Shimbi 11:9 - MUKANDA USANDU WA ZAMBI 1975

⁹ hanga nwokese matangwa jenu mu chifuchi chize alishingile Yehova kuli tulamba twenu mukwaahacho, ni kuli ana jo, chifuchi chize chinokela yamwa ni wuchi.

Mukanda Wa Zambi 1970

⁹ ni kutwama matangwa anji mu chifuchi cha chinuno chize Mwene Zambi hanalakenya kuhana kuli tushakulu twenu ni ku mavungu jo.

Shimbi 11:9 Iomraidhean Croise

Kutuhuka 20:12

Lemesa tatenu ni noko, hanga matangwa je akapwe anji mu chifuchi chize Yehova Zambi ye kanakwehe.

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Yishima 10:27

Woma wa Yehova wakwokesa matangwa a mutu; alioze miaka ya chingulungulu kumuyikatepuluka.

Yishima 3:16

Yinyingi yapwa ngwe yoze uli ni mwono wunji mu kwoko lienyi lia chindume. Mu kwoko lienyi lia chimeso kali ni upite ni ulemu.

Yishima 3:2

mumu muyikwaha kusuha cha matangwa ni miaka ya mwono, ni sambukila nawa.

Yishima 9:11

Mumu kuli yami matangwa je moka, ni miaka ya mwono we muyikaliwezela.

Ezekiel 20:6

Ha tangwa lize nalishingile kuli ayo kwachiza mu chifuchi cha Engitu nikwaneha ku chifuchi hinaafupila; chifuchi chinokela yamwa ni wuchi, che chifuchi chahiana yifuchi yeswe ni uhenya.

Shimbi 1:8

Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Shimbi 11:10

Mumu che chifuchi nunayi kuchizuka kuchapwile ngwe chifuchi cha Engitu kuze nwakatukile, nwapwile ni kukuwa mbuto jenu ni kujihinjila ni molu jenu, ngwe chala cha yilimalima.

Shimbi 11:21

hanga matangwa jenu oke, ni matangwa ja ana jenu mu chifuchi alishingile Yehova kuli tulamba twenu mukwaahacho, akapwe ngwe matangwa ja mwilu hano hashi.

Shimbi 4:40

Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.

Shimbi 5:16

Lemesa tatenu ni noko ngwe Yehova Zambi ye yakwamba, hanga matangwa je akapwe anji, hanga Utwame kawape mu chifuchi chize Yehova Zambi ye kanakwehe.

Shimbi 5:33

Nwende mu jila yeswe Yehova Zambi yenu hanwamba, hanga nupwe ni mwono, nutwame kawape, hanga nwokese matangwa jenu mu chifuchi munuzuka.

Shimbi 6:18

Nulingelinge chize Chinalulama, chipema kumeso ja Yehova; hanga nutwame kawape, hanga nunjile, nuzuke chifuchi chipema chize alishingile Yehova kuhana kuli tulamba twenu,

Shimbi 6:2

Nukavwile woma Yehova Zambi yenu, mukufunga yiyulo yenyi yeswe ni shimbi jenyi ngunanwambeyo, ni yenu, ni ana jenu, ni ajikulu jenu, matangwa eswe a mwono wenu, hanga matangwa jenu akapwe anji.

Shimbi 6:3

Enu A-Izalele, ivwenu kashika, nukanyame kuyilinga, hanga nutwame kawape, hanga nwoke chinji, ngwe anulakenyene Yehova Zambi ya tulamba twenu, mu chifuchi munokela yamwa ni wuchi.

Shimbi 8:7

Mumu Yehova Zambi yenu ananuhetesa mu chifuchi chipema, chifuchi Chikwete yitwetwe ya meya, Chikwete mafuji a meya, ni meya asuku anavwelwokela mu yikulo ni ha milundu,

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.