Shimbi 1:26 - MUKANDA USANDU WA ZAMBI 1975

²⁶ Hindu kunwatayile kukanduka, alioze yinukolema shimbi ya Yehova Zambi yenu.

Mukanda Wa Zambi 1970

²⁶ “Alioze yinukolema Shimbi ya Mwene Zambi, Zambi yenu, yinulituna ha kunjila mu chifuchi.

Shimbi 1:26 Iomraidhean Croise

Nehemia 9:16

Alioze o tulamba twetu alengumukine; akwachile pami; kapanjikile ku shimbi je.

Izaya 63:10

Alioze o yakolema, yavwisa chinyengo Spiritu yenyi musandu; kashika iye yalumuka mukwa kole yo, iye mwene yasa no jita.

Kwalula 14:9

Chuma chimuwika, kanda nukolema Yehova, chipwe kanda nuvwila woma atu atwama mu chifuchi, o kanapu kulia chetu; chize malikwasa nacho hichaachina. Yehova hwali hamwe ni yetu. Kanda nwavwila woma.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

Shimbi 1:25

Yambata ha moko jo mihuko yimwe ya ku chifuchi, yapalumuka nayo kuli yetu, yatunehena liji ngwo, Che chifuchi Yehova Zambi yetu anatwehecho kuchawaha.

Shimbi 1:43

Kashika yingwamba kuli yenu, kunwapanjikile, alioze yinukolema shimbi ya Yehova, yinulengumuka, nikukanduka ku chifuchi cha milundu.

Shimbi 9:23

Ha kunutuma kuli Yehova, nukatuke ku Kandeshe-Mbania ngwenyi, Kandukenu nuzuke chifuchi nanuhelecho, yinukolema liji lia Yehova Zambi yenu, kunwamufulielele, chipwe kunwapanjikile ku liji lienyi.