Rute 2:16 - MUKANDA USANDU WA ZAMBI 1975

¹⁶ Chizenu yimwe nawa mu yichita hali iye akayihuhujole, kanda numukanjisa.

Rute 2:16 Iomraidhean Croise

Miaso (Masamu) 112:9

Hanamwange; hanahana kuli akwa kuhona. Ululi wenyi kuunalinduluka wa mutolo. Mbinga yenyi kumuyikanangama mu ulemu.

Yishima 19:17

Mukwa kuvwila keke yiswale kakuhana kuli Yehova; chitanga chenyi chipema mamukundululacho.

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

A-ROMA 12:13

Nukalianyine ku kuhona cha asandu, nukalitumbikile ku kuzumbula ngeji.

Filemu 1:7

Mumu uwahililo wunji ni kulembejeka nguli nacho mumu ha zango lie ndumbwami, mumu wakuhuzulula mbunge ja asandu.

Hebreu 6:10

Mumu Zambi hi chihenge ko, akavulame milimo yenu ni zango lize nwalwezele ku jina lienyi, se nwavumbikile asandu, se nuchili ni kwavumbika.

Rute 2:15

Muze hakatuka mukuhuhujola mbuto Mboaze yamba akweze jenyi ngwenyi, Mwechenu akahuhujole chipwe hakachi ka yichita, kanda numuchoka.

Rute 2:17

Chocho yahuhujola mu munda ndo chingoloshi mba yazungula yize hahuhujola. Yapwile ngwe efa yimuwika ya sevada.