Shimbi 10:22 - MUKANDA USANDU WA ZAMBI 1975

²² Tulamba twenu yapalumukina ku Engitu, makumi shimbiali a atu, haliapwila Yehova Zambi yenu hananupwisa mbunga ngwe matongonoshi a mwilu.

Mukanda Wa Zambi 1970

²² Muze tushakulu twenu ayile ku Egiptu, te makumi shimbiali wika. Alioze haliabwila Mwene Zambi, Zambi yenu, hanwokesa kuhiana ngwe matongonoshi a mwilu.”

Shimbi 10:22 Iomraidhean Croise

Ubutukilo 15:5

Yamuneha haze, yamba ngwenyi, Tala kwilu haliapwila walule matongonoshi nyi muhasa kwaalula. Mba yamba ngwenyi, Chocho makapwa akwa munyachi we.

Ubutukilo 22:17

kuwahisa mungukakuwahisa; kwokesa mungukokesa munyachi we ukapwe ngwe matongonoshi a mwilu; ukapwe ngwe masekeseke a ha ngenge ya kalunga-lwiji. Munyachi we makazuka chajilo cha akwa kole je.

Ubutukilo 46:26

Atu eswe Yakomba wejile no ku Engitu, te waze asemukine kuli iye mwene—hi mapwo ja anenyi ko—e eswe hamuwika apwa makumi asambano a atu ni atu asambano.

Ubutukilo 46:27

Mba ana ja José asemene mu Engitu aali, hashika atu eswe a zuwo lia Yakomba ejile ku Engitu, makumi shimbiali.

Nehemia 9:23

Wokesele ana jo nawa ngwe matongonoshi a mwilu; waanjishile mu chifuchi chize wambile kuli atato ngwe, Mununjila ni kuchitambula.

Kutuhuka 1:5

Atu eswe aze asemukine kuli Yakomba apwile makumi shimbiali a atu; José te hapwa kulu mu Engitu.

Kwalula 26:51

Wano yapwa a kwalula a kuli A-Izalele, kulakaji asambano a tununu ni kanunu umuwika ni kulakaji shimbiali ni makumi atatu.

Kwalula 26:62

A kwalula yapwa makumi aali a tununu ni tununu atatu, malunga eswe chize kuli akwa kakweji umuwika ndo kuli makulwana; mumu kaalwile hakachi ka A-Izalele, se kaahele chihinga hakachi ka A-Izalele.

Yilinga 7:14

José watumine akatambike tato Yakomba akeze kuli iye, ni usoko wenyi eswe, makumi shimbiali a atu ni atu atano.

Shimbi 1:10

Yehova Zambi yenu hananwokesa. Kumanyi musono, kunwapwa mbunga ngwe matongonoshi a mwilu.

Shimbi 1:11

Yehova, Zambi ya tulamba twenu, akanwokese mutu ni mutu nukapwe tununu, akanuwahise, ngwe iye walakenyene.

Shimbi 26:5

Ukumbulule kumeso ja Yehova Zambi ye ngwe, Kulwami wapwile Ka-Seria, te kanambe kutoka. Yapalumukina ku Engitu, yatwamako ni atu akehe. Kwenako yapwa vungu linene, lia ndundo, lia atu anji.

Shimbi 28:62

Chipwe nwapwile mbunga ngwe matongonoshi a mwilu makanuhichika piliwiji, mumu kunwapanjikile ku liji lia Yehova Zambi yenu.

Hebreu 11:12

kashika nawa kwakatukile kuli umuwika, iye ngwe mufu, anji ngwe matongonoshi a mwilu, ngwe masekeseke aze ali ku sesa lia Kalunga-lwiji, keshi kuhasa kwaalula.