Shimbi 11:14 - MUKANDA USANDU WA ZAMBI 1975

¹⁴ mungunokesa vula ha chifuchi chenu ha mwaka wenyi, vula musazu ni vula wa samakwasa, hanga nuhase kukunga mbuto jenu ja kulia chenu ni vinyu yenu, ni maji jenu.

Mukanda Wa Zambi 1970

¹⁴ Nyi nwachilinga, makanutumina vula musazu ni vula wa mubatuko mu chifuchi chenu hanga nukabwe ni mbuto, ni vinyu, ni maji a olive,

Shimbi 11:14 Iomraidhean Croise

Izaya 30:23

Iye kumakanwaha vula ha mbuto yize munukakuwa hashi, ni mbuto yize muyima ku mavu, mba muyipwa yipema ya kulumbama. Ha tangwa lize nawa yimuna jenu makalia ku ulilo unene.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Jeremia 5:24

Kambile mu mbunge jo ngwo, Tuvwilenu woma Yehova Zambi yetu, yoze wakutwaha vula ha kangonde kenyi, vula wa samakwasa ni vula musazu, ni kakutufungila semana ja kufunjika ja kucha.

Ezekiel 34:26

Mungukaapwisa akwa kuwahisa akwo, ni yihela yeswe ya kujingilika mulundu wami mungukayipwisa yikwa kuwahisa. Mungukatuma vula ha mwaka wenyi, vula wa kuwahisa.

Joele 2:19

Yehova yakumbulula atu jenyi ngwenyi, Mungunutuma mbuto, ni vinyu, ni maji, nukakute nayo. Chichi kutá nukasauke nawa hakachi ka mavungu.

Alevi 26:3

Nyi munwenda nikulita ni yiyulo yami ni kufunga shimbi jami kujilinga,

Alevi 26:4

mba mungunwaha vula ha tukweji twenyi, ni e mavu mahana mbuto, ni mitondo yeswe muyihana mihuko yayo.

Malaki 3:11

Mungunukanjishila mukwa kwonwona alitwamine kwonwona mihuko ya mavu jenu. Mutondo wenu wa uva kuuchi kahona kwima. Chocho kanambe Yehova-wa-Tujita.

Yilinga 14:17

Hindu kalihichikile iye mwene keshi chela, te walingile yipema, wanuhele vula wa mwilu ni tukweji a kwima mihuko, nikuzalisa mbunge jenu ni kulia ni chiseke.

Shimbi 28:12

Yehova makanupakwila upite wenyi upema wa mwilu, mukunokesa vula wa chifuchi chenu ha mwaka wenyi, mukuwahisa milimo yeswe ya moko jenu. Munukahana mikuli ku mavungu anji, alioze kunuchi katambula mikuli.

Tiangu (Jake) 5:7

Kashika lihumikizenu, mandumbu, ndo ku kuheta cha Mwene. Talenu, njimi matalatala mihuko yilemu ya hashi, malihumikiza ndo muyitambula vula wa musazu ni vula wa samakwasa.