Rute 3:7 - MUKANDA USANDU WA ZAMBI 1975

⁷ Muze Mboaze halia, hanwa, yevwa kuwaha mu mbunge yenyi. Mba yaya yapomba ku songo lia mulumba wa mbuto. Mwe pwo yeza makoke, yafukula yiliato yenyi, yapomba.

Mukanda Wa Zambi 1970

⁷ Muze Boaze hamanununa kulia ni kunwa, yawahilila. Yaya nikubomba hehi ni masangu waze te haazungula. Rute neye yakatuka, yaya ko hakepe hakepe, yafukula hina ku molu ja Boaze, yabomba ko

Rute 3:7 Iomraidhean Croise

Ubutukilo 43:34

Yanda nawa kulia ku mesa yenyi nikuchituma kuli ayo, alioze kulia cha Mbenjamine chahianyine nicho yisuho yitano. Chocho anwine nikusehejela nenyi.

2 Samuel 13:28

Absalome yatuma ngamba jenyi ngwenyi, Talenu kanawa, muze mbunge ya Amnone muyiwaha kanawa ni vinyu, ni yami mungunwamba ngwami, Lambenu Amnone, himushihenu, kanda nwivwa woma. Ngwami, hinanwaha shimbi. Hamukenu; takamenu.

1 Yitanga Ya Mianangana 21:7

Jezebele pwo lienyi yamba kuli iye ngwenyi, Ni yena kwayulile mu wanangana wa Izalele? Hinduka ulie, uwahilile mu mbunge, mungukwaha munda wa uva wa Ka-Yezerele Nabote.

Estere 1:10

Ha tangwa liamuchishimbiali muze mbunge ya mwanangana te yinawaha ni vinyu yatuma Mehumane, ni Bizeta, ni Harabona, ni Bigeta, ni Abagata, ni Zetare, ni Karaka tuvumbi shimbiali aze akuvumbika kumeso ja mwanangana Ahashueru,

Miaso (Masamu) 104:15

ni vinyu yiza ya kuwahisa mbunge ya atu, ni maji a kulejimisa meso jenyi, ni kulia cha kutakamisa mbunge yenyi.

Longeshi 10:19

Mbolo kakuyitenga ha kuseha, ni vinyu kuyakuwahisa mwono, alioze mbongo kujakukumbulula yeswe.

Longeshi 2:24

Nyi mutu malia, manwa, mawahisa mbunge yenyi ni upeme wa milimo yenyi, nichimwe chikwo cha kuwaha chakuhi. Chino nawa nachimwene cha ku kwoko lia Zambi.

Longeshi 8:15

Henaho nalemesene uwahililo, mumu mutu keshi ni chuma chikwo chipema kushi lia tangwa shina kulia, ni kunwa, ni kuwahilila, mumu chino mahasa kutwama nacho mu kukilikita chenyi matangwa eswe a mwono wenyi aze Zambi mamwaha kushi lia tangwa.

Longeshi 9:7

Yako ukalie mbolo ye ni uwahililo; nwako vinyu ye ni mbunge ya chiseke, mumu Zambi hanatayiza kulu chize unalingi.

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

Efesu 5:18

Kanda nuzengewa ni vinyu, mu yenayo muchili chimbangwinya, alioze zalenu ni Spiritu.

Akwa Kuyula 16:25

Muze mbunge jo jawahililile ambile ngwo, Sanyikenu Samasone ahehe kumeso jetu. Chocho asanyikine Samasone ku zuwo lia ususu mba ahehele kumeso jo. Amumanyishine hakachi ka manguji,

Akwa Kuyula 19:22

Shimbu machiwahisa mbunge jo malunga a chihunda, atu amokomoko, aselekele zuwo nikungongwela ha pito nikwamba kuli mukulwana, mwata wa zuwo, ngwo, Lunga yoze wezanga ku zuwo lie, mutuhwise haze tukapombe nenyi.

Akwa Kuyula 19:6

Kashika e malunga aali yatwama, yalia, yanwa hamuwika. Mba tato ya pwo yamba kuli mwe lunga ngwenyi, Pomba kama musono, mbunge ye yikawahe.

Akwa Kuyula 19:9

Mba muze lunga ni *konkubina yenyi ni ngamba yenyi akatukile aye, tato-weno, tato ya pwo yamba kuli iye ngwenyi, Tala tangwa, hikwapwa chingoloshi, pomba musono. Tala tangwa hiliaya kulu, pomba kuno, mbunge ye yikawahe mba hamene mulimeneka ha wenyi wenu nukaye ku mahienu.

Rute 3:6

Chocho yapalumuka ku chizungwilo yalinga chizechene naye-weno hamwamba.

Rute 3:8

Ha muchima ufuku lunga yakasumuka, yalumuka, kumanyi pwo kanapombo ku yiliato yenyi!