Shimbi 1:31 - MUKANDA USANDU WA ZAMBI 1975

³¹ Ni mu puya, nwamwenemo ngwe Yehova Zambi yenu anumbachile ngwe lunga mambata mwanenyi, mu jila yeswe nwayilemo, ndo nwejile kuno.

Mukanda Wa Zambi 1970

³¹ ni mu puya. Nwamwene chize Mwene Zambi anumbachile kanawa ndoo kuno ngwe chize tata akumbata mwanenyi.’

Shimbi 1:31 Iomraidhean Croise

Miaso (Masamu) 28:9

Lamwina kama atu je; wahisa chihinga che. Ualise nawa, uazundule ndo ku miaka ya mutolo. Samu lia David.

Kutuhuka 19:4

Nwamwene chize nalingile kuli A-Engitu, ngwe yami nanumbachile ha mapulwa ja pupa nikunuhetesa kuli yami mwene.

Izaya 40:11

Kumakalisa chendo chenyi ngwe kafunga, kumakakunga ana-mapanga mu moko jenyi, kumakaambata mu kondo, waze anamwisa ana kumakaasongwela ni vumbi.

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Jeremia 31:32

Yehova kanambe ngwenyi, Chichi kulinga usendo ngwe uze nalingile ni tulamba two muze naakwachile ku kwoko ngukaachize ku chifuchi cha Engitu. Usendo wami autangwile chipwe napwile mukwolunga.

Malaki 1:6

Mwana kakulemesa tato; ni kavumbi kakuvwila woma mwata wenyi. Nyi nguli tatenu ulemu wami ulihiwo? Nyi nguli mwata woma nwakunguvwila ulihiwo? Chocho kanambe Yehova-wa-Tujita kuli yenu asasendote nwakulelesa jina liami. Enu nunambe ngwenu, Kuchi twalelesa jina lie?

Kwalula 11:14

Chahashile ukawami kumbata wano atu eswe, mumu te chalema naye kuli yami.

Yilinga 13:18

Ha shimbu ngwe makumi awana a miaka walihumikijine ni ndako jo.

Shimbi 32:6

Chocho munukundulula kuli Yehova, enu atu a uhepuke ni lwelia? Te hi tatenu ko? Yoze wanutangile, wanuwumbile, wanukolesele?

Shimbi 8:5

Nunyonge mu mbunge jenu ngwenu, Ngwe chisemi mafumba mwanenyi, chocho Yehova Zambi yenu kakunufumba yenu.