Shimbi 1:28 - MUKANDA USANDU WA ZAMBI 1975

²⁸ Tukandukile kulihi nyi? Akwetu hanatushihi mbunge jetu ngwo, Atu jako anene, atolomoka kuhiana yetu. Membo anene, yipanga yo yaheta ku malilu. Chikwo nawa, yitumonako ana ja A-Anake a malunga.

Mukanda Wa Zambi 1970

²⁸ Mumu yika chatutamba kuya? Akwetu haatulekumwisa liakulu nikwamba ngwo: Atu jako kaanatuhiana tachi, ni kusuhwa, kaatwama mu membo a kukoleka, yipanga yo kuyaheta ndoo mwilu. Yitumona nawa vungu lia Aanake, atu ataluka!’

Shimbi 1:28 Iomraidhean Croise

Ubutukilo 11:4

Yamba ngwo, Tuyenu tutunge limbo, ni kaposhi songo lienyi likahete mwe mwilu, tukapwe ni jina kuchina mutumwangana mwamwa hashi heswe.

Kutuhuka 15:15

Hohene miata ja A-Endome alishimwokene. Akwa ndundo ja A-Moape kuchikima hichaakwata. Eswe akutwama ku Kanana hanasangunuka.

Izaya 13:7

Kashika moko eswe makazeya, ni mbunge ya mutu mweswe muyisangunuka,

Ezekiel 21:7

Muze makuhula ngwo, Kuchi te unatu mikuma? ena muwamba ngwe, Mumu ha lusango. Muze makeza, mbunge yeswe muyisangunuka ni moko eswe mahonga; Spiritu yeswe muyilezumuka ni makungunwa eswe mapwa a upekepeke ngwe meya. Nyingikenu, kuchineza, mba kumuchikamanunuka. Chocho kanambe Mwene Yehova.

Shimbi 1:29

Henaho yingwamba kuli yenu ngwami, Kanda nupwa ni mwongo, chipwe kwavwila woma, ka.

Shimbi 2:10

A-Emi atwamineko miaka kunyima, atu anene, anji, atolomoka ngwe A-Anake.

Shimbi 20:20

Mitondo wika nunayinyingika hi ya kulia ko, nukayionwone, nikuyipakula, nukayitunge yipanga ya kwasa nayo jita ni limbo lize ndo nwalikumba.

Shimbi 20:8

E yilolo ahanjike ni atu nawa ngwo, Lunga muka unevu woma, mbunge yenyi yinalezumuka? Ahiluke ku zuwo lienyi, kuchina mbunge ja akwo mujilela ngwe mbunge yenyi.

Shimbi 7:17

Kachi yenu munwamba mu mbunge jenu ngwenu, Mavungu hoka, anatuhiana yetu. Ngwe kuchi mutuhasa kwatambula chifuchi?

Yoshua 11:22

Kukwasalile A-Anake niamwe mu chifuchi cheswe cha A-Izalele. Shina mu Ngeza ni mu Ngata, ni mu Ashedode, amwe asalile.

Yoshua 14:8

Alioze akwetu waze ayile ni yami, o alezumwishine mbunge ja atu. Hindu yami nakawile Yehova Zambi yami ndusu mu yuma yeswe.

Yoshua 15:14

Kalemba wahumineko e ana atatu a Anake, majina jo, Sheshai, ni Ahimane, ni Talamai, o eswe munyachi wa Anake.

Yoshua 2:11

Muze twachivwile mbunge jetu jasangunukine; niumwe mutu kapwile ni hamu nawa mumu hali yenu. Mumu Yehova Zambi yenu iye Zambi mwilu ni hashi.

Yoshua 2:24

Yamba kuli Yoshua ngwo, Chamwenemwene Yehova hakunjika chifuchi cheswe mu moko jetu. Chikwo nawa akwa chifuchi eswe analezumuka ha mukunda wa yetu.

Yoshua 2:9

Yamba kuli malunga ngwenyi, Ngunanyingika ngwami, Yehova hanwaha chifuchi, ni woma wa yenu hiwatukwata. Chikwo nawa akwa chifuchi eswe anasangunuka kumeso jenu.

Akwa Kuyula 1:10

A-Yunda ayile mukulimika ni A-Kanana atwama mu Heprone (jina lia Heprone kushi liapwile Kiriate-Arpa). Akumbile Sheshai, ni Ahimane, ni Talamai.

Akwa Kuyula 1:20

Ahanyine Heprone kuli Kalemba nikulita ni liji lia Mose, mba iye wahumine e ana atatu a malunga a Anake.