Rute 2:12 - MUKANDA USANDU WA ZAMBI 1975

¹² Yehova akukundulule yize yeswe walinga; akakwehe kwononona cheswe cha muwundu kuli Yehova Zambi ya Izalele, se hiweza kuswamina mushi ha mapulwa jenyi.

Mukanda Wa Zambi 1970

¹² Mwene Zambi akukundulule mumu ha yize hiwalinga. Mwene Zambi, Zambi ya Aisraele, akukundulule kuhiana, mumu hiwachinyina kuli iye hanga akufunge mu mapulwa jenyi.”

Rute 2:12 Iomraidhean Croise

Miaso (Masamu) 17:8

Ngufunge kama ngwe katumba ka liso. Ngusweke kushi lia Chizulie cha mapulwa je,

Miaso (Masamu) 19:11

Kavumbi ke kakumutoweza nayo. Ha kuyilinga kuchili kwononona chinene.

Miaso (Masamu) 36:7

Zambi, utu wa zango lie upema chimwe! Kashika ana ja atu kaswama kushi lia mapulwa je.

Miaso (Masamu) 57:1

Nguvwile kama vumbi, Zambi, nguvwile kama vumbi, mumu mbunge yami kuyaswama muli yena. Ewa, mu Chizulie cha mapulwa je munguswama ndo luyinda yono hahwa.

Miaso (Masamu) 58:11

Chocho atu mamba ngwo, Chamwenemwene kwononona cha mukwa ululi kuchili; chamwenemwene kwali Zambi mukwa kupatula hano hashi.

Miaso (Masamu) 61:4

Mungutwama mu mbalaka ye ku miaka ya mutolo; munguswama mushi lia mapulwa je.(Litulike.)

Miaso (Masamu) 63:7

Mumu yena kuwapwa chikwashi chami, mu Chizulie cha mapulwa je munguwahilila.

Miaso (Masamu) 91:4

Kumakakufuka ni ngona jenyi. Mushi lia mapulwa jenyi mukachinyina. Umwenemwene wenyi wapwa lukepwe, ni mukehe ni munene.

Yishima 11:18

Chingulungulu kakulambula fweto ya kwonga; alioze yoze makuwa ululi kali ni kwononona chamwenemwene.

Yishima 23:18

Mumu chamwenemwene kwononona kuchili; kutalatala che kechi kuchiteta.

Jeremia 31:16

Yehova kanambe ngwenyi, Funga liji lie; kanda ulila. Funga meso je; kanda ahita masoji, mumu milimo ye makwononwenayo ni ana je kumakakatuka ku chifuchi cha akwa kole akeze ku chifuchi cho. Chocho kanambe Yehova.

Mateu 23:37

A Yerusaleme! A Yerusaleme! Yena, wakushiha aprofeta, wakwasa mawe waze aatumine kuli yena! Yisuho yipwa haha hingunazange kukungulula ana je ngwe chali makunga ana jenyi mushi lia mapulwa jenyi, ni yenu kunwatayileko!

Mateu 5:12

Wahililenu, likwizenu, mumu kwononona chenu chinene mu malilu: mumu chocho ahungumionene aprofeta waze aliangilile.

Mateu 6:1

Keyelenu kanda nukalinga yilinga yenu ya ululi kumeso ja atu mukumoneka kuli ayo: nyi ka, kunushi kutambula kwononona nichimwe kuli Tatenu yoze uli mu malilu.

Luka 6:35

Alioze zangenu akwa kole jenu, lingenu yipema kuli ayo, hanenu mukuli, kanda nutalatala chize mahilwisa; ni kwononona chenu kumuchikapwa chinene; kumunukapwa ana ja mwe Chitunda: mumu iye mukwa utu kuli akwa kaleleso ni yingulungulu.

Kolosu 2:18

Niumwe kanda anulimuna kwononona chenu, nikulengumuka ku mbunge yenyi ya kulikehesa, ni kuwayila cha angelo, nikupolongoza mu yuma yize hanamono, nikulifuza ni kunyonga chenyi cha musunya.

2 Timoteu 1:18

(Mwene akamwehe kuwana keke kuli Mwene ha tangwa lize;) ni uvumbiko wunji upwa haha wanguvumbikile nawo mu Efwesu, yena kuunanyingika kanawa.

2 Timoteu 4:8

Chize ku haliapwila hanangufulikila chipangula cha ululi, chize Mwene, mwe Sopi wa ululi, makangwaha ha tangwa lize; hi kuli yami wika ko, alioze nawa kuli waze eswe akuzanga usolokelo wenyi.

Hebreu 11:26

Se kananyongo ngwenyi, Luchoko yoze achokele nenyi Kristu, hapwa upite kuhiana yikumba ya Engitu: mumu wahulikilile meso ku kwononona.

Hebreu 11:6

Alioze mutu keshi kuhasa kupemena kuli Zambi shina ni Ufulielo; mumu yoze meza kuli Zambi chamutamba kufuliela ngwo, Iye hwali, iye mukwa kwononona waze akumufupa.

Hebreu 6:10

Mumu Zambi hi chihenge ko, akavulame milimo yenu ni zango lize nwalwezele ku jina lienyi, se nwavumbikile asandu, se nuchili ni kwavumbika.

Rute 1:16

Alioze Rute yamba ngwenyi, Kanda ungushinjila kukwehuka hanji kukuhichika nikuhilukila kunyima. Mumu kweswako muoya yena ni yami munguya; kweswako mutwama yena ni yami mungutwama kwenako. Atu je kumapwa atu jami, ni Zambi ye kumapwa Zambi yami.

Rute 2:11

Mboaze yamukumbulula ngwenyi, Hanangwambulwila yize yeswe hiwalingila noko-weno katu ku kufwa cha mukwenu-lunga, ni chize hiwahichika tatenu ni noko ni chijima che, ukeze kuli atu te kanda uchianyingika.

Rute 2:13

Mba pwo wambile ngwenyi, Mwata, vumbi unangulingi nikungulembejeka nikuhanjika ni utu kuli yami kavumbi kenu, chipwe chapwile kavumbi kenu.

Rute 4:15

Kumakapwa kuli yena mukwa kuhuzulula mwono kanda mukwa kukuhoka mu ushinakaji we, mumu yono wamusema, iye tembwa-mwané, kanakuzange, kuli yena kahiana chipwe shimbiali a ana a malunga.

1 Samuel 24:19

Mumu te mutu mecha mukwa kole yenyi akaye ni mwono nyi hamuwana? Chizechene Yehova akakufwetele yipema yino wangulinganga musono.

1 Samuel 24:20

Chikwo nawa ngunanyingika ena kumuopwa mwanangana mba wanangana wa Izalele muukola mu kwoko lie.