Rute 3:12 - MUKANDA USANDU WA ZAMBI 1975

¹² Chamwenemwene nguli usoko wa ha muchima alioze kwali umwe wangukumba.

Mukanda Wa Zambi 1970

¹² Chamwenemwene nguli usoko we, ngunahase kukumbata, alioze kwali yoze wanguhiana yami.

Rute 3:12 Iomraidhean Croise

Mateu 7:12

Yuma yeswe kashika nunazange atu akanulinge, chizechene lingenu kuli ayo: mumu chino ye shimbi ni ye yiyulo ya aprofeta.

1 Tesalonika 4:6

Niumwe kanda ahiana akavulumune ndumbwenyi ha chuma chino: mumu Mwene iye mukwa kukala yino yuma yeswe, chizechene ngwe twanwambulwilile kulu twashindakenyene chikolo.

Rute 2:20

Noemi yamba kuli tembwa-mwanenyi ngwenyi, Akamuwahise kuli Yehova yoze kambilile utu wenyi kuli amwono hanji kuli afu. Noemi yamba ngwenyi, Iye usoko wetu, wapwa umwe usoko wa ha muchima.

Rute 3:11

Haliapwila mwanami, kanda wivwa woma, mungukulingila yeswe unechi mumu akwetu eswe ananyingika ngwo, Uli pwo wamwenemwene.

Rute 3:13

Hwima ufuku uno mba chimene nyi malinga milimo ya usoko wa ha muchima hali yena, chipema, alinge. Alioze nyi kazangile kulinga milimo ya usoko hali yena mba, ni mwono wa Yehova, yami mwene mungulinga milimo ya usoko wa ha muchima hali yena. Pomba ndo chimene.

Rute 4:1

Mba Mboaze wayile ku chikolo cha chihunda, yatwamako. Kumanyi mwe usoko wa ha muchima yoze Mboaze hamuvuluka yapalika. Mba Mboaze yamba ngwenyi, A mukwetu tweya ku kuno Utwame. Iye yeza, yatwama.

Rute 4:4

Kashika namba ngwami, Mungukulwezacho, ngwami, Uchilande kumeso ja wano anatwama kuno, ni kumeso ja makulwana ja atu jami. Nyi muchikula, kulako; alioze nyi kwazangile ungulweze nguchinyingike, mumu niumwe mukwo wakuhi helu lia yena, ni yami ngunakuhate ha kota. Iye yakumbulula ngwenyi, Munguchikula.