Shimbi 1:1 - MUKANDA USANDU WA ZAMBI 1975

¹ Maliji ano ambile Mose kuli A-Izalele eswe mu sali lia Yordau, mu puya, mu Arapa chatalangana ni Kalunga-lwiji Muchila, hakachi ka Parane, ni Tofele, ni Lapane, ni Hazerote, ni Dizahabe.

Mukanda Wa Zambi 1970

¹ Mu mukanda uno muli maliji waze Mose ambilile Aisraele muze abwile mu puya ku chivumbuko cha lwiji Yordau. Te kaali mu chikulo cha Yordau hehi ni Sufe, hakachi ka limbo lia Parane sali limwe ni membo ja Tofele, ni Labane, ni Hazerote, ni Dizahabe sali likwo.

Shimbi 1:1 Iomraidhean Croise

Ubutukilo 21:21

Watwamine mu puya ya Parane, mba naye yamumbachisa pwo wa ku Engitu.

1 Yitanga Ya Mianangana 11:18

Yakatuka ku Mindiane yeza ku Parane. Yanda amwe malunga ku Parane, yeza ku Engitu kuli Falau mwanangana wa Engitu. Iye yamwaha zuwo, ni kulia, ni chifuchi.

Habakuke 3:3

Zambi yakatuka ku Temane, mwe Musandu yakatuka ku mulundu wa Parane. Uhenya wenyi watakile malilu, ni hashi liazalile ni uhaliso wenyi.(Litulike)

Kwalula 10:12

A-Izalele yakatuka ku puya ya Sinai nikulita ni kwenda cho. Lie lelwa liamanyine ku puya ya Parane.

Kwalula 11:35

Katuke ku Kibrote-Hatava e atu endele ndo ku Hazerote, mba kwe ku Hazerote o yatwama.

Kwalula 12:16

Kulutwe e atu endele katuke ku Hazerote, mba ku puya ya Parane o yasa chilombo cho.

Kwalula 13:26

Yaheta kuli Mose ni kuli Arone ni ku chikungulwila cheswe cha A-Izalele, ku puya ya Parane, ku Kandeshe. Yatwa lusango kuli ayo, ni ku chikungulwila cheswe, yaalweza ye mihuko ya mu chifuchi.

Kwalula 13:3

Mose yaakatwisa ku puya ya Parane nikulita ni liji lia shimbi ya Yehova, malunga eswe akwa lutwe a A-Izalele.

Kwalula 32:19

Mumu kutuchi kahinga hamwe no mu sali lia Yordau, ni kuze-kanda; mumu chihinga chetu twachiwana muno mu sali lia Yordau ku Chivumbuko.

Kwalula 32:32

Mutukazauka a kulipakata kumeso ja Yehova ni kunjila mu chifuchi cha Kanana, alioze chifuchi cha chihinga chetu muno mu sali lia Yordau hindu nichetu.

Kwalula 32:5

Yamba ngwo, Kachi twawana vumbi kumeso jenu, nuhane chifuchi chino kuli yetu ndungo jenu, tuchizuke, kanda nutuzawisa Yordau.

Kwalula 33:20

Yakatuka ku Rimone-Pereze, yasa chilombo cho ku Libna.

Kwalula 33:21

Yakatuka ku Libna, yasa chilombo cho ku Risa.

Kwalula 34:15

Minyachi yiali ni chihanda cha ha muchima cha munyachi hanatambula chihinga cho mu sali lia Yordau ku Yeriku, ku Chivumbuko, kutalikisa ku utuhukilo wa tangwa.

Kwalula 35:14

Mu sali lia Yordau nukahane membo atatu; mu chifuchi cha Kanana nukahane membo atatu, o akapwe membo a uchinyino.

Shimbi 2:8

Chocho yitupalika kuli akwetu, ana ja Esau atwama mu Sere, yitumbila jila ya ku Arapa, ni ya ku Elate, ni ya ku Ezione-Ngebere. Yitutalikisa ku jila ya ku puya ya Moape.

Shimbi 27:1

Mose ni makulwana a Izalele yamba atu ngwo, Fungenu maliji eswe a shimbi ngunanwambe musono.

Shimbi 29:1

Wano e maliji a usendo, Yehova wambile Mose kukolesa ni A-Izalele mu chifuchi cha Moape, kuweza ku usendo iye wakolesele no ku Horepe.

Shimbi 31:1

Mose yaya, yambulula maliji ano kuli A-Izalele eswe.

Shimbi 33:2

ngwenyi, Yehova wakatukile ku Sinai, ku Sere wavumbukile hali ayo ngwe mwalwa. Ku mulundu wa Parane wapangulukile. Yakatuka ku kumi lia tununu twa asandu ni shimbi ya kahia mu kwoko lienyi lia chindume.

Shimbi 4:46

mu sali lia Yordau, mu chikulo chatalangana ni Mbete-Peore mu chifuchi cha Sahone, mwanangana wa A-Amore, Watwamine mu Heshebone yoze amulambile kuli Mose ni A-Izalele ha kukatuka mu Engitu.

Shimbi 5:1

Mose watambikile kuli A-Izalele eswe ngwenyi, Enu A-Izalele, ivwenu yiyulo ni upatwilo ngunambe mu matwi jenu musono, nulilongeseyo, nukayifunge, nuyilinge.

Yoshua 22:4

Mba haliapwila Yehova Zambi yenu hahana uhwimino kuli akwenu chizechene ngwe walilakenyene no. Kashika tewulukenu nukaye ku mahienu ku chifuchi kuze kwatwama chihinga chenu, chize Mose kavumbi ka Yehova wanuhele sali lize lia Yordau.

Yoshua 22:7

Achi ku chihanda cha ha muchima cha munyachi wa A-Manase Mose te hahana chihinga mu Mbashane, alioze ku chihanda chikwo Yoshua hahana chihinga hamuwika ni akwo mu chifuchi cha mu sali lia Chitokelo lia Yordau. Mba muze Yoshua yaatuma ku mahio nikwawahisa,

Yoshua 3:16

e meya aze anakatuka ku tunda yamanyina mulumba kusuku, te ku Alama chihunda chasulangana ni Zaretane. Ni meya waze anayi ku mwanda ku Chitende cha Arapa, che Chitende cha Mungwa, o apatukile ngwi. Chocho atu azaukile hatalanganyi ni Yeriku.

Yoshua 9:1

Mba mianangana aze eswe atwama mu sali lia Yordau mu milundu ni mu yana yeswe ya ku mbaka ya Kalunga-lwiji Munene, kwa kuya ku Lebano, ni A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe; o muze evwile chuma chino

Yoshua 9:10

Ni yuma yize yeswe alingile kuli mianangana aali a A-Amore, Sahone mwanangana wa Heshebone ni Oge mwanangana wa Mbashane mu sali lia Yordau, atwama mu chifuchi cha Asatarote.

1 Samuel 25:1

Samuel wafwile. A-Izalele eswe akungulukile nikumulila. Mba yamufu nda mu zuwo lienyi mu Rama. David aye yakatuka, yaya ku puya ya Parane.