Shimbi 1:11 - MUKANDA USANDU WA ZAMBI 1975

¹¹ Yehova, Zambi ya tulamba twenu, akanwokese mutu ni mutu nukapwe tununu, akanuwahise, ngwe iye walakenyene.

Mukanda Wa Zambi 1970

¹¹ Mwene Zambi, Zambi ya tushakulu twenu, akanwokese yisuho tununu, akanuwahise ngwe chize anulakenyene!

Shimbi 1:11 Iomraidhean Croise

Ubutukilo 15:5

Yamuneha haze, yamba ngwenyi, Tala kwilu haliapwila walule matongonoshi nyi muhasa kwaalula. Mba yamba ngwenyi, Chocho makapwa akwa munyachi we.

Ubutukilo 22:17

kuwahisa mungukakuwahisa; kwokesa mungukokesa munyachi we ukapwe ngwe matongonoshi a mwilu; ukapwe ngwe masekeseke a ha ngenge ya kalunga-lwiji. Munyachi we makazuka chajilo cha akwa kole je.

Ubutukilo 26:4

Mungukokesa munyachi we ngwe matongonoshi a mwilu. Ku munyachi we mungukahana yifuchi yino yeswe, mba mu munyachi we mavungu eswe a hashi makawaha.

Ubutukilo 49:25

Kwe kuli Zambi ya tatenu yoze makakukwasa. Kuli mwe Mukwa-Ndundo-Jeswe yoze makakuwahisa ni yiwape ya mwilu, ni yiwape ya kalunga-lwiji watwama kushi. Ni yiwape ya mele, ni yiwape ya jimo.

2 Samuel 24:3

Joabe yamba kuli mwanangana ngwenyi, Cheswacho kwatala cha atu muchipwa Yehova Zambi yenu awezeko kulakaji lia yisuho kwe kumeso ja mwene wami mwanangana, alioze kuchi te chuma chino muchiwahila mwene wami mwanangana?

1 Sango Ja Mianangana 21:3

Joabe yamba ngwenyi, Yehova aweze kuli atu jenyi kulakaji lia yisuho alioze, mwene mwanangana wami, te kapwile eswe tuvumbi twenu? Kuchi te mwene wami kanazange kulinga chuma chino? Kuchi te nunazange kukokela mulonga A-Izalele?

Miaso (Masamu) 115:14

Yehova akanwokese nawa ni nawa, yenu ni ana jenu.

Kutuhuka 32:13

Iwuluka kama tuvumbi twe Apalahama, ni Izake, ni Izalele, kuli wano yena walishingile ni shingo ngwe, Kumungwokesa ana jenu ngwe matongonoshi a malilu. Chifuchi chino cheswe hinamba, kumungukachihana kuli ana jenu. O kumakachipita ndo ku miaka ya mutolo.

Ezekiel 16:7

Nakutatwishile ngwe chiputa cha mu yambu. Yiutatuka ni kusuha ni kuheta ku upwo. Mele je hasoloka ni kambu je hijasuha, hindu kushi ni mazalo, uchili wa uselesele.

Kwalula 22:12

Zambi yamba kuli Mbalau ngwenyi, Kuchi kuya no. Kuchi kushinga e atu, mumu hanaawahisa.

Kwalula 6:27

Chocho akasele jina liami hali A-Izalele. Yami kumungukaawahisa.

Shimbi 1:10

Yehova Zambi yenu hananwokesa. Kumanyi musono, kunwapwa mbunga ngwe matongonoshi a mwilu.

Shimbi 1:12

Ngwe kuchi yami ukawami munguhasa kumbata kutatama chenu, ni chiteli chenu, ni vunda lienu?

Shimbi 1:8

Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Shimbi 10:22

Tulamba twenu yapalumukina ku Engitu, makumi shimbiali a atu, haliapwila Yehova Zambi yenu hananupwisa mbunga ngwe matongonoshi a mwilu.

Shimbi 28:62

Chipwe nwapwile mbunga ngwe matongonoshi a mwilu makanuhichika piliwiji, mumu kunwapanjikile ku liji lia Yehova Zambi yenu.