Rute 2:8 - MUKANDA USANDU WA ZAMBI 1975

⁸ Mba Mboaze yamba kuli Rute ngwenyi, Panjika mwanami. Kanda ukatuka ku munda uno ukaye nikuhuhujola mbuto mu munda weka, alioze linga hakamwihi ni ana-mapwo jami.

Mukanda Wa Zambi 1970

⁸ Mba Boaze yambila Rute ngwenyi: “Banjika yena mwana pwo. Kanda uya ni kuhuhujola mbuto mu munda wa mutu mukwo. Bwako lume mu munda uno hamwe ni mapwo waze akungulingila.

Rute 2:8 Iomraidhean Croise

1 MIANANGANA 5:13

Alioze tuvumbi twenyi yakundama, yamba kuli iye ngwo, Tate! Nyi profeta hanutuma kulinga chimwe chuma chikalu, te kunuchi kuchilinga? Shinaho chikolo, muze hamba ngwenyi, Sana upeme.

Alevi 19:9

Muze munukacha mbuto ya mu chifuchi chenu kanda nukacha mu minda yenu ndusu ndo ku njiza. Chikwo nawa kanda nukahuhujola yize yinasala ha kucha.

Mateu 9:2

Kumanyi, anehene kuli iye mukwa kalepa, kanapombo ha muhela: Yesu ha kumona Ufulielo wo, wambile kuli mukwa kalepa ngwenyi, Mwanami, hamuka; kakukonekena milonga ye.

Mateu 9:22

Alioze Yesu ha kutewuluka, yamumona, wambile ngwenyi, Hamuka, mwanami, Ufulielo we hiwakupwisa mungunu. Mba mwe pwo wapwile mungunu chize ku ola yize.

Filipu 4:8

Ha yize yinasala, mandumbu, yeswayo yamwenemwene, yeswayo kuyishi lwelia, yeswayo ya ululi, yeswayo yitoma, yeswayo yatela kufwila, yewsayo ya lufuma mupema; kachi kuhiana chimwe, kachi uhaliso umwe, nyongenu ha yino yuma.

Rute 2:7

Iye kamba kuli yetu ngwenyi, Ngunalembe nungutayize kuhuhujola nikutongona mbuto hakachi ka yichita kunyima lia akwa kucha mbuto. Kashika keza, mba hanyongonona chize ku chimenemene ndo haliapwila, shina kashimbu wika kahwimanga mu zuwo.

Rute 2:9

Talikisa meso je ku munda uno anachimo mbuto ukaakaule. Hinamba akweze jami kanda akulinga chipi. Muze muwivwa pwila muoya ku sapa ukanwe aze akweze hataha.

1 Samuel 3:16

Alioze Eli yasanyika Samuel ngwenyi, Mwanami Samuel. Iye yamba ngwenyi, Yami uno.

1 Samuel 3:6

Yehova cheka nawa yasanyika Samuel. Samuel yahinduka yaya kuli Eli. Yamba ngwenyi, Yami uno, se wangusanyika. Iye yakumbulula ngwenyi, Chakusanyikine mwanami. Yako upombe nawa.