Shimbi 12:14 - MUKANDA USANDU WA ZAMBI 1975

¹⁴ shina kuze Yehova matongola ku munyachi umwe wa yenu, nukalambwileko milambu yenu ya kulumba, nukalingileko yeswe ngunanwambeyo.

Mukanda Wa Zambi 1970

¹⁴ shina kuyilambwila hamwe homa haze Mwene Zambi makatongola mu chifuchi cha umwe wa ku mavungu jenu. Kwenako lume chanutamba kulambwila milambu yenu ya kwocha ni kulinga yuma yeswe yikwo yize hinanwamba ha kuyilinga.

Shimbi 12:14 Iomraidhean Croise

1 Yitanga Ya Mianangana 12:27

Nyi wano atu mayaya kulambula yitapo mu zuwo lia Yehova mu Yerusaleme, mbunge jo mujitewulukila kuli mwene wo Rehoboame mwanangana wa Yunda. Mba mangushiha akahiluke kuli Rehoboame mwanangana wa Yunda.

1 Yitanga Ya Mianangana 8:29

Meso je akalaule kutala ku zuwo lino ufuku ni mwalwa, kwe kuma kuno hiwamba ngwe, Jina liami kwenako mulikapwa, ukapanjike ku kulemba chize kavumbi ke makalemba nikutalikisa kuma kuno.

1 MIANANGANA 18:22

Alioze nyi munwamba kuli yami ngwenu, Tunajikijila hali Yehova Zambi yetu, ngwami, Mwenawo Hezekia hachiza manangamo jenyi ni yilumbilo yenyi, mba hamba kuli A-Yunda ni A-Yerusaleme ngwenyi, Chanutamba kuwayila ku chilumbilo chino mu Yerusaleme.

1 Sango Ja Mianangana 22:1

Kashika David yamba ngwenyi, Kuno mukupwa zuwo lia Yehova Zambi ni chilumbilo cha Izalele cha milambu ya kulumba.

Miaso (Masamu) 5:7

Alioze yami, mu kulumbama cha utu wa zango lie mungunjila mu zuwo lie, mba ni woma wa yena munguwayila nikutalikisa ku tembele ye yisandu.

Miaso (Masamu) 9:11

Imbenu miaso ya kuhalisa Yehova yoze watwama mu Zaione. Ambululenu yilinga yenyi hakachi ka atu.

Alevi 17:3

Nyi mutu umwe wa ku vungu lia Izalele mashiha ngombe, hanji panga, hanji pembe, mu chilombo, hanji haze lia chilombo,

Alevi 17:4

alioze kamunehene ku chikolo cha mbalaka ya chikungulwila akamutambule mulambu kuli Yehova kumeso ja tabernakulu ya Yehova, mapwa ni uhie wa manyinga. Hamwanga manyinga, kashika mamuteta hakachi ka atu jenyi,

2 Korintu 5:19

ngwetu, Zambi wapwile muli Kristu nikuwanyisa akwa hashi kuli iye mwene, kaasele milonga yo; iye hatukunjika lie liji lia uwanyino.

Shimbi 12:11

kuze Yehova Zambi yenu makatongola kusa jina lienyi, nukaheteseko yeswe ngunanwambeyo; milambu yenu ya kulumba, ni yitapo yenu, ni yihanda yenu ya ku kumi, ni milambu ya kuzundula ni moko jenu, ni yilakenyo yenu yeswe yilemu munulakenya kuli Yehova.

Shimbi 12:13

Nukanyame ngwami, Kanda nukalambwila milambu yenu ya kulumba kweswako munumona,

Shimbi 12:15

Chipwe chocho, munuhasa kushiha ni kulia yifwo mu yihunda yenu yeswe, nikulita ni chize munuzanga, nikulita ni chiwape hananwehecho kuli Yehova Zambi yenu; ni mutu wa luchisa ni mutu mupema mahasa kulia, ngwe kai ni kapaji.

Shimbi 12:18

Alioze nukayilile kumeso ja Yehova Zambi yenu kuze makatongola Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, nukawahilile kumeso ja Yehova Zambi yenu ni yeswe munulinga ni moko jenu.

Shimbi 12:5

Alioze kuze Yehova Zambi yenu manutongwela ku minyachi yenu yeswe mukusa jina lienyi, te matwama iye, nukafupeko.

Shimbi 14:23

Nukalile kumeso ja Yehova Zambi yenu kuze iye matongola kusa jina lienyi, chihanda cha ku kumi cha mbuto jenu, ni cha vinyu yenu, ni cha maji jenu, ni tupula-majimo a ngombe jenu, ni a yimuna jenu, hanga nulilongese kuvwila woma Yehova Zambi yenu matangwa eswe.

Shimbi 15:20

Mwaka ha mwaka kumeso ja Yehova Zambi yenu nukaalile kuma kuze matongola kuli Yehova, ni yenu, ni akwa mazuwo jenu.

Shimbi 16:2

Che Chizomboka nukachilambule chitapo kuli Yehova Zambi yenu cha ku mapanga, hanji cha ku ngombe, kuze Yehova matongola kusa jina lienyi.

Shimbi 17:8

Nyi chikuma chimwe muchisoloka chakala naye chakupatula hakachi ka kushiha chimwe ni kushiha chikwo; hanji hakachi ka chikuma chimwe ni chikuma chikwo; hanji kulamba chimwe ni kulamba chikwo; yikuma ya kuhangujola mu yihunda yenu, mba munukatuka nukaye kuze Yehova Zambi yenu matongola,

Shimbi 18:6

Nyi Ka-Levi makatuka kuze atwama ku yihunda yenu yeswayo ya mu Izalele, maheta ni mbunge yenyi yeswe kuze Yehova matongola,

Shimbi 31:11

muze A-Izalele eswe makasoloka kumeso ja Yehova Zambi yenu kuze iye matongola, ukatange shimbi yino kumeso ja A-Izalele eswe, akayivwe.

Hebreu 13:15

Kuli iye kashika tulambulenu chitapo cha uhaliso kuli Zambi matangwa eswe, chenacho mihuko ya mivumbo yetu yize yakwalakana jina lienyi.

Yoshua 22:29

Chikapwe kusuku ni yetu kukolema Yehova, tukatewuluke musono ha kukaula Yehova, tukatunge chilumbilo chimwe cha kulambwilaho hanji milambu ya kulumba, hanji milambu ya wunga, hanji yitapo, helu lia chilumbilo cha Yehova Zambi yetu chize chili kulutwe lia tabernakulu yenyi.

Yoshua 9:27

Alioze tangwa lienalio Yoshua waapwishile akwa kuchá kunyi ni akwa kutaha meya ha chikungulwila ni ha chilumbilo cha Yehova, akachilinge ndo musono kuma kuze maatongwela.