Rute 3:1 - MUKANDA USANDU WA ZAMBI 1975

¹ Mba naye-weno Noemi yamba kuli iye ngwenyi, Mwanami te kuchangutambile kukufupila uhwimino chikapwe kanawa ni yena?

Mukanda Wa Zambi 1970

¹ Naomi yambila Rute ngwenyi: “Mwanami, ngunazange kukufupila lunga hanga ubwe ni zuwo lie.

Rute 3:1 Iomraidhean Croise

Ubutukilo 40:14

Alioze ukangwiwuluke muze muchipwa kawape ni yena, Ukangulinge kama vumbi, ukanguvuluke kuli Falau akanguchize kama mu zuwo lino.

Miaso (Masamu) 128:2

Mumu kumukalia cha kuhondangana cha moko je. Kumukawaha, kumuchikapwa kanawa ni yena.

1 Korintu 7:36

Alioze kachi umwe nushinginyeka ngwe kalingile kanawa ni mwanenyi wa *virgem, kachi mahiana kukula cha miaka yenyi, kachi chatamba kupwa, akalinge chize mapala, keshi kuvulumuna, akamumbate.

Shimbi 4:40

Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.

1 Timoteu 5:14

Kashika ngunazange twamishi a mapwo ni miaka yikepe akaye ulo, akaseme ana, akayule yuma ya mu zuwo, kanda akahana unjililo kuli mukwa kulimika akatúke.

1 Timoteu 5:8

Alioze kachi umwe keshi kulisa atu jenyi mwene, ni kuhiana chikolo akwa zuwo lienyi, kachi hanalikate Ufulielo, kapiha kuhiana yoze keshi kufuliela.

Rute 1:9

Yehova akanukwase nukawane malo, mweswe mu zuwo lia lunga lienyi. Chocho yaaha mbeju, mba o yalila ni liji linene.

Rute 2:23

Chocho walalaminyine kuli ana-mapwo a Mboaze nikuhuhujola mbuto ndo hamana kucha sevada ni tiliku. Kanatwama mu zuwo lia naye-weno.

Rute 3:2

Ni yono Mboaze ena walinganga ni ngamba jenyi a mapwo hi usoko wetu ko nyi? Mba musono ufuku mafuza sevada yenyi ha chizungwilo.