Shimbi 10:17 - MUKANDA USANDU WA ZAMBI 1975

¹⁷ Mumu Yehova Zambi yenu iye Zambi ya tuzambi, Mwene wa ene, Zambi munene, mukwa ndundo, kole ni mwongo, keshi katonde, chipwe keshi kutambula chindo, ka.

Mukanda Wa Zambi 1970

¹⁷ Mwene Zambi kanahiana mazambi eswe akwo ni akwa ndundo eswe. Kali munene, mukwa ndundo, kola woma. Keshi katonde, keshi kutambula ubite wa mbenga.

Shimbi 10:17 Iomraidhean Croise

2 Sango Ja Mianangana 19:7

Kashika pwenu ni woma wa Yehova. Talenu kanawa nukachilinge, mumu uhenge kuushiko kuli Yehova Zambi yenu, chipwe katonde, hanji kutambula yijiko.

Nehemia 1:5

ngwami, Ngunalembe, Yehova Zambi ya mwilu, Zambi munene, kole ni woma. Kuwakukolesa usendo ni utu wa zango kuli waze akukuzanga nikufunga shimbi je.

Nehemia 4:14

Natalile, mba yingukatuka yingwamba kuli alemu, ni kuli akwa kuyula, ni kuli atu akwo, ngwami, Kanda nwavwila woma. Iwulukenu Mwene, mwe munene kole ni woma, nukase jita hali akwenu, ni ana jenu a malunga ni a mapwo, ni mapwo jenu, ni mazuwo jenu.

Nehemia 9:32

Kashika Zambi yetu, mwe Zambi munene, mukwa ndundo kole ni woma, mukwa kufunga usendo ni utu wa zango, kanda umona kukeha lamba lino lieswe hiliatushata, ni mianangana jetu, ni alemu jetu, ni asasendote jetu, ni aprofeta jetu, ni tulamba twetu, ni atu je eswe, chize ku miaka ya mianangana ja Asuria ndo musono.

Jobe 34:19

Iya keshi ni katonde kuli akwa kuyula? Iya kalemesene pichi kuhiana chiswale mumu eswe yitanga ya moko jenyi?

Miaso (Masamu) 99:3

Akachichimieke jina lie linene lia woma, mumu Hapwa lisandu.

Kutuhuka 23:8

Kanda ukatambula chijiko, mumu chijiko kuchakupupuchisa waze akwete meso. Kuchakuhengesa maliji a mukwa ululi.

Izaya 37:16

Yehova-wa-Tujita, Zambi ya Izalele, kuwatwama hali akerupimi, ena uli Zambi, yena wika, wa mawanangana eswe a hashi. Uli Tangi ya mwilu ni hashi.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Jeremia 20:11

Alioze Yehova kwali hamwe ni yami ngwe kajita wa kukolesa woma. Kashika akwa kunguhungumiona malimbuka kechi kangukumba. Makevwa sonyi jinji mumu kechi kuhasa kumanununa. Kusauka cho cha mutolo kechi kuchivulama nilimwe tangwa.

Jeremia 32:18

Kuwakulweza utu wa zango lie kuli tununu, alioze kuwakufwetesa uhie wa atato kuli ana jo waze anaakaula. Yena Zambi munene wa ndundo, uli ni jina lia Yehova-wa-Tujita.

Daniel 11:36

Mwe mwanangana makalinga nikulita ni upale wenyi mwene. Makalinangamisa, ni kulifuza helu lia mazambi eswe. Makahanjika yuma ya kukomwesa ya kulimika ni mwe Zambi wa mazambi. Kumakaya kulutwe ndo utenu hiwamanunuka; mumu chize hanafunjika kumuchikalingiwa.

Daniel 2:45

chizechene ngwe nwamwene liwe lia kupula ku mulundu, hi ni kwoko lia mutu ko, mba Mapalwola utale, ni unengu, ni uma, ni prata, ni oru. Mwe Zambi munene halweza kuli mwanangana chize muchikapwa kulutwe. Chilota cha pundu, ni ulumbunwiso wacho wamwenemwene.

Daniel 2:47

Mwanangana yamba kuli Daniel ngwenyi, Pundu, Zambi ye mwe Zambi ya mazambi, ni Mwene wa mianangana; kapwa nawa mukwa kujimbula yijimbikilo se yena hiwahasa kujimbula chijimbikilo chino.

Marku 12:14

O muze ahetele, yamba kuli iye ngwo, Longeshi, tunanyingika yena uli wamwenemwene, kushi kuvwila woma niumwe; mumu kushi ni katonde kuli atu, alioze kuwakulongesa jila ya Zambi ni umwenemwene, ngwetu, Muchilita ni shimbi shina kuhana lijimu kuli Sesare, nyi? Shina ka?

Yilinga 10:34

Mba Petulu Wapakwile kanwa lienyi, wambile ngwenyi, Chamwenemwene ngunamono Zambi keshi katonde:

A-ROMA 2:11

Mumu Zambi keshi katonde.

Galashia 2:6

Alioze kuli waze afumanyine kupwa chimwe (cheswacho apwile kunyima, chamokomoko kuli yami: Zambi keshi katonde), waze a lufuma kanguwezele nichimwe.

Efesu 6:9

Yenu miata, lingenu yuma yimuwika kuli ayo, nikulitwamina kwomisa: se nunanyingika yoze wapwa Mwene wa eswe aali, niwo kanda niwenu, mwilu mwali, iye keshi katonde niumwe.

Shimbi 1:17

Kanda nupwa ni katonde ha kupatula. Nupanjike akepe ni anene chizechene. Kanda nupwa ni woma wa meso ja mutu, mumu upatwilo wa mbala wa Zambi. Chikuma chikalu naye hali yenu nungunehenecho. Munguchipanjika.

Shimbi 16:19

Kanda nuhengesa upatwilo; kanda nupwa ni katonde; chipwe kanda nutambula chindo, mumu chindo kuchapupuchisa meso ja mukwa mana, kuchahengesa chikuma cha mukwa ululi.

Shimbi 24:17

Kanda nuhengesa upatwilo wa chilambala, chipwe wa shiwa, chipwe kanda nuchiza mazalo a twamishi kupwa chifungo,

Shimbi 27:25

Kashingiwa mutu yoze matambula chindo hanga ashihe mukwa kusamba. Atu eswe até ngwo, Amene.

Shimbi 7:21

Kanda nususamiana mumu hali ayo, mumu Yehova Zambi yenu hwali hakachi kenu, Zambi munene, kole ni mwongo.

Kolosu 3:25

Mumu yoze malinga yipi kumakatambula nawa yipi yize hanalingi: ni katonde wakuhi niumwe.

1 Timoteu 6:15

Uze ha mwaka wawo makaulweza, yoze wapwa mukwa kuyula wa kuwaha kanda umuwika, mwe Mwanangana wa mianangana, mwe Mwene wa ene.

Yoshua 22:22

Mukwa Ndundo, Zambi, Yehova! Mukwa Ndundo, Zambi, Yehova! Iye kananyingika, kashika A-Izalele no akanyingike ngwetu, Nyi kachi chapwa kukolema, hanji mafwefwe, kuli Yehova kanda nutuvwila keke musono

1 Petulu 1:17

Nyi kachi nwakumutongola ngwenu, tata yoze keshi katonde, kakupatula nikulita ni chitanga cha mutu ni mutu, endenu ni woma, wenyi wenu weswe:

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

Usolwelo 19:16

Iye ha hina lienyi ni ha chitongo chenyi jina akwete, linasonewa ngwo, Mwanangana wa mianangana, Mwene WA ENE.