Shimbi 10:18 - MUKANDA USANDU WA ZAMBI 1975

¹⁸ Kakupatwila ni ululi shiwa ni twamishi, kazanga chilambala nikumwaha kulia ni mazalo.

Mukanda Wa Zambi 1970

¹⁸ Kakubatwila ana a shiwa ni waze haanafwisa malunga ni ululi. Kakuzanga yilambala waze atwama hamwe ni atu jenyi, kakwalisa ni kwajika.

Shimbi 10:18 Iomraidhean Croise

2 Sango Ja Mianangana 19:7

Kashika pwenu ni woma wa Yehova. Talenu kanawa nukachilinge, mumu uhenge kuushiko kuli Yehova Zambi yenu, chipwe katonde, hanji kutambula yijiko.

Miaso (Masamu) 10:18

Hanga ukalinge ululi kuli mwana-shiwa ni mukwa luyinda, hanga mukwa hashi keshi kuvwisa mwongo nawa. Kuli Njimba mukwa lutwe. Samu lia David.

Miaso (Masamu) 103:6

Yehova kakupatula ni yilinga ya ululi ni upatwilo kuli waze eswe anamono lamba.

Miaso (Masamu) 145:9

Yehova iye mupema kuli eswe. Keke yenyi yinene yahiana yitanga yenyi yeswe.

Miaso (Masamu) 146:9

Yehova kakufunga njize. Kakujikijisa ana-ashiwa ni tuliwa, alioze jila ya yingulungulu kumakayipwisa yikalu.

Miaso (Masamu) 68:5

Zambi mu zuwo lienyi lisandu kapwa tato ya ana-ashiwa, kanda sopi ya twamishi a mapwo.

Miaso (Masamu) 68:6

Waze atwama ukawo Zambi kakwatwamisa mu majiko ni akwo. Kakuneha funge ku upite wa kulumbama, alioze akwa kukolema kakutwama mu chifuchi chumu chau.

Kutuhuka 22:20

Yoze matambula kuli kazambi keswako shina Yehova wika, akamwonwone liakulu.

Kutuhuka 22:21

Kanda ukalinga chipi kuli njize chipwe kumumwesa lamba, ka. Mumu yenu nwapwile njize mu chifuchi cha Engitu.

Kutuhuka 22:22

Kanda nukayindamisa twamishi wa pwo chipwe mwana-shiwa, ka.

Kutuhuka 22:23

Kachi munwayindamisa chimwe mba o mateta kuli yami kachi chamwenemwene kumungwivwa muteto wo.

Izaya 1:17

lilongesenu kulinga yipema; fupenu ululi; yulenu uswi; fungenu ana-ashiwa, hakwilenu tuliwa.

Jeremia 49:11

Hichikenu ana jenu ashiwa, yami mungwafunga, tuliwa jenu angufuliele yami.

Hosea 14:3

A-Asuria kechi kutulamwina; kutuchi kwenda hali tuvwalu; mba kutuchi kamba nawa ngwetu, Zambi yetu ku yuma ya kulinga ni moko jetu. Muli yena ana-ashiwa kakuwana keke.

Alevi 25:35

Nyi mukwenu malumuka chiswale, kahashile kulikwasa hakachi kenu, mba yenwene munumukwasa. Matwama hakachi kenu chimuwika ngwe chilambala hanji njize.

Kwalula 10:32

Muchikapwa, nyi yenu munuya hamwe ni yetu, ngwami, yuma yipema Yehova makatulinga yetu, yiyene kumutukanulinga yenu.

Mateu 5:45

hanga nukapwe ana a Tatenu yoze uli mu malilu: mumu kakuvumbula tangwa lienyi hali api ni apema; kakunokesa vula hali akwa ululi ni hali yihenge.

Yilinga 14:17

Hindu kalihichikile iye mwene keshi chela, te walingile yipema, wanuhele vula wa mwilu ni tukweji a kwima mihuko, nikuzalisa mbunge jenu ni kulia ni chiseke.

Shimbi 27:19

Kashingiwa mutu yoze mahengesa upatwilo wa chilambala, ni wa shiwa, ni wa twamishi. Atu eswe até ngwo, Amene.