Shimbi 10:19 - MUKANDA USANDU WA ZAMBI 1975

¹⁹ Kashika zangenu yilambala, mumu yenu nwapwile yilambala mu chifuchi cha Engitu.

Mukanda Wa Zambi 1970

¹⁹ Kashika, zangenu yilambala, mumu ni yenu nawa nwabwile yilambala mu chifuchi cha Egiptu.

Shimbi 10:19 Iomraidhean Croise

Kutuhuka 22:21

Kanda ukalinga chipi kuli njize chipwe kumumwesa lamba, ka. Mumu yenu nwapwile njize mu chifuchi cha Engitu.

Ezekiel 47:22

Munuliselacho chihinga kuli yenwene ni kuli yilambala waze hanatungu ni yenu, hanaseme ana hakachi kenu. O makapwa kuli yenu ngwe A-Izalele a chisemuko. Munukaasela chihinga hamwe ni yenu hakachi ka minyachi ya Izalele.

Ezekiel 47:23

Munukasela mwe chilambala chihinga chenyi mu munyachi uze atwama. Chocho kanambe Mwene Yehova.

Luka 17:18

Kaawanyine niamwe akuhiluka nikuchichimieka Zambi, shina yono chilambala wika.

Luka 6:35

Alioze zangenu akwa kole jenu, lingenu yipema kuli ayo, hanenu mukuli, kanda nutalatala chize mahilwisa; ni kwononona chenu kumuchikapwa chinene; kumunukapwa ana ja mwe Chitunda: mumu iye mukwa utu kuli akwa kaleleso ni yingulungulu.

Galashia 6:10

Chocho kevwe, shimbu tuchili ni mwaka, tulingenu yipema kuli atu eswe, ni kuli akwa zuwo lia Ufulielo kuhiana chikolo.

Shimbi 23:7

Kanda nuvwila kole Ka-Endome mumu iye mukwenu. Kanda nuvwila kole Ka-Engitu mumu yenu nwapwile yilambala mu chifuchi chenyi.

Shimbi 23:8

Ana jo makasemuka ku chisemuko chamuchitatu kumakanjila mu chikungulwila cha Yehova.