Rute 3:13 - MUKANDA USANDU WA ZAMBI 1975

¹³ Hwima ufuku uno mba chimene nyi malinga milimo ya usoko wa ha muchima hali yena, chipema, alinge. Alioze nyi kazangile kulinga milimo ya usoko hali yena mba, ni mwono wa Yehova, yami mwene mungulinga milimo ya usoko wa ha muchima hali yena. Pomba ndo chimene.

Mukanda Wa Zambi 1970

¹³ Kuheshi Chuma, muuhasa kubomba muno ndoo ha chichamene. Hamene mutukatala nyi mutu yoze matayiza kukumbata. Nyi chocho muchibema, nyi ka, ni mwe Zambi ya mwono, ulungukumbata.”

Rute 3:13 Iomraidhean Croise

Jeremia 12:16

Muchikapwa nyi malilongesa kanawa kanawa ndako ja atu jami, akalishinge ni jina liami ngwo, Ni mwono wa Yehova, chizechene ngwe alongesele atu jami kulishinga ni Mbale; nyi chocho mba maatungisa hakachi ka atu jami.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

2 Korintu 1:23

Alioze Zambi akapwe chela ha mbunge yami, ngwe ha kunuvwila keke chejile ku Korindu.

Hebreu 6:16

Mumu atu chamwenemwene kakulishinga ni umwe Wahiana; ni shingo lia kukolesa liapwa songo lia kuhamika cheswe.

Akwa Kuyula 8:19

Iye yamba ngwenyi, E ayaya aze; ana ja mama. Ni mwono wa Yehova kachi nwaalamwinyine ni mwono kachi ni yami chanushihile.

Rute 2:20

Noemi yamba kuli tembwa-mwanenyi ngwenyi, Akamuwahise kuli Yehova yoze kambilile utu wenyi kuli amwono hanji kuli afu. Noemi yamba ngwenyi, Iye usoko wetu, wapwa umwe usoko wa ha muchima.

Rute 3:12

Chamwenemwene nguli usoko wa ha muchima alioze kwali umwe wangukumba.

Rute 4:5

Mba Mboaze yamba ngwenyi, Cheswe mulanda munda ku kwoko lia Noemi unalande nawa Rute mwe Ka-Moape, twamishi wa mwe mufu, hanga ukahilwise jina lia mufu ha chihinga chenyi.

Rute 4:6

Mba mwe usoko wa ha muchima yamba ngwenyi, Chahashile kuchikula hali yami mwene kuchina mungulumbula chihinga cha yami mwene. Chiyulo chami cha kukula chitambule yena mwene mumu Chahashile kuchikula.