Rute 2:11 - MUKANDA USANDU WA ZAMBI 1975

¹¹ Mboaze yamukumbulula ngwenyi, Hanangwambulwila yize yeswe hiwalingila noko-weno katu ku kufwa cha mukwenu-lunga, ni chize hiwahichika tatenu ni noko ni chijima che, ukeze kuli atu te kanda uchianyingika.

Mukanda Wa Zambi 1970

¹¹ Boaze ngwenyi: “Haanangulumbunwina yiwape yeswe yize hiunalingila noko weno chize kuze afwilile lunga lienyi. Ngunanyingika chize wahichikile tatenu ni noko, ni chize wahichikile chifuchi che yiwiza ni kutwama ni atu waze kuwanyingikine.

Rute 2:11 Iomraidhean Croise

2 Samuel 21:11

Yalweza David chize Rizipa mwana Aya, *konkubina ya Saulu, halinga.

Miaso (Masamu) 45:10

Panjika, yena mwana wa pwo, ukatale, ukahetamise twitwi lie. Vulama atu je ni zuwo lia tatenu.

Luka 14:33

Chocho kevwe mweswawo wa kuli yenu keshi kwehuka yize yeswe ali nayo, kahashile kupwa kambaji kami.

Luka 5:11

Mba muze te haneha maulungu jo hashi, yehuka yeswe, yamukaula.

Luka 5:23

Chashi chika shina kwamba ngwami, Ngunakukonekena milonga ye, nyi? Shina kwamba ngwami, Katuka, wende?

Rute 1:11

Alioze Noemi yamba ngwenyi, Hilukenu anami. Kuchi te munuya ni yami? Te ana akwo a malunga nguli no mu jimo mahasa kupwa malunga jenu?

Rute 2:10

Rute yafulamana ha meso jenyi nikuhetamina hashi, yamba kuli iye ngwenyi, Kuchi te hinawana vumbi kumeso je ungusele chinyingi, yami nguli kandaka?

Rute 2:12

Yehova akukundulule yize yeswe walinga; akakwehe kwononona cheswe cha muwundu kuli Yehova Zambi ya Izalele, se hiweza kuswamina mushi ha mapulwa jenyi.

Rute 3:10

Lunga yamba ngwenyi, Mwanami, Yehova akuwahise; utu we wa kusula wahiana uze utangu se kwakawile akweze, apwe yiswale apwe pichi.

Rute 4:15

Kumakapwa kuli yena mukwa kuhuzulula mwono kanda mukwa kukuhoka mu ushinakaji we, mumu yono wamusema, iye tembwa-mwané, kanakuzange, kuli yena kahiana chipwe shimbiali a ana a malunga.