Rute 2:13 - MUKANDA USANDU WA ZAMBI 1975

¹³ Mba pwo wambile ngwenyi, Mwata, vumbi unangulingi nikungulembejeka nikuhanjika ni utu kuli yami kavumbi kenu, chipwe chapwile kavumbi kenu.

Mukanda Wa Zambi 1970

¹³ Rute yakumbulula ngwenyi: “Aa mwata, uli mutu mubema. Hiwangulweza utu kuhiana. Maliji waze wahanjika kuli yami haanguwahisa. Wahanjika kuli yami ngwe nguli mukwa mulimo we, alioze kuma ka!”

Rute 2:13 Iomraidhean Croise

Ubutukilo 32:6

Tunganda yahiluka kuli Yakomba ngwo, Twaheta kuli yayenu Esau, iye kaneza mukukupatwiza ni makulakaji awana a malunga.

Ubutukilo 33:10

Alioze Yakomba yamba ngwenyi, Hi chocho ko mwane. Nyi hinawana vumbi kumeso je tambula mulambu wami ku kwoko liami se hinamona meso je ngwe umwe mamona meso a Zambi, hiwangutambula ni vumbi.

Ubutukilo 33:15

Esau yamba ngwenyi, Munguhichika amwe akwetu hamwe ni yena. Iye yakumbulula ngwenyi, Aka? Nguwane kama vumbi kumeso ja yena mwene wami.

Ubutukilo 33:8

Esau yamba ngwenyi, Chendo cheswe natakana nacho kuchi chinalumbunuka? Iye yamba ngwenyi, Hanga ngukawane vumbi kumeso ja yena mwene wami.

Ubutukilo 34:3

Mbunge yenyi yalalaminyine kuli Ndina mwana wa Yakomba. Wazangile mwe mwana-pwo, wahanjikile ni vumbi kuli iye.

Ubutukilo 43:14

ni Zambi Mukwa-Ndundo-Jeswe akanwehe keke kuli mwe lunga akanwehe yayenu mukwo hamuwika ni Mbenjamine. Nyi ana jami mangutoka, mangutoka lume.

2 Samuel 16:4

Henaho mwanangana yamba kuli Ziba ngwenyi, Yuma yeswe yapwile ya Mefiposhete hiyalumuka ya yena. Ziba ngwenyi, Ngunafulamana kuli yenu. Ngukawane vumbi kumeso ja mwene wami mwanangana.

Yishima 15:33

Woma wa Yehova wapwa kulongesa cha mana; kulikehesa kuchakutetekela ulemu.

Hosea 2:16

Yehova kanambe ngwenyi, Ha tangwa lize mukangutongola ngwe, Mukwetu-lunga. Kuchi kangutongola nawa ngwe, Mbale yami.

Filipu 2:3

Kanda nulinga nichimwe ku Spiritu ya kulitachika, hanji ya uhenya wamokomoko, alioze ni mbunge ya kulikehesa, mweswe anyonge ngwenyi, Mukwetu wanguhiana.

Akwa Kuyula 19:3

Kulutwe lunga lienyi wamukawile, akahanjike nenyi ni vumbi amunehe ku zuwo. Yatwala hamwe nenyi umwe ngamba yenyi ni yimbulu aali. Yaheta ku zuwo lia tato-weno mba muze iye yamumona yatuhuka kumupatwiza ni uwahililo.

Rute 2:12

Yehova akukundulule yize yeswe walinga; akakwehe kwononona cheswe cha muwundu kuli Yehova Zambi ya Izalele, se hiweza kuswamina mushi ha mapulwa jenyi.

Rute 2:14

Ha ola ya kulia Mboaze yamba kuli iye ngwenyi, Tweya kuno ukalie mbolo ukatáte mu vinyu. Chocho yatwama hakachi ka akwa kucha mbuto mba Mboaze yamutuma mbuto ya kwanyika, yalia ndo hakuta, hindu yimwe yiyilisalaho.

1 Samuel 1:18

Pwo yamba ngwenyi, Yami kavumbi ke ngukawane vumbi kumeso je. Chocho pwo yaya kwenyi, yalia, mba kapwile nawa ni chinyengo ku meso.

1 Samuel 25:41

Iye yakatuka, yahetamina hashi, yamba ngwenyi, Yami kavumbi kenu nguli ngamba wa kusanyisa yiliato ya ngamba ja mwene wami.