Shimbi 11:3 - MUKANDA USANDU WA ZAMBI 1975

³ ni yilayi yenyi, ni yitanga yenyi ayilingile iye hakachi ka A-Engitu kuli Falau, mwanangana wa Engitu ni ku chifuchi chenyi cheswe.

Mukanda Wa Zambi 1970

³ ni yilayi yenyi. Nwamwene chize alingile kuli mwanangana wa Egiptu ni ku chifuchi chenyi.

Shimbi 11:3 Iomraidhean Croise

Miaso (Masamu) 135:9

Watumine yilayi ni yikomokeso hakachi kenu A-Engitu, ni hali Falau ni hali tuvumbi twenyi eswe.

Kutuhuka 7:8

Yehova yahanjika ni Mose ni Arone ngwenyi,

Shimbi 1:30

Yehova Zambi yenu manutetekela, iye makanwashila jita, nikulita ni yeswe anulingilile mu Engitu ku meso jenu.

Shimbi 11:4

Ni kuli tujita twa A-Engitu, ni kuli tuvwalu two, ni ku matemba jo, ngwe iye aafukile ni meya mu Kalunga-lwiji Muchila, o te ananuhange; ngwe Yehova waonwene ndo ku musono.

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

Shimbi 7:19

yeseko yinene meso jenu ayimwene, ni yilayi, ni yikomokeso, ni kwoko lia ndundo, ni kwoko lia kwolola, ni yenayo Yehova Zambi yenu wanuchijile. Yehova Zambi yenu alinge chizechene ku mavungu eswe nunaavwila woma.