Shimbi 11:1 - MUKANDA USANDU WA ZAMBI 1975

¹ Kashika, zangenu Yehova Zambi yenu, nufunge ulayilo wenyi, ni yiyulo yenyi, ni upatwilo wenyi, ni maliji jenyi a shimbi matangwa eswe.

Mukanda Wa Zambi 1970

¹ “Zangenu Mwene Zambi, Zambi yenu, fungenu Shimbi jenyi jeswe matangwa eswe.

Shimbi 11:1 Iomraidhean Croise

Miaso (Masamu) 105:45

hanga akafunge yiyulo yenyi nikumanununa shimbi jenyi. Halisenu Yehova!

Miaso (Masamu) 116:1

Nazanga Yehova mumu hanapanjika liji liami ni kuliumba chami.

Ezekiel 20:19

Zambi yenu yami Yehova; endenu mu yiyulo yami, nutale kanawa kufunga shimbi jami,

Alevi 18:30

Chocho fungenu shimbi yami ngwami, Nilimwe tangwa kanda nulinga ndako ja kuvwisa lwaji alingile waze atetekelele. Nilimwe tangwa kanda nulichisa najo. Yami Yehova Zambi yenu.

Alevi 22:9

Kashika akafunge chize naakunjika kuchina makambata mulonga wacho akafwe ha kuchijilula. Yami Yehova mukwa kwasela ku usandu.

Alevi 8:35

Kwe ku chikolo cha mbalaka ya chikungulwila munukatwama matangwa shimbiali, mwalwa ni ufuku, ni kufunga chiyulo cha Yehova kuchina munufwa, mumu chocho angutumine.

Zakaria 3:7

Yehova-wa-Tujita kanambe ngwenyi, Nyi muwenda mu majila jami, nikufunga shimbi jami, mukayilia zuwo liami, nikufunga maze jami, ni yami mungukwaha poko ya kunjila hakachi ka wano anamana kuno.

Shimbi 10:12

Haliapwila, enu A-Izalele, Yehova Zambi yenu kuchi anafupu kuli yenu? Kanafupu nuvwile woma Yehova Zambi yenu ni kwenda mu majila jenyi eswe, nikumuzanga, nikuvumbika Yehova Zambi yenu ni mbunge jenu jeswe ni alma jenu jeswe,

Shimbi 11:13

Kashika, nyi munupanjika kanawa ku maliji jami a shimbi ngunanwambe musono, nukazange Yehova Zambi yenu, mukumuvumbika ni mbunge jenu jeswe ni alma jenu jeswe,

Shimbi 11:22

Mumu kachi munufunga kanawa liji lino lieswe lia shimbi ngunanwambe, ni kulilinga, nukuzanga Yehova Zambi yenu, mukwenda mu majila jenyi eswe, mukulalaminya kuli iye,

Shimbi 13:4

Nukakaule Yehova Zambi yenu, numuvwile woma, nufunge maliji jenyi a shimbi, nuzeyele liji lienyi, numuvumbike, numulalaminye.

Shimbi 27:10

Kashika, zeyenu ku liji lia Yehova Zambi yenu, nulinge maliji jenyi a shimbi ni yiyulo yenyi, ngunanwambeyo musono.

Shimbi 30:6

Yehova Zambi yenu makanupwisa ngalami ku mbunge jenu, ni mbunge ja ana jenu, nukazange Yehova Zambi yenu ni mbunge jenu jeswe, ni alma jenu jeswe, hanga nutwame ni mwono.

Shimbi 4:1

Enu A-Izalele panjikenu ku yiyulo ni ku upatwilo ngunanulongesa, nuyilinge, hanga nupwe ni mwono, nunjile ni kuzuka chifuchi Yehova Zambi ya tulamba twenu ananwehecho.

Shimbi 4:40

Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.

Shimbi 4:5

Kutala! Nanulongesele yiyulo ni upatwilo, ngwe Yehova Zambi yami wangwambile, nulinge chizechene mu chifuchi nunayi kuchizuka.

Shimbi 5:1

Mose watambikile kuli A-Izalele eswe ngwenyi, Enu A-Izalele, ivwenu yiyulo ni upatwilo ngunambe mu matwi jenu musono, nulilongeseyo, nukayifunge, nuyilinge.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

Shimbi 6:1

Achi, liji lino lia shimbi, ni yiyulo yino, ni upatwilo uno, Yehova Zambi yenu wambile ngunulongeseyo hanga nuyilinge mu chifuchi nunazauka kuchizuka.

Shimbi 6:5

Nuzange Yehova Zambi yenu ni mbunge jenu jeswe ni alma jenu jeswe, ni ndundo jenu jeswe.