Shimbi 10:20 - MUKANDA USANDU WA ZAMBI 1975

²⁰ Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

Mukanda Wa Zambi 1970

²⁰ Ononokenenu Mwene Zambi, Zambi yenu, muwayilenu iye wika. Bwenu akwa kushishika, lishingenu ni jina lienyi wika.

Shimbi 10:20 Iomraidhean Croise

1 MIANANGANA 18:6

Mumu walalaminyine kuli Yehova; kalitwaminyine kumukaula; yafunga shimbi jenyi jize Yehova watumine kuli Mose.

Miaso (Masamu) 63:11

Mumu mwanangana kumakawahilila muli Zambi; mweswe malishinga nenyi malisamba. Mumu kanwa lia waze akuhanjika mahuza kumakalipakika.

Kutuhuka 20:7

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Longeshi 12:13

Songo lia chikuma; cheswe twachivwa. Vwila woma Zambi, ni kufunga shimbi jenyi, mumu henaho hasulila milimo ya mutu.

Izaya 45:23

Nalishingile ni yami mwene. Liji limwe hiliatuhuka mu kanwa liami mu ululi, kulichi kuhasa kuhiluka kunyima, ngwami, Kungunwa lieswe mulikazondama kuli yami, ni limi lieswe mulikalishinga.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Mateu 4:10

Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

Luka 4:8

Yesu wamukumbulwile, ngwenyi, Sosoloka kunyima yami, Satana, mumu chinasonewa ngwo, Ukawayile Mwehe Zambi ye, Iye wika ukamulingile.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

A-ROMA 12:9

Zango likapwe kulishi ulembekese. Ivwenu lwaji ha ungulungulu; lalaminyenu ku yipema.

Shimbi 11:22

Mumu kachi munufunga kanawa liji lino lieswe lia shimbi ngunanwambe, ni kulilinga, nukuzanga Yehova Zambi yenu, mukwenda mu majila jenyi eswe, mukulalaminya kuli iye,

Shimbi 13:4

Nukakaule Yehova Zambi yenu, numuvwile woma, nufunge maliji jenyi a shimbi, nuzeyele liji lienyi, numuvumbike, numulalaminye.

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

Shimbi 4:4

Hindu yenu eswe nwalalaminyine kuli Yehova Zambi yenu, nuli a mwono tangwa lino.

Shimbi 5:11

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

Shimbi 6:13

Nukavwile woma Yehova Zambi yenu, nukamuvumbike iye, nukalishinge ni jina lienyi.

Yoshua 23:7

Kanda nukalifutula ni mavungu aze asala hakachi kenu. Kanda nukavuluka majina ja mazambi jo, chipwe kulishinga ni majina jo, chipwe kwalingila, chipwe kufukama kuli ayo.

Yoshua 23:8

Alioze lalaminyenu kuli Yehova Zambi yenu chizechene hinwalinga musono.

1 Samuel 7:3

Samuel yamba kuli A-Izalele eswe ngwenyi, Nyi nunahilukila Yehova ni mbunge jenu jeswe katwisenu hakachi kenu mazambi eka ni Asatarote nukatalikise mbunge jenu kuli Yehova nikumulingila iye wika. Mba kumakanupulula kuli A-Filistea.