Shimbi 12:10 - MUKANDA USANDU WA ZAMBI 1975

¹⁰ Alioze muze munuzauka Yordau nikutwama mu chifuchi ananwehecho chihinga kuli Yehova Zambi yenu, muze hanuhwimisa kuli akwa kole jenu eswe ananujingilika, chocho munutwama kawape,

Mukanda Wa Zambi 1970

¹⁰ Muze munukazauka Yordau, Mwene Zambi, Zambi yenu, manukwasa kuzuka che chifuchi ni kutwama mo. Makanufunga kanawa hakutwala kuli akwa kole jenu, munukabwa mu uhwimino.

Shimbi 12:10 Iomraidhean Croise

1 Yitanga Ya Mianangana 4:25

A-Yunda ni A-Izalele atwamine kawape mutu mweswe mushi lia mutondo wenyi wa uva hanji mukuyu, chize ku Ndane ndo ku Mbia-shipa matangwa eswe a Solomone.

1 Yitanga Ya Mianangana 8:56

Yehova afumane yoze hahwimisa atu jenyi A-Izalele nikulita ni chize cheswe walakenyene. Chipwe liji limuwika kuliahonene ha chilakenyo chenyi chipema chize walakenyene kuli Mose kavumbi kenyi.

1 Sango Ja Mianangana 22:18

Yehova Zambi yenu kwali hamwe ni yenu. Hanuhwimisa kweswe kwa kujingilika mumu hanakunjika akwa chifuchi ku kwoko liami kashika chifuchi cheswe hichahomboka kumeso ja Yehova ni kumeso ja atu jenyi.

Miaso (Masamu) 4:8

Mungupomba, munguya tulo ni sambukila, mumu yena Yehova wika kuwakungutwamisa kawape.

Kutuhuka 33:14

Yehova yamba ngwenyi, Yami mwene mungukapwa hamwe ni yena. Kumungukakuhwimisa.

Yishima 1:33

Alioze mweswawo mangwivwa matwama kanawa; kumakahwima ni woma wa yipi wakuhi.

Jeremia 23:6

Ha matangwa jenyi malamwina Yunda, ni Izalele matwama ni sambukila. Jina lize mamwaha ngwo, Yehova ululi wetu.

Jeremia 32:37

mungwakonga ku yifuchi yeswe kuze naahuminyine mu utenu wami ni ufwatulo wami, ni matoto anji. Mungwaneha cheka nawa ku chifuchi chino nikwatwamisa ni sambukila.

Jeremia 33:11

kumakevwa nawa liji lia kusehejela, ni liji lia chiseke, ni liji lia sandungi, ni liji lia ndungi, ni liji lia njimba shimbu manehaneha milambu ya kusakwila ku zuwo lia Yehova ngwo, Sakwililenu kuli Yehova-wa-Tujita mumu Yehova iye mupema, mumu utu wa zango lienyi wa mutolo. Mumu kumungukahilwisa kuwaha cha chifuchi chize chapwile hatangu. Chocho kanambe Yehova.

Ezekiel 28:26

Kumakatwamamo ni chipi chakuhi, ni kutunga mazuwo, ni kutumba minda ya uva. Kumakatwama ni chipi chakuhi, muze hinalinga upatwilo wami hali waze eswe anaajingilika waze te hanaalelesa. Henaho makanyingika yami nguli Yehova, Zambi yo.

Ezekiel 34:25

Mungukakolesa no usendo wa sambukila. Mungukahuma tushitu eswe asasu mu chifuchi, mba mahasa kutwama mu puya ni kupomba mu musenge ni chipi chakuhi.

Ezekiel 34:28

Kechi kapwa nawa a kupupa kuli akwa mavungu; tushitu a mu chifuchi kechi kaawumbula nawa. Makatwama ni chipi chakuhi; niumwe makaakolesa woma.

Ezekiel 38:11

ukambe ngwe, Mimguya kulimika ni chifuchi cha yihunda kuyishi yipanga-ya-mawe. Munguhulumukina hali atu ahwima waze anatwama ni chipi chakuhi, eswe kanatwama keshi ni yipanga-ya-mawe, chipwe njalo, chipwe mapito,

Ezekiel 38:8

Kulutwe lia matangwa anji makakukungulula; ha miaka ya kusula mukaya kulimika ni chifuchi chize hanachihwimisa ku jita ni kuchilulika; chifuchi kuze e atu haakonga ku mavungu anji ku milundu ya Izalele kuze kwapwile te puya ya miaka. Atu jako aachijile hakachi ka mavungu mba haliapwila kanatwama ni chipi kuchishiko—e eswe lume.

Shimbi 11:31

Mumu munuzauka Yordau, mukuheta mu chifuchi, mukuchizuka, Yehova Zambi yenu ananwehecho. Muze hinwachizuka, nikutwamamo,

Shimbi 3:27

Ukanduke ku mbulwa mulundu wa Pisiga uhetule meso je utale ku Chitokelo, ni ku Norte, ni ku Sule, ni ku Chivumbuko, utale ni meso je; mumu kuchi kazauka yono Yordau.

Shimbi 33:12

Ha kutwala kuli Mbenjamine yamba ngwenyi, Iye kamuzanga kuli Yehova, hakamwihi nenyi makatwama kawape. Makamufuka tangwa lieswe nganganga. Iye makatwama hakachi ka yipaya yenyi.

Shimbi 33:28

Chocho Izalele makatwama kawape ukawenyi. Fuji lia Yakomba makatwama mu chifuchi cha mbuto ni vinyu, mba malilu jenyi makamwaha mume.

Shimbi 4:22

Alioze changutamba kufwa mu chifuchi chino, kanda nguzauka Yordau. Hindu enu munukazauka, nuzuke chifuchi chize chipema.

Shimbi 9:1

Enu A-Izalele, ivwenu, munuzauka Yordau musono, mununjila mu chifuchi, mukuhuma mavungu ananuhiana ni unene, ni ndundo, membo anene, ni yipanga ndo mwilu,

Yoshua 11:23

Chocho Yoshua watambwile Chifuchi cheswe nikulita ni liji lieswe Yehova wambile kuli Mose. Yoshua wachihanyine kuli A-Izalele chihinga nikulita ni minyachi yo, munyachi ni chihanda chawo, munyachi ni chihanda chawo. Mba chifuchi chahwimine ku jita.

Yoshua 14:1

Yenayo yihinga A-Izalele atambwile mu chifuchi cha Kanana. Eleazare mwe sasendote, ni Yoshua mwana wa Nune, ni makulwana akwa lutwe a minyachi ya A-Izalele aateteleleyo.

Yoshua 3:17

Shimbu te A-Izalele eswe anapalika ha mavu omu, asasendote akwa kumbata mushete wa usendo wa Yehova amanyine ha mavu omu hakachi ka Yordau ndo vungu lieswe hiliahwa kuzauka Yordau.

Yoshua 4:12

Ana ja Rupene, ni ana ja Ngate, ni chihanda cha ha muchima cha munyachi wa A-Manase azaukile nikumbata yitwa yo kumeso ja A-Izalele nikulita ni shimbi ja Mose.

1 Samuel 7:12

Henaho Samuel yanda liwe, yalimikina hakachi ka Mizepa ni Shene, yaliluka jina ngwenyi, Ebenezere, mumu ngwenyi, Ndo ku kuno Yehova hatukwasa.