Shimbi 1:43 - MUKANDA USANDU WA ZAMBI 1975

⁴³ Kashika yingwamba kuli yenu, kunwapanjikile, alioze yinukolema shimbi ya Yehova, yinulengumuka, nikukanduka ku chifuchi cha milundu.

Mukanda Wa Zambi 1970

⁴³ Yingunwambulwila yize Mwene Zambi angulwezele, alioze kunwayibanjikile ko. Mu kulengumuka chenu yinukandukila ku milundu.

Shimbi 1:43 Iomraidhean Croise

Izaya 63:10

Alioze o yakolema, yavwisa chinyengo Spiritu yenyi musandu; kashika iye yalumuka mukwa kole yo, iye mwene yasa no jita.

Kwalula 14:40

O yalimeneka ha chimene, yaya ndo ku mbulwa mulundu, ngwo, Yetu ano, kumutukaya kuma Yehova hanalakenya, mumu hitwavulumuna.

Kwalula 14:44

Alioze o, ku tachi jo, yeseka kukanduka ndo ku mbulwa mulundu; alioze chipwe mushete wa usendo wa Yehova, chipwe Mose kakatukile ku chilombo.

Kwalula 15:30

Alioze nyi mutu malinga chuma cha kulengumuka, chipwe mwenyembo chipwe njize, makashililika Yehova, auze mutu akamutete hakachi ka atu jenyi.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

Shimbi 1:26

Hindu kunwatayile kukanduka, alioze yinukolema shimbi ya Yehova Zambi yenu.

Shimbi 17:12

Mutu yoze malengumuka, kechi kupanjika kuli sasendote akumana kuvumbika kumeso ja Yehova Zambi yenu, hanji kuli ngaji, iye afwe. Chocho munukatwisa che chipi hakachi ka A-Izalele.