Shimbi 1:37 - MUKANDA USANDU WA ZAMBI 1975

³⁷ Yehova yangutenukina nawa mumu hali yenu ngwenyi, Ni yena nawa kuchi kunjilamo.

Mukanda Wa Zambi 1970

³⁷ Mwene Zambi yangutenukina mumu hali yenu, ngwenyi: ‘Chibwe yena Mose kuuchi kunjila mo.

Shimbi 1:37 Iomraidhean Croise

Kwalula 20:12

Yehova yamba kuli Mose ni Arone ngwenyi, Mumu te kunwafulielele yami, mukungusela ku usandu kumeso ja A-Izalele, kashika kunuchi kahetesa chino chikungulwila ku chifuchi hingunaahecho.

Kwalula 27:18

Yehova yamba kuli Mose ngwenyi, Utwale Yoshua, mwana wa Nune, lunga muli iye Spiritu mwali, usayike kwoko lie hali iye.

Shimbi 3:27

Ukanduke ku mbulwa mulundu wa Pisiga uhetule meso je utale ku Chitokelo, ni ku Norte, ni ku Sule, ni ku Chivumbuko, utale ni meso je; mumu kuchi kazauka yono Yordau.

Shimbi 3:28

Alioze uhane shimbi kuli Yoshua umukolese umujikijise, mumu iye makazauka kumeso ja atu ano, iye makaatungisa mu chifuchi yena mumona.

Shimbi 31:2

Yamba ngwenyi, Musono uno nguli ni kulakaji lia miaka ni makumi aali a miaka, Chahashile nawa kutuhwoka ni kunjilanjila. Yehova hamba kuli yami ngwenyi, Kuchi kuzauka yono Yordau.

Shimbi 32:52

Mumu mumona chifuchi chize chili kulutwe lie, alioze kuchi kunjila mu chifuchi ngunahana kuli A-Izalele.

Shimbi 34:4

Yehova yamba kuli iye ngwenyi, Chifuchi chino nalishingile kuli Apalahama, ni kuli Izake, ni kuli Yakomba, ngwami, Mungukachihana kuli ana jenu. Hinakumwesacho ku meso je, alioze kuchi kazauka nikuyako.

Shimbi 4:21

Chikwo nawa, Yehova yatenuka ni yami mumu hali yenu, yalishinga ngwenyi, Kuchi kuzauka Yordau hanji kunjila mu chifuchi chize chipema, Yehova Zambi yenu ananwehecho, chikapwe chihinga.

Shimbi 4:22

Alioze changutamba kufwa mu chifuchi chino, kanda nguzauka Yordau. Hindu enu munukazauka, nuzuke chifuchi chize chipema.