Shimbi 10:8 - MUKANDA USANDU WA ZAMBI 1975

⁸ Ha mwaka uze Yehova yahandununa munyachi wa Levi, mukumbata mushete wa usendo wa Yehova, mukumana kumeso ja Yehova amuvumbike, akawahise ni jina lienyi ndo ku tangwa lino.

Mukanda Wa Zambi 1970

⁸ Ha mulundu Mwene Zambi yatongola Alevi ha kufunga mushete wa usendo wa Zambi ni atu ni kumulingila milimo ya uhako, ni kuwahisa atu mu jina lienyi. Yenayo akulinga ndoo ni musono.

Shimbi 10:8 Iomraidhean Croise

1 Yitanga Ya Mianangana 8:6

Mba asasendote yaneha mushete wa usendo wa Yehova kuma kwawo mu uhanjikilo wa zuwo, mwe muma musandu mwahiana mushi lia mapulwa ja akerupimi.

1 Sango Ja Mianangana 15:2

David yamba ngwenyi, A-Levi wika mahasa kumbata mushete wa Zambi mumu Yehova waatongwele kumbata mushete ni kumulingila ku miaka ya mutolo.

1 Sango Ja Mianangana 15:26

Zambi wakwashile A-Levi waze ambachile mushete wa usendo wa Yehova kashika alambwile yitapo ya kuji a ngombe shimbiali ni kuji a mapanga shimbiali.

1 Sango Ja Mianangana 23:13

Ana ja Amarame, Arone ni Mose. Yahandununa Arone, akatumbikile yuma yisandu yahiana, iye ni ana jenyi ndo ku miaka. Akoche insensu kumeso ja Yehova, ni kumuvumbika, ni kuwahisa atu ni jina lienyi ndo ku miaka.

1 Sango Ja Mianangana 23:26

Kashika A-Levi kechi kuhondangana nikumbata tabernakulu ni yikwachilo yayo yeswe ya uvumbiko.

2 Sango Ja Mianangana 29:11

Ana jami, kanda nulengulula chuma chino, mumu Yehova hananutongola nukamane kumeso jenyi ni kumuvumbika, nukapwe tuvumbi twenyi, ni kwocha insensu.

2 Sango Ja Mianangana 30:27

Henaho asasendote A-Levi yakatuka, yawahisa e atu; mba liji lio yalivwa, ni kulemba cho yichiheta mwilu musandu muze mwatwama Zambi.

Miaso (Masamu) 134:1

Fumanyisenu Yehova, yenu eswe tuvumbi twa Yehova, yenu nwakumana ha ufuku mu zuwo lia Yehova.

Miaso (Masamu) 134:2

Zundulenu moko jenu kuma kusandu nukafumanyise Yehova.

Miaso (Masamu) 135:2

Yenu nwakumana mu zuwo lia Yehova, mu yize ya zuwo lia Zambi.

Jeremia 15:19

Kashika Yehova kanambe ngwenyi, Nyi muhiluka mungukuhuzulula, mba mukamana kumeso jami. Nyi muwamba chize chinaleme, hi chize ko chamokomoko, kumuopwa ngwe kanwa liami. O matalikisa kuli yena, hi yena ko mutalikisa kuli ayo.

Ezekiel 44:11

O makapwa tuvumbi mu zuwo liami lisandu nikulayila yikolo ya tembele ni kuvumbika mu tembele. O makashiha milambu ya kulumba, ni yitapo hali e atu; o makavumbika e atu ni kwalingila.

Ezekiel 44:15

Alioze asasendote ja A-Levi, ana ja Zadoke, waze afungile ulayilo wa zuwo liami lisandu muze A-Izalele akatukile kuli yami, o makundama kuli yami kunguvumbika, no mangulingila akangulambule e maji ni manyinga. Chocho kanambe Mwene Yehova.

Alevi 8:9

Yamusa kapusa ha mutwe wenyi, mba ha kapusa kulutwe wasele chipenya cha oru, che chipangula chisandu chizechene ngwe Yehova watumine Mose.

Alevi 9:22

Henaho Arone yazundula moko jenyi kuli atu, yaawahisa. Mba yapalumuka kuze walambwile mulambu ha shili, ni mulambu wa kulumba, ni milambu ya sambukila.

Kwalula 3:31

Yuma o makalayila yino: ni mushete, ni mesa, ni chikwachilo cha ndeya, ni yilumbilo, ni yikashi ya muma musandu ya kuvumbikila, ni hina lia kufuka nalio, hamwe ni uvumbiko wamo weswe.

Kwalula 3:6

Ukundamise munyachi wa Levi. Uasele kumeso ja sasendote Arone hanga akamuvumbikile.

Kwalula 4:15

Muze te Arone ni ana jenyi a malunga hamana kufuka muma musandu ni yikashi yeswe ya muma musandu, muze akwa chilombo himaya mu wenyi, mba kulutwe A-Kohate akakundame akayimbate. O kanda akasunga yuma yisandu kuchina mafwa. Yuma yino kuyapwa chiteli cha A-Kohate mu mbalaka ya chikungulwila.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yilinga 13:2

Shimbu machivumbika Mwene, nikulitwamina kulia, Spiritu Musandu wambile ngwenyi, Selenu kuli yami haliapwila, Mbarnavwe ni Saulu ha milimo yize hingunaatambikila.

A-ROMA 1:1

Yami Paulu, ndungo ya Yesu Kristu, amutambikile postolo, amuselele ku sango lipema lia Zambi,

A-ROMA 12:7

hanji uvumbiko, tuvumbikenu; hanji yoze wakulongesa, akalongese;

2 Korintu 6:17

Kashika tuhukenu mukachi ko, lihandununenu kuli ayo, chocho anambe Mwene, kanda nukwata ku chuma cha luchisa; mba mungukanutambula,

Galashia 1:15

Alioze muze chapemenene Zambi, yoze wanguhandunwine chize ku jimo lia mama, wangutambikile mu vumbi lienyi,

Shimbi 17:12

Mutu yoze malengumuka, kechi kupanjika kuli sasendote akumana kuvumbika kumeso ja Yehova Zambi yenu, hanji kuli ngaji, iye afwe. Chocho munukatwisa che chipi hakachi ka A-Izalele.

Shimbi 18:5

Mumu te Yehova Zambi yenu hanamutongola wa ku minyachi yenu yeswe, mukumana nikuvumbika ni jina lia Yehova, neye ni ana jenyi a malunga ku miaka ya mutolo.

Shimbi 21:3

Limbo Uli hakamwihi ni mutu amushihile, makulwana te a limbo lize akwate chimbembe cha chihwo, kalingile nenyi milimo, kamulemene kanga.

Shimbi 21:5

Asasendote, ana a Levi akundame, mumu Yehova Zambi yenu hanaatongola, kumuvumbika, mukuwahisa ni jina ha Yehova, mba nikulita ni liji lio chocho akapatule kulihangujola cheswe ni kulilamba cheswe.

Shimbi 31:9

Mose yasoneka shimbi yino, yayihana kuli asasendote, A-Levi, waze ambachile mushete wa usendo wa Yehova, ni kuli makulwana eswe a Izalele.