Shimbi 1:8 - MUKANDA USANDU WA ZAMBI 1975

⁸ Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Mukanda Wa Zambi 1970

⁸ Chino cheswe chili chifuchi chize yami Mwene Zambi nalakenyene tushakulu twenu Abrahama, ni Isake, ni Yakoba, ni kuli mavungu jo. Yeenu nukachihinge.’ ”

Shimbi 1:8 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 15:16

O ha chisemuko chamuchiwana kumakeza nawa ku kuno, mumu uhenge wa A-Amore te kanda woka.

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

Nehemia 9:15

Mwilu waatumine mbolo ha zala yo; ku liwe waachijile meya ha pwila yo. Waatumine anjile nikutambula chifuchi chize yena hiwalishinga kwaaha.

Kutuhuka 23:31

Mungukafunjika njiza jenu chize ku Kalunga-lwiji Muchila ndo ku kalunga-lwiji wa A-Filistea; chize ku puya ndo ku Lwiji, mumu mungukakunjika akwa chifuchi chize ku moko jenu mba yenu munukaahuma kulutwe lienu.

Kutuhuka 33:1

Yehova yamba kuli Mose ngwenyi, Yako ukakanduke hamwe ni atu aze waachijile ku chifuchi cha Engitu, ndo ku chifuchi chize nalishingile ni shingo kuli Apalahama ni Izake ni Yakomba ngwami, Mungukachihana ku munyachi we.

Jeremia 32:22

Waahele chifuchi chino te hiwalishinga ni tulamba two kwaahacho; chifuchi kuze kunokela yamwa ni wuchi.

Ezekiel 47:14

Munukachiteta ni katonde keshiko. Nalishingile ni tulamba twenu kwaahacho, kashika chifuchi chino muchipwa nichenu cha chihinga.

Kwalula 14:23

o kechi kamona wate che chifuchi nalakenyene ni shingo kuhana kuli tulamba two, chipwe niumwe wa kuli ayo angunyehwine kechi kachimona.

Kwalula 32:11

Chamwenemwene niumwe wa kuli atu akatukile ku Engitu, chize kuli akwa makumi aali a miaka ndo kuli makulwana makamona chifuchi nalakenyene ni shingo kuhana kuli Apalahama ni kuli Izake ni kuli Yakomba, mumu te o kangukawile liakulu,

Shimbi 1:11

Yehova, Zambi ya tulamba twenu, akanwokese mutu ni mutu nukapwe tununu, akanuwahise, ngwe iye walakenyene.

Shimbi 1:35

Chamwenemwene mutu niumwe wa chisemuko chino chipi mamona chifuchi chipema nalishingile kuhana kuli tulamba twenu,

Shimbi 10:11

Yehova yamba kuli yami ngwenyi, Katuka, uye wenyi we kumeso ja atu, o kumakanjila ni kuzuka chifuchi, nalishingile kuli tulamba two ngwami, Mungwaahacho.

Shimbi 11:24

Kuma kweswe munukaliata ni molu jenu kukapwe nikwenu, katuke ku puya ni ku Lebano, katuke ku lwiji, lwiji Ufrateze ndo ku kalunga-lwiji watwama ku Chitokelo kukapwe njiza yenu.

Shimbi 11:9

hanga nwokese matangwa jenu mu chifuchi chize alishingile Yehova kuli tulamba twenu mukwaahacho, ni kuli ana jo, chifuchi chize chinokela yamwa ni wuchi.

Shimbi 2:29

ngwe angulingile ana ja Esau akutwama mu Sere ni A-Moape akutwama mu Are ndo mungukazauka Yordau ni kunjila mu chifuchi Yehova Zambi yetu anatwehecho.

Shimbi 26:15

Mwilu amu nwatwama mu usandu talenu hashi, nuwahise atu jenu A-Izalele, ni mavu nawa nwatwaho, ngwe nwalishingile kuli tulamba twetu, chifuchi kuze kunokela yamwa ni wuchi.

Shimbi 26:3

Uhete kuli sasendote mapwa ha matangwa aze, wambe kuli iye ngwe, Ngunatayiza musono kuli Yehova Zambi ye ngwami, Hinaheta mu chifuchi Yehova walishingile kuli tulamba twetu kutwahacho.

Shimbi 28:11

Yehova makanuwahisa ni yikumba, ni ana a mijimba yenu, ni ana a yimuna jenu, ni mbuto ya mavu jenu, mu chifuchi chize Yehova walishingile kuli tulamba twenu kunwahacho.

Shimbi 29:12

hanga nukwate ku usendo wa Yehova Zambi yenu, ni ku shingo lienyi, Yehova Zambi yenu anakolesa ni yenu musono.

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

Shimbi 31:7

Mose yasanyika Yoshua, yamba kuli iye kumeso ja A-Izalele eswe ngwenyi, Takama, uhamuke; mumu kumukaya ni wano atu ku chifuchi Yehova walishingile kuli tulamba two mukwaahacho, mukaatungisamo.

Shimbi 34:4

Yehova yamba kuli iye ngwenyi, Chifuchi chino nalishingile kuli Apalahama, ni kuli Izake, ni kuli Yakomba, ngwami, Mungukachihana kuli ana jenu. Hinakumwesacho ku meso je, alioze kuchi kazauka nikuyako.

Shimbi 4:1

Enu A-Izalele panjikenu ku yiyulo ni ku upatwilo ngunanulongesa, nuyilinge, hanga nupwe ni mwono, nunjile ni kuzuka chifuchi Yehova Zambi ya tulamba twenu ananwehecho.

Shimbi 6:10

Muze Yehova Zambi yenu manuhetesa mu chifuchi alishingile iye kuli tulamba twenu ni kuli Apalahama, ni kuli Izake, ni kuli Yakomba, mukunwaha membo anene, apema, enu kunwaatungile,

Shimbi 7:12

Mba mumu te nunapanjika ku upatwilo uno ni kuufunga, ni kuulinga, kashika, Yehova Zambi yenu makafunga ni yenu we usendo ni we utu wa zango iye walishingile kuli tulamba twenu.

Shimbi 7:13

Iye manuzanga yenu, makanuwahisa, makanwokesa. Iye makawahisa nawa ana a ku mijimba yenu, ni mbuto yakusoka ha mavu jenu, ni mbuto yenu, ni vinyu yenu, ni maji jenu, ni kwoka cha yimuna jenu, ni ana ja mapanga jenu, mu chifuchi alishingile iye kuli tulamba twenu kunwahacho.

Shimbi 7:8

Alioze mumu te Yehova kanuzanga yenu, chikwo nawa, iye anazange kufunga liji lia shingo alishingile nalio kuli tulamba twenu, Yehova hananuchiza ni kwoko lia ndundo, hananukula ku zuwo lia upinji, ku kwoko lia Falau, mwanangana wa Engitu.

Shimbi 8:1

Kanyamenu nulinge liji lieswe lia shimbi ngunanwambelio musono hanga nutwame ni mwono, ni kwoka, ni kunjila, ni kuzuka chifuchi chize walishingile Yehova kuchihana kuli tulamba twenu.

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.

Hebreu 6:13

Mumu Zambi muze alakenyene kuli Apalahama, se kapwile ni yoze munene wahiana kulishinga ni jina lienyi, walishingile ni jina lienyi mwene ngwenyi,

Hebreu 6:14

Chamwenemwene, kuwahisa, kumungukakuwahisa, kwokesa kumungukakwokesa.

Yoshua 1:6

Takama, hamuka mumu yena muhetesa vungu lino mu chifuchi cha chihinga chize nalakenyene ni shingo kuli tulamba two kwaaha.

Akwa Kuyula 2:1

Mba mungelo wa Yehova yakatuka ku Ngilingali yaya ku Mbokimi. Yamba ngwenyi, Nanuchijile ku Engitu; yingunu-neha ku chifuchi chino nalakenyene ni shingo kuhana kuli tulamba twenu. Yingwamba ngwami, Chichi kutangula usendo hakachi ka yenu ni yami.