Rute 2:4 - MUKANDA USANDU WA ZAMBI 1975

⁴ Kumanyi Mboaze yakatuka ku Mbeteleme, yamba kuli akwa kucha mbuto ngwenyi, Yehova apwe hamwe nenu. O yakumbulula ngwo, Yehova anuwahise.

Mukanda Wa Zambi 1970

⁴ Mba ha tangwa lizeliene, mwe Boaze yakatuka ku Betleheme, yahianyina ku munda wenyi. Yameneka akwa milimo jenyi ngwenyi: “Mwene Zambi abwe hamwe ni yenu.” Ayo ngwo: “Vulie mwane, Mwene Zambi anuwahise.”

Rute 2:4 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Ubutukilo 28:3

Zambi Mukwa-Ndundo-Jeswe akakuwahise, akakwehe ana, akakwokese ukapwe chendo cha mavungu.

1 Sango Ja Mianangana 2:51

Salama tato ya Mbeteleme; Harefe tato ya Mbete-Ngadere.

Miaso (Masamu) 118:26

Kawaha yoze uneza mu jina lia Yehova. Hitunakuwahisa mu zuwo lia Yehova.

Miaso (Masamu) 134:3

Yehova mu Zaione akuwahise; yoze watangile lilu ni hashi.

Jeremia 31:23

Yehova-wa-Tujita, Zambi ya Izalele kanambe ngwenyi, Cheka nawa mamba maliji ano mu chifuchi cha Yunda ni mu yihunda yako muze munguhilwisa kuwaha cho ngwo, Yehova akuwahise, ena zuwo lia ululi, ena mulundu usandu.

Kwalula 6:24

Yehova akanuwahise, akanufunge.

Luka 1:28

Mungelo wejile kuli iye, wambile ngwenyi, Vulie! Yena hanakuvumbisa kuli Zambi; Mwene kwali hamwe ni yena; kuwawaha hakachi ka mapwo.

2 A-TESALONIKA 3:16

Haliapwila Mwene wa sambukila iye mwene akanwehe sambukila matangwa eswe mu majila eswe. Mwene apwe hamwe ni yenu eswe.

1 Timoteu 6:2

Ni waze apwa miata, akwa kufuliela, kanda aalelesa, mumu apwa mandumbu; alioze Shinaho akaalingile, mumu waze akutambula ye milimo yipema o akwa kufuliela-ni-akwetu kanaazange chikolo. Longesa yino yuma nikuyishinjila.

2 Timoteu 4:22

Mwene Yesu Kristu akapwe hamwe ni Spiritu ye. Vumbi likapwe hamwe ni yena. Amene.

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.

Akwa Kuyula 6:12

Mungelo wa Yehova yasoloka, yamba kuli iye ngwenyi, Yehova kwali hamwe ni yena, Uli lunga wa tachi ni hamu.

Akwa Kuyula 6:16

Yehova yamba kuli iye ngwenyi, Alioze yami mungukapwa hamwe ni yena mba mukalamba A-Mindiane ngwe mutu umuwika.

Rute 2:3

Kashika yakatuka yaya nikuhuhujola mu munda kunyima lia akwa kucha mbuto. Yapwila chipwilila mu munda wa Mboaze usoko wa Elimeleke.

Rute 2:5

Mboaze yamba kuli kapatashi kenyi yoze wafungile akwa kucha mbuto ngwenyi, Yono pwo liaya?

Rute 4:11

Aho atu eswe apwile mu chikolo hamwe ni makulwana yamba ngwo, Tuli yela. Ni yono pwo ananjila mu zuwo lie, Yehova akamupwise ngwe Rakele ni Liya waze hamuwika asangwile munyachi wa Izalele. Ukawahe mu Efrata, ukafumane mu Mbeteleme.

1 Samuel 17:37

David yamba nawa ngwenyi, Yehova yoze wangupulwile ku tachi ja ndumba ni ku tachi ja ursu mangupulula nawa ku tachi ja yono Ka-Filistea. Saulu yamba kuli David ngwenyi, Yako. Yehova mapwa hamwe ni yena.