Shimbi 1:17 - MUKANDA USANDU WA ZAMBI 1975

¹⁷ Kanda nupwa ni katonde ha kupatula. Nupanjike akepe ni anene chizechene. Kanda nupwa ni woma wa meso ja mutu, mumu upatwilo wa mbala wa Zambi. Chikuma chikalu naye hali yenu nungunehenecho. Munguchipanjika.

Mukanda Wa Zambi 1970

¹⁷ Kanda nukabatula ni katonde, batwilenu mutu mweswe ni ubatwilo wa ululi. Kanda nuvwila woma niumwe, mumu ubatwilo wa mbala wa Zambi. Nyi Chuma chikwo chanukalila, chinehenu kuli yami, ulunguchibatula.’

Shimbi 1:17 Iomraidhean Croise

Ubutukilo 18:25

Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi?

2 Samuel 14:14

Mumu chatutamba kufwa. Tuli ngwe meya aze anamwangana hashi keshi kuhasa kwaanda nawa. Chipwe Zambi keshi kuchiza mwono alioze kakululika shimbi, keshi kumbila liakulu yoze hamuhuma.

2 Sango Ja Mianangana 19:5

Yasela ngaji mu chifuchi ndusu yihunda yeswe ya yipanga mu Yunda, chihunda ha chihunda.

2 Sango Ja Mianangana 19:6

Yamba kuli ngaji ngwenyi, Nyongenu kanawa chize nunalingi, mumu kunwalingile upatwilo hali atu alioze hali Yehova, mba iye kwali hamwe ni yenu mu upatwilo.

Jobe 31:34

mumu ha kwivwa woma wunji wa e atu; kachi kupopolola cha minyachi changukolesa woma kashika nahola, chatuhukile haze—

Miaso (Masamu) 82:2

Ndo mwiji muka munupatula ni uhenge nikulemesa mijimba ya yingulungulu?(Litulike.)

Kutuhuka 18:18

Kumujikuhwa wate ni yena ni atu wano ali hamwe ni yena. Che chuma chakulemena naye. Kuwahashile kuchilinga yena mwene ukawe.

Kutuhuka 18:22

O akapatule matangwa eswe mba makunehena yuma yeswe yikalu, alioze yuma yeswe yashi ene akayipatule, chocho makalelumuna chiteli hali yena. Kumakalitwikacho hamwe ni yena.

Kutuhuka 18:26

O apatwilile atu matangwa eswe. Yuma yikalu yatwala kuli Mose, yuma yeswe yashi, ene ayipatwile.

Yishima 18:5

Kupwa ni katonde kuli chingulungulu kuchapemene; chipwe kuhisa mukwa ululi ha upatwilo.

Yishima 24:23

Yino nawa yambo ya mukwa mana. Kupwa ni katonde ha kupatula, kuchapemene.

Yishima 28:21

Kupwa ni katonde kuchapemene; chipwe kuvulumuna ha pinji ya kulia.

Yishima 29:25

Kuvwila woma atu muchineha kambwila; alioze mweswe mafuliela Yehova matwama kanawa.

Jeremia 1:17

Alioze ena, jichika muya we; katuka ukambe kuli ayo yeswe mungukutumina. Kanda wavwila woma, kuchina mungukuvwisa woma kumeso jo.

Alevi 19:15

Kanda nupatula ni uhenge hanji ni katonde kuli chiswale, hanji ni ulemeso kuli mulemu. Alioze munukapatwila mukwenu ni ululi.

Malaki 2:9

Kashika ngunanupwisa nwalela, nwasauka kumeso ja atu eswe, mumu kunwafungile ndako jami, alioze hinwalinga katonde ni shimbi.

Mateu 22:16

Atumine kuli iye tumbaji two, hamwe ni A-Heronde, ngwo, Longeshi, tunanyingika yena uli wamwenemwene, wakulongesa jila ya Zambi nikulita ni umwenemwene, kushi kuvwila woma niumwe: mumu kushi katonde kuli atu.

Marku 12:14

O muze ahetele, yamba kuli iye ngwo, Longeshi, tunanyingika yena uli wamwenemwene, kushi kuvwila woma niumwe; mumu kushi ni katonde kuli atu, alioze kuwakulongesa jila ya Zambi ni umwenemwene, ngwetu, Muchilita ni shimbi shina kuhana lijimu kuli Sesare, nyi? Shina ka?

Luka 20:21

O amuhulile, ngwo, Longeshi, tunanyingika yena wakwamba, wakulongesa ni ululi, kushi katonde kuli atu, alioze wakulongesa jila ya Zambi nikulita ni umwenemwene.

A-ROMA 2:11

Mumu Zambi keshi katonde.

Efesu 6:9

Yenu miata, lingenu yuma yimuwika kuli ayo, nikulitwamina kwomisa: se nunanyingika yoze wapwa Mwene wa eswe aali, niwo kanda niwenu, mwilu mwali, iye keshi katonde niumwe.

Shimbi 10:17

Mumu Yehova Zambi yenu iye Zambi ya tuzambi, Mwene wa ene, Zambi munene, mukwa ndundo, kole ni mwongo, keshi katonde, chipwe keshi kutambula chindo, ka.

Shimbi 16:19

Kanda nuhengesa upatwilo; kanda nupwa ni katonde; chipwe kanda nutambula chindo, mumu chindo kuchapupuchisa meso ja mukwa mana, kuchahengesa chikuma cha mukwa ululi.

Shimbi 24:17

Kanda nuhengesa upatwilo wa chilambala, chipwe wa shiwa, chipwe kanda nuchiza mazalo a twamishi kupwa chifungo,

Shimbi 25:1

Kachi kulihangujola chimwe muchipwa hakachi ka malunga, maheta ha lwaza mba ngaji maapatwila, asambise mukwa ululi, ahise chingulungulu.

Kolosu 3:25

Mumu yoze malinga yipi kumakatambula nawa yipi yize hanalingi: ni katonde wakuhi niumwe.

1 Tesalonika 2:4

Alioze chizechene ngwe hanatusela Shindakenyo yipema kuli Zambi, akatukunjike sango lipema, chocho twakuhanjika; hi ngwe mutupemena kuli atu ko, alioze tukapemene kuli Zambi, yoze wakweseka mbunge jetu.

Tiangu (Jake) 2:9

Alioze kachi munupwa ni katonde, kachi munuvulumuna, makukumika ku shimbi ngwe yitanguke.

1 Petulu 1:17

Nyi kachi nwakumutongola ngwenu, tata yoze keshi katonde, kakupatula nikulita ni chitanga cha mutu ni mutu, endenu ni woma, wenyi wenu weswe:

1 Samuel 16:7

Alioze Yehova yamba kuli Samuel ngwenyi, Kanda utala ku meso jenyi, hanji ku Chizundamo chenyi, mumu hinalitunaye. Yehova kamwene ngwe atu akumona. Mumu atu kakutala ku kusoloka cha haze, alioze Yehova kakutala ku mbunge.

1 Samuel 2:25

Nyi mutu mavulumuna mutu ni mukwo, ngaji mamupatwila. Alioze nyi mutu mavulumuna Yehova iya mamuhakwila? Hindu kapanjikile liji lia tato. Mumu te Yehova kanazange kwashiha.