Shimbi 11:22 - MUKANDA USANDU WA ZAMBI 1975

²² Mumu kachi munufunga kanawa liji lino lieswe lia shimbi ngunanwambe, ni kulilinga, nukuzanga Yehova Zambi yenu, mukwenda mu majila jenyi eswe, mukulalaminya kuli iye,

Mukanda Wa Zambi 1970

²² “Fungenu kanawa Shimbi jeswe jize hinanulongesa: zangenu Mwene Zambi, Zambi yenu, lingenu yuma yeswe yize ananwambe, bwenu akwa kushishika.

Shimbi 11:22 Iomraidhean Croise

Ubutukilo 2:24

Kashika lunga mahichika tato ni naye akalalaminye kuli mukwo-pwo, mba kumapwa musunya umuwika.

Miaso (Masamu) 119:31

Ngunalalaminya ku Shindakenyo je. Yehova, kanda ungukolesa sonyi.

Mateu 22:37

Yesu wambile kuli iye ngwenyi, Ngwo, Ukazange Mwene Zambi-ye ni mbunge ye yeswe, ni mwono we weswe, ni kunyonga che cheswe.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

Shimbi 10:20

Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

Shimbi 11:1

Kashika, zangenu Yehova Zambi yenu, nufunge ulayilo wenyi, ni yiyulo yenyi, ni upatwilo wenyi, ni maliji jenyi a shimbi matangwa eswe.

Shimbi 11:13

Kashika, nyi munupanjika kanawa ku maliji jami a shimbi ngunanwambe musono, nukazange Yehova Zambi yenu, mukumuvumbika ni mbunge jenu jeswe ni alma jenu jeswe,

Shimbi 19:9

kachi munukafunga liji lino lieswe lia shimbi mukulilinga, ngunanwambelio musono, mukuzanga Yehova Zambi yenu, mukwenda miaka yeswe mu majila jenyi, mba nukaliwezeleho membo atatu akwo ku membo ano atatu,

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

Shimbi 6:17

Nufunge kanawa maliji a shimbi a Yehova Zambi yenu, ni Shindakenyo jenyi ni yiyulo yenyi anwambileyo.

2 Timoteu 4:8

Chize ku haliapwila hanangufulikila chipangula cha ululi, chize Mwene, mwe Sopi wa ululi, makangwaha ha tangwa lize; hi kuli yami wika ko, alioze nawa kuli waze eswe akuzanga usolokelo wenyi.