Shimbi 10:21 - MUKANDA USANDU WA ZAMBI 1975

²¹ Iye uhaliso wenu; iye Zambi yenu, hananulingila yuma yino yinene, kole ni mwongo, meso jenu hanayimono.

Mukanda Wa Zambi 1970

²¹ Muhalisenu, kali Zambi yenu. Hinunalimwena ni meso jenu yuma yinene yakukomwesa yize hananulingila.

Shimbi 10:21 Iomraidhean Croise

2 Samuel 7:23

Mba vungu lika lia hano hashi lialita ni atu je A-Izalele? Yena Zambi wayile kwakula akapwe atu je, ukalilingile jina, ukaalingile ayo yuma yinene ya woma ni mu chifuchi che, kumeso ja atu je, waze waakulile ku Engitu ni ku mavungu ni mazambi jo, akapwe atu je.

Miaso (Masamu) 109:1

Zambi uhaliso wami, kanda uhola kama.

Miaso (Masamu) 145:6

Atu kumakahanjika ya ndundo ya yilinga ye ya kukolesa woma. Yami mungwambujola unene we.

Miaso (Masamu) 148:14

Iye hanazundula mbinga ya atu jenyi, ni uhaliso wa asandu jenyi eswe; e ana a Izalele, atu aze atwama hehi nenyi. Halisenu Yehova!

Miaso (Masamu) 22:3

Alioze yena uli musandu, yena watwama hakachi ka uhaliso wa Izalele.

Kutuhuka 15:2

Yehova iye tachi jami ni mwaso wami. Iye hanapu ulamwino wami. Yono mwe Zambi yami. Kumungumuhalisa yono Zambi ya tata. Kumungumunangamisa.

Kutuhuka 34:10

Yehova yamba ngwenyi, Ngunakolesa usendo. Kumeso ja atu je eswe mungukalinga yipekesa kanda achiyilinga hashi, chipwe hakachi ka vungu nilimwe, ka. Mba atu eswe watwama hakachi ko kumakamona chitanga cha Yehova, mumu chize mungukalinga ni yena muchipwa cha kukolesa woma.

Izaya 60:19

Tangwa kulichi kapwa nawa pang u lienu lia mwalwa; kakweji kechi katemuka kuli yenu ha ufuku. Alioze Yehova makapwa pangu lienu lia mutolo, Zambi yenu makapwa uhenya kuli yenu.

Izaya 64:3

Muze walingile yuma ya kukomwesa yize kutwataliletalile, wahulumukine, mba milundu yachikimine ha kuheta che.

Jeremia 17:14

Yehova, unguwuke mba munguhinduka, ungulamwine mba munguwaha; mumu yena uli uhaliso wami.

Luka 2:32

pangu lia kutemwina akwa mavungu, ni uhenya wa atu je, A-Izalele.

Yoshua 24:18

Yehova wahumine kumeso jetu atu eswe, e A-Amore atwamine mu chifuchi, kashika ni yetu nawa mutulingila Yehova mumu iye Zambi yetu.

Usolwelo 21:23

Limbo kuliafupile tangwa, chipwe kakweji kupangukamo, ka; mumu uhenya wa Zambi hiunalipangulula, ni ndeya yalio, mwe Mwana-panga.

1 Samuel 12:24

Chino wika ngwami, Vwilenu woma Yehova nukamulingile mu umwenemwene ni mbunge jenu jeswe, nukazewule yuma yinene yipwa haha hananulingila.