Shimbi 1:30 - MUKANDA USANDU WA ZAMBI 1975

³⁰ Yehova Zambi yenu manutetekela, iye makanwashila jita, nikulita ni yeswe anulingilile mu Engitu ku meso jenu.

Mukanda Wa Zambi 1970

³⁰ Mwene Zambi, Zambi yenu manutetekela, ni kunwashila jita, ngwe chize nwamwene mu Egiptu

Shimbi 1:30 Iomraidhean Croise

2 Sango Ja Mianangana 32:8

Iye kali ni kwoko lia musunya, alioze yetu tuli ni Yehova Zambi yetu kutukwasa ni kutwashila jita. Ni e atu ajikijilile ha maliji a Hezekia mwanangana wa Yunda.

Nehemia 4:14

Natalile, mba yingukatuka yingwamba kuli alemu, ni kuli akwa kuyula, ni kuli atu akwo, ngwami, Kanda nwavwila woma. Iwulukenu Mwene, mwe munene kole ni woma, nukase jita hali akwenu, ni ana jenu a malunga ni a mapwo, ni mapwo jenu, ni mazuwo jenu.

Nehemia 4:20

Kashika kweswako munuvwila liji lia chitavwi hizombokenuko kuli yetu. Zambi yetu matwashila jita.

Miaso (Masamu) 46:11

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.) Kuli Njimba mukwa lutwe. Samu lia ana a Kora.

Kutuhuka 10:21

Yehova yamba kuli Mose ngwenyi, Olola kwoko lie kwilu hanga kukapwe milima kweswe ku chifuchi cha Engitu; hanga atu akapapate mu milima.

Kutuhuka 14:14

Yehova kumakanwashila jita. Enu munukahola kwenu.

Kutuhuka 14:25

Iye yasokola maroda ja matemba jo chocho chapwile chikalu kwaendesa. A-Engitu ambile ngwo, Tuchinenu kumeso ja A-Izalele mumu Yehova kanaashila jita ni A-Engitu.

Kutuhuka 19:4

Nwamwene chize nalingile kuli A-Engitu, ngwe yami nanumbachile ha mapulwa ja pupa nikunuhetesa kuli yami mwene.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

A-ROMA 8:37

Ngwetu, Ka, ha yino yuma yeswe twakuhiana kukumba ku tachi ja yoze waazangile.

Shimbi 1:29

Henaho yingwamba kuli yenu ngwami, Kanda nupwa ni mwongo, chipwe kwavwila woma, ka.

Shimbi 11:3

ni yilayi yenyi, ni yitanga yenyi ayilingile iye hakachi ka A-Engitu kuli Falau, mwanangana wa Engitu ni ku chifuchi chenyi cheswe.

Shimbi 29:2

Mose yatambika A-Izalele eswe ngwenyi, Nwamwene yeswe alingile Yehova kumeso jenu mu chifuchi cha Engitu kuli Falau, ni kuli ngamba jenyi, ni ku chifuchi chenyi cheswe.

Shimbi 3:22

Kanda nwavwila woma, mumu Yehova Zambi yenu iye makanwashila jita.

Shimbi 31:3

Yehova Zambi yenu makanutetekela, makonwona mavungu aze kumeso jenu, nukaazuke. Yoshua, iye makazauka kumeso jenu, ngwe ambile Yehova.

Shimbi 34:11

Ni yilayi yeswe, ni yikomokeso, Yehova wamutumine kulinga mu chifuchi cha Engitu, ni kuli Falau, ni kuli ngamba jenyi eswe, ni ku chifuchi chenyi cheswe.

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

Shimbi 7:18

Kanda nukaavwila woma. Iwulukenu kanawa yize alingile Yehova Zambi yenu kuli Falau, ni kuli A-Engitu eswe,

Yoshua 10:14

Kukwapwile tangwa ngwe lize, chipwe kuze kanda chipwe kuno kanda muze Yehova yapanjika ku liji lia mutu. Mumu Yehova yasa jita hali A-Izalele.

Yoshua 10:42

Yoshua watambwile wano mianangana eswe ni chifuchi cho hamuwika mumu Yehova Zambi ya Izalele washilile jita Izalele.

Yoshua 23:3

Ni yenu hinwamona yuma yize yeswe Yehova Zambi yenu halinga ku mavungu ano eswe mumu hali yenu, mumu Yehova Zambi yenu iye hanwashila jita.