Shimbi 1:33 - MUKANDA USANDU WA ZAMBI 1975

³³ Iye wanutetekelele mu jila, mukufupa chihela cha kujikila mbalaka jenu, ha ufuku ni kahia anulweze jila Chanutamba kuya, ni ha mwalwa ni lelwa.

Mukanda Wa Zambi 1970

³³ chibwe matangwa eswe te kaakunutetekela ni kufupa haze munujika musumba wenu. Ha kunusongwela jila, te kakuya kulutwe lienu mu kahia kaze kalifwa ngwe nguji ha ufuku ni mu lelwa lize lialifwa ngwe nguji ha mwalwa.”

Shimbi 1:33 Iomraidhean Croise

Kwalula 10:33

O yakatuka ku mulundu wa Yehova, yaya wenyi wa matangwa atatu. Mushete wa usendo wa Yehova waatetekelele ha wenyi wa matangwa atatu, mukwafupila haze mahwimina.

Miaso (Masamu) 78:14

Ha mwalwa nawa waasongwelele ni lelwa. Ha ufuku waasongwelele ni pangu lia kahia.

Nehemia 9:12

Chikwo nawa waatetekelele mu nguji lia lelwa ha mwalwa, ni nguji lia kahia ha ufuku Ukaahe pangu mu jila yize chaatamba kuya.

Zakaria 2:5

Mumu Yehova kanambe ngwenyi, Yami mungupwa chipanga chayo cha kahia ka kujingilika; mungupwa nawa we uhenya muchima liayo.

Ezekiel 20:6

Ha tangwa lize nalishingile kuli ayo kwachiza mu chifuchi cha Engitu nikwaneha ku chifuchi hinaafupila; chifuchi chinokela yamwa ni wuchi, che chifuchi chahiana yifuchi yeswe ni uhenya.

Miaso (Masamu) 105:39

Wazazulwile lelwa likapwe lia kwafuka. Waahele kahia ka kwapangulwisa ha ufuku.

Kwalula 14:14

O kumakachambulula kuli atu atwama mu chifuchi chino. O hevwa ngwo, Yehova hwali hakachi ka wano atu; mumu yena wakulimona no meso ni meso. Lelwa lie kuliakumana helu lio. Yena kuwakwatetekela, ha mwalwa mu nguji lia lelwa, ni ha ufuku mu nguji lia kahia.

Miaso (Masamu) 77:20

Watwalile atu je ngwe chendo cha yimuna, ku kwoko lia Mose ni Arone.

Kutuhuka 14:24

Kumanyi haze ha kufulafula ni kucha—ku nguji lia kahia ni ku nguji lia lelwa Yehova watalile ku chizavu cheswe cha A-Engitu. Iye yatalisa chendo cheswe cha A-Engitu.

Jeremia 31:2

Yehova kanambe ngwenyi, Atu aze kafwile ni katana awanyine vumbi mu puya. Muze A-Izalele afupile uhwimino,