Shimbi 10:9 - MUKANDA USANDU WA ZAMBI 1975

⁹ Kashika A-Levi keshi chihanda chipwe chihinga hamwe ni akwo. Chihinga cho, Yehova, nikulita ngwe ambile kuli iye Yehova Zambi yenu.)

Mukanda Wa Zambi 1970

⁹ Kashika Alevi kaatambwile ko chifuchi cha chihinga ngwe mavungu akwo, mumu chihinga cho kulingila Mwene Zambi milimo ya uhako nikulita ni chilakenyo chenyi.)

Shimbi 10:9 Iomraidhean Croise

Ezekiel 44:28

O kechi kapwa ni chihinga mumu yami nguli chihinga cho. Kunuchi kwaaha yikumba mu Izalele mumu yami nguli yikumba yo.

Kwalula 26:62

A kwalula yapwa makumi aali a tununu ni tununu atatu, malunga eswe chize kuli akwa kakweji umuwika ndo kuli makulwana; mumu kaalwile hakachi ka A-Izalele, se kaahele chihinga hakachi ka A-Izalele.

Yilinga 8:21

Kushi chihanda chipwe chipinji ha chuma chino: mumu mbunge ye kuyalulamine kumeso ja Zambi.

Shimbi 12:12

Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Shimbi 14:27

Ni A-Levi aze ali mu yihunda yenu, kanda nwaehuka, mumu te o keshi chihanda chipwe chihinga hamwe ni yenu.

Shimbi 14:29

A-Levi mumu te o keshi chihanda chipwe chihinga hamwe ni yenu, ni njize, ni shiwa, ni twamishi aze ali mu yihunda yenu, aye, alie, ni kukuta, hanga Yehova Zambi yenu anuwahise ku milimo yeswe ya moko jenu munulinga.

Yoshua 14:3

Mumu Mose te hanahana chihinga kuli akwa minyachi yiali ni chihanda cha ha muchima cha munyachi, sali lize lia Yordau. Alioze kuli A-Levi kaahele nichimwe chihinga hakachi ko.