideil Dèan lethbhreac




Shimbi 12:21
13 Iomraidhean Croise  

Rehoboame mwana Solomone wayulile mu Yunda. Muze waputukile kuyula te kali ni makumi awana a miaka ni mwaka umuwika. Wayulile kumi lia miaka ni miaka shimbiali mu Yerusaleme chihunda chize Yehova hanatongola hakachi ka minyachi yeswe ya Izalele kusako jina lienyi. Jina lia naye Namahe Ka-Amone.


Chocho mwanangana Rehoboame walitakamishine mu Yerusaleme ni kuyula. Mumu Rehoboame wapwile ni makumi awana a miaka ni mwaka umuwika ha kuputuka kuyula. Wayulile kumi lia miaka ni miaka shimbiali mu Yerusaleme chihunda chize Yehova watongwele hakachi ka minyachi yeswe ya Izalele akaseko jina lienyi. Jina lia naye Namahe Ka-Amone.


Mba mwe Zambi yoze hatungisako jina lienyi akapupe mianangana eswe ni atu eswe waze molola moko jo kwalumuna shimbi yino, hanji kwonwona zuwo alio lia Zambi lili ku Yerusaleme. Yami Dariu hinasa shimbi yino. Chikalingiwe, ni kuhona ka.


Ukangutungile chilumbilo cha mavu. Ukalambwileho milambu ye ya kulumba ni milambu ye ya sambukila, ni mapanga je ni ngombe je. Mu yihela yeswe kuze mungukaewulwisa jina liami kumungukakundama kuli yena. Kumungukakuwahisa.


kuze Yehova Zambi yenu makatongola kusa jina lienyi, nukaheteseko yeswe ngunanwambeyo; milambu yenu ya kulumba, ni yitapo yenu, ni yihanda yenu ya ku kumi, ni milambu ya kuzundula ni moko jenu, ni yilakenyo yenu yeswe yilemu munulakenya kuli Yehova.


Chipwe chocho, munuhasa kushiha ni kulia yifwo mu yihunda yenu yeswe, nikulita ni chize munuzanga, nikulita ni chiwape hananwehecho kuli Yehova Zambi yenu; ni mutu wa luchisa ni mutu mupema mahasa kulia, ngwe kai ni kapaji.


Muze Yehova Zambi yenu hatohesa njiza yenu ngwe anulakenyene iye, mba munwamba ngwenu, Mutulia yifwo; mumu te nunazange kulia yifwo, nulie ye yifwo, nikulita ni chize munuzanga.


Ngwe malia kai ni kapaji, chocho nukalie, ni mutu wa luchisa ni mutu mupema, munuhasa kulia chizechene.


Alioze kuze Yehova Zambi yenu manutongwela ku minyachi yenu yeswe mukusa jina lienyi, te matwama iye, nukafupeko.


Nuwahilile kumeso ja Yehova Zambi yenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, ni njize, ni shiwa, ni twamishi ali hakachi kenu, kuze Yehova Zambi yenu matongola kusa jina lienyi.


Alioze kuze Yehova Zambi yenu matongola kusa jina lienyi, nulambwileko chitapo cha Chizomboka ha chingoloshi, ha kutoka cha tangwa, ola yize nwakatukile ku Engitu.


Ukande mbuto yitangu ya ku mbuto yeswe muyima hashi, mukunga ku chifuchi Yehova Zambi ye anakwehecho, uyise mu mutonga, uye kuze Yehova Zambi ye matongola kusa jina lienyi.


Lean sinn:

Sanasan


Sanasan