Rute 2:3 - MUKANDA USANDU WA ZAMBI 1975

³ Kashika yakatuka yaya nikuhuhujola mu munda kunyima lia akwa kucha mbuto. Yapwila chipwilila mu munda wa Mboaze usoko wa Elimeleke.

Mukanda Wa Zambi 1970

³ Chenacho Rute ayile ku minda ni kuhuhujola mbuto yize akuhichika akwa milimo. Kuma te kuuli munda wa Boaze, usoko wa Elimeleke.

Rute 2:3 Iomraidhean Croise

2 Samuel 1:6

Mba mukweze yoze wamunehenene liji yamba ngwenyi, Napalikanga chipalikila lume ha mulundu wa Ngilboa, kumanyi Saulu yeu, kanajikijila ha kunga lienyi, ni matemba-a-jita ni akwa tuvwalu kanamuhete.

2 Samuel 20:1

Kwapwileko umwe lunga wamokomoko, jina lienyi Shipa, mwana Mbi kiri Ka-Mbenjamine. Iye yahumuna chitavwi ngwenyi, Etu kutushi chihanda muli David, chipwe chihinga kutushi nacho muli mwana Yese. Kashika enu malunga a Izalele yénu ku mazuwo jenu.

1 MIANANGANA 8:5

Mba shimbu Ngehaze machilumbununa chize ahilwishile mwono kuli mufu, kumanyi mwe pwo, mwanenyi hamuhilwisa mwono wenyi, yateta kuli mwanangana ha kutwala ku zuwo lienyi ni minda yenyi. Ngehaze yamba ngwenyi, Mwene wami mwanangana, mwe pwo yono, ni yono mwanenyi Elisha wahilwishile mwono wenyi nawa.

Mateu 10:29

Keshi kulanjisa tulujila twaali ha kalumbongo kamuwika, nyi? Hindu niumwe wa kuli ayo kechi kaholokela hashi shina Tatenu machitayiza:

Luka 10:31

Mba umwe sasendote wapalumukine chipalikila jila yize; muze amumwene wapalikile ha sali likwo.

2 A-TESALONIKA 3:12

Achi wano, shimbi tunaahe, tunaashinjila muli Mwene Yesu Kristu, akahole, akalinge milimo, akalie mbolo yo ene.

Rute 2:2

Mba Rute mwe Ka-Moape yamba kuli Noemi ngwenyi, Ngutayize kama kuya ku munda nikuhuhujola hakachi ka mbuto kunyima lia yoze manguvwila vumbi. Yamba kuli iye ngwenyi, Yako mwanami.

Rute 2:4

Kumanyi Mboaze yakatuka ku Mbeteleme, yamba kuli akwa kucha mbuto ngwenyi, Yehova apwe hamwe nenu. O yakumbulula ngwo, Yehova anuwahise.