Rute 4:4 - MUKANDA USANDU WA ZAMBI 1975

⁴ Kashika namba ngwami, Mungukulwezacho, ngwami, Uchilande kumeso ja wano anatwama kuno, ni kumeso ja makulwana ja atu jami. Nyi muchikula, kulako; alioze nyi kwazangile ungulweze nguchinyingike, mumu niumwe mukwo wakuhi helu lia yena, ni yami ngunakuhate ha kota. Iye yakumbulula ngwenyi, Munguchikula.

Mukanda Wa Zambi 1970

⁴ Kashika ngunakamba ngwami, mungukunyingikisa. Haliabwila nyi unazange, uulande ku meso ja makulwana ni atu eswe anakunguluka hano. Nyi kunwazangile, ngulweze, mumu yena mwe mukulwana, uli ni chiyulo cha kuulanda, yami ngunakuhate.” Neye ngwenyi: “Munguulanda.”

Rute 4:4 Iomraidhean Croise

Ubutukilo 23:11

Hi chocho ko, mwanangana, ngwivwenu. Ni we musenge ngunanwehewo, ni che chivwenge ngunanwehecho. Kumeso ja ana ja atu jami ngunanweheyo. Fundenu mufu wenu.

Ubutukilo 23:18

kuli Apalahama yikapwe niyenyi, kumeso ja ana ja Hete kumeso ja eswe anjilile ku chikolo cha limbo lienyi.

Jeremia 32:25

Hindu yena, Mwene Yehova, hiwamba kuli yami ngwe, Landa munda ni mbongo kumeso ja yela—chipwe chihunda hiwachikunjika kuli A-Kaletea.

A-ROMA 12:17

Kanda nufwetesa niumwe yipi ha yipi. Fupenu yuma yilemu kumeso ja atu eswe.

2 Korintu 8:21

mumu twakufupa kusolola yuma yipema, hi kumeso ja Mwene wika ko, alioze nawa kumeso ja atu.

Shimbi 25:8

Mba makulwana a limbo amutambike, ahanjike nenyi. Nyi makolesaho ngwenyi, Chichi kumumbata,

Filipu 4:8

Ha yize yinasala, mandumbu, yeswayo yamwenemwene, yeswayo kuyishi lwelia, yeswayo ya ululi, yeswayo yitoma, yeswayo yatela kufwila, yewsayo ya lufuma mupema; kachi kuhiana chimwe, kachi uhaliso umwe, nyongenu ha yino yuma.

Rute 2:20

Noemi yamba kuli tembwa-mwanenyi ngwenyi, Akamuwahise kuli Yehova yoze kambilile utu wenyi kuli amwono hanji kuli afu. Noemi yamba ngwenyi, Iye usoko wetu, wapwa umwe usoko wa ha muchima.

Rute 3:12

Chamwenemwene nguli usoko wa ha muchima alioze kwali umwe wangukumba.

Rute 3:9

Iye yamba ngwenyi, Yena iya? Yakumbulula ngwenyi, Yami Rute kavumbi kenu. Nungufuke kama yami kavumbi kenu ni hina lienu mumu nuli usoko wetu.