Shimbi 12:12 - MUKANDA USANDU WA ZAMBI 1975

¹² Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Mukanda Wa Zambi 1970

¹² Kwenako munukawahilila ku meso jenyi, hamwe ni ana ni ngamba jenu, ni Alevi waze atwama mu membo jenu. Iwulukenu ngwenu, Alevi keechi kabwa ni chifuchi cho.

Shimbi 12:12 Iomraidhean Croise

1 Yitanga Ya Mianangana 8:66

Ha tangwa liamuchinake yashika ni atu. O yawahisa mwanangana, yaya ku mazuwo jo nikuwahilila ni chiseke cha mbunge mumu ha utu weswe Yehova hasolola kuli David kavumbi kenyi ni kuli atu jenyi A-Izalele.

2 Sango Ja Mianangana 29:36

Ni Hezekia yawahilila, ni atu eswe, mumu ha yuma yize Zambi walulikile hali e atu. Mumu chapwile chuma cha susumuku.

Nehemia 8:9

Nehemia mukwa kuyula, ni sasendote Ezera mukwa kusonyeka, ni A-Levi waze alongesele atu, yamba kuli atu eswe ngwo, Tangwa lino lisandu kuli Yehova Zambi yenu, kanda nulinyenga chipwe kulila. Mumu atu eswe alilile ha kwivwa maliji a shimbi.

Miaso (Masamu) 147:1

Halisenu Yehova! Mumu Chinapeme kwimbila uhaliso Zambi yetu, mumu chinawaha, chinalite.

Alevi 23:40

Ha tangwa litangu munutambula mihuko ya mitondo yipema, mitango ya mingaji, ni mitango ya mitondo ya mafwo, ni misombo ya ku lwiji. Mba munuwahilila kumeso ja Yehova Zambi yenu matangwa shimbiali.

Kwalula 18:20

Yehova yamba kuli Arone ngwenyi, Kanda ukapwa ni chihinga nichimwe mu chifuchi cho, chipwe kanda ukapwa ni chihanda hakachi ko. Chihanda che—yami. Chihinga che hakachi ka A-Izalele—yami.

Kwalula 18:26

Chikwo nawa, amba kuli A-Levi ngwe, Muze munutambula kuli A-Izalele yihanda ya ku kumi hingunanwehe kuli ayo yikapwe chihinga chenu, nukalambule ku yenayo kuli Yehova mulambu wa kuzundula, chihanda cha ku kumi cha ku yihanda ya ku kumi.

Yoano 13:8

Petulu yamba kuli iye ngwenyi, Kuchi kasanyisa yihato yami nilimwe tangwa. Yesu wamukumbulwile ngwenyi, Nyi chakusanyishine, kachi yena kushi chihanda ni yami.

Yilinga 8:21

Kushi chihanda chipwe chipinji ha chuma chino: mumu mbunge ye kuyalulamine kumeso ja Zambi.

Shimbi 10:9

Kashika A-Levi keshi chihanda chipwe chihinga hamwe ni akwo. Chihinga cho, Yehova, nikulita ngwe ambile kuli iye Yehova Zambi yenu.)

Shimbi 12:18

Alioze nukayilile kumeso ja Yehova Zambi yenu kuze makatongola Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, nukawahilile kumeso ja Yehova Zambi yenu ni yeswe munulinga ni moko jenu.

Shimbi 12:19

Nukanyame ngwami, Kanda nwehuka A-Levi miaka yeswe munutwama mu chifuchi chenu.

Shimbi 12:7

Munukalilako kulia kumeso ja Yehova Zambi yenu, nukawahilile ni yeswe munukalinga ni moko jenu; ni yenu, ni akwa mazuwo jenu, ni yuma yeswe hananuwahishilamo Yehova Zambi yenu.

Shimbi 14:29

A-Levi mumu te o keshi chihanda chipwe chihinga hamwe ni yenu, ni njize, ni shiwa, ni twamishi aze ali mu yihunda yenu, aye, alie, ni kukuta, hanga Yehova Zambi yenu anuwahise ku milimo yeswe ya moko jenu munulinga.

Shimbi 16:11

Nuwahilile kumeso ja Yehova Zambi yenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, ni njize, ni shiwa, ni twamishi ali hakachi kenu, kuze Yehova Zambi yenu matongola kusa jina lienyi.

Shimbi 16:14

Nuwahilile ku chiwanyino chenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi, ni njize, ni shiwa, ni twamishi ali mu yihunda yenu.

Shimbi 18:6

Nyi Ka-Levi makatuka kuze atwama ku yihunda yenu yeswayo ya mu Izalele, maheta ni mbunge yenyi yeswe kuze Yehova matongola,

Shimbi 26:11

Nukawahilile ni yeswe yipema Yehova Zambi yenu hananweheyo, ni akwa mazuwo jenu, ni yenu, ni Ka-Levi, ni njize yoze uli mukachi kenu.

Shimbi 26:12

Ha kumana kuhana yihanda yeswe ya ku kumi ya kwoka chenu ha mwaka wamuchitatu, wenawo mwaka wa kuhana yihanda ya ku kumi, nukachihane kuli A-Levi, ni kuli njize, ni kuli shiwa, ni kuli twamishi, hanga akalite mu yihunda yenu, akakute.

Shimbi 27:7

Nukalambule milambu ya sambukila, nukalileko, nukawahilile kumeso ja Yehova Zambi yenu.

Yoshua 13:14

Ku munyachi wa Levi wika Mose kahanyine chihinga nichimwe. Milambu ya kahia kuli Yehova Zambi ya Izalele yapwa chihinga cho ngwe Zambi wamwambile.

Yoshua 13:33

Alioze ku munyachi wa Levi Mose kahanyine chihinga nichimwe. Yehova Zambi ya Izalele iye chihinga cho chocho hanambe kuli ayo.

Yoshua 14:4

Mumu A-José apwile minyachi yiali, A-Manase ni A-Eframe, mba kahanyine chihanda nichimwe kuli A-Levi mu chifuchi shina yihunda ya kutwamamo ni ulilo wako ha yimuna jo ni upite wo.