Rute 1:6 - MUKANDA USANDU WA ZAMBI 1975

⁶ Mba yakatuka ni atembwa-anenyi ahiluke ku chifuchi cha Moape mumu te hevwa mu chifuchi cha Moape ngwo, Yehova hanangisa atu jenyi, haaha kulia.

Mukanda Wa Zambi 1970

⁶ Muze Naomi hevwa ngwo, Mwene Zambi hawahisa atu jenyi, Aisraele, haaha yakulia, mba Naomi yalilulika hanga akatuke mu chifuchi cha Moabe, iye ni atembwa anenyi aali.

Rute 1:6 Iomraidhean Croise

Ubutukilo 21:1

Yehova yanangisa Sara ngwe ambile. Yehova yalinga ni Sara ngwe ahanjikile.

Ubutukilo 28:20

Mba Yakomba yalakenya chilakenyo ngwenyi, Nyi Zambi mangufunga jila yeswe munguya akangwehe ya kulia, ni mazalo a kuzala,

Ubutukilo 48:15

Yawahisa José ngwenyi, Zambi akaawahise. Mwe Zambi atata Apalahama ni Izake endele kumeso jenyi, Mwe Zambi hanangulisa mwono wami weswe ndo musono.

Ubutukilo 50:25

José yashingisa ana ja Izalele ngwenyi, Pundu Zambi makanunangisa mba munukambata yifwaha yami nukayichize ku kuno.

Miaso (Masamu) 102:14

Mumu tuvumbi twe kanawahilila mu mawe jenyi. Chipwe fufuta yenyi kakuyivwila vumbi.

Miaso (Masamu) 111:5

Hanahana kulia kuli waze akumuvwila woma. Kumakewuluka usendo wenyi matangwa eswe.

Miaso (Masamu) 132:15

Munguwahisa chikolo kulia chenyi. Mungukuchisa yiswale jenyi ni kulia.

Miaso (Masamu) 145:15

Meso ja atu eswe akutalatala yena, mba yena wakwaaha kulia cho ha mwaka wacho.

Miaso (Masamu) 146:7

Yoze wakupatwila akwa luyinda. Yoze wakuhana kulia kuli akwa zala. Yehova kakutusula funge.

Miaso (Masamu) 147:14

Hapwisa sambukila mu manjiza je. Hanakuzalisa ni tiliku yize yahiana kupema.

Kutuhuka 3:16

Yako ukakungulule hamuwika makulwana a A-Izalele. Amba kuli ayo ngwe, Yehova, Zambi ya tulamba twenu, Zambi ya Apalahama, ni ya Izake, ni ya Yakomba, hanasoloka kuli yami ngwenyi, Pundu hinanutala, hinamona chize ananulingi mu Engitu.

Kutuhuka 4:31

E atu afulielele mba muze evwile ngwo, Yehova te hanangisa A-Izalele, hamona luyinda wo, hohene yahetamisa mitwe yo nikuwayila.

Yishima 30:8

ngwami, Twala kusuku ni yami kulifuza ni mahuza; kanda ungwaha chipwe uswale chipwe upite; ungwehe kulia chize chinangute,

Izaya 55:10

Chizechene ngwe vula ni neve yakukatuka mwilu, kuyayileko nawa alioze yakutuchika hashi hanga hasokese ni kwima, kuhana mbuto kuli mukwa kukuwa ni mbolo kuli mukwa kulia,

Jeremia 29:10

Mumu Yehova kanambe ngwenyi, Muze makumi shimbiali a miaka hamanunuka ku Babilonia mungununangisa; mungumanununa kuli yenu chize nalakenyene. Mungunuhilwisa ku chifuchi chino.

Joele 2:19

Yehova yakumbulula atu jenyi ngwenyi, Mungunutuma mbuto, ni vinyu, ni maji, nukakute nayo. Chichi kutá nukasauke nawa hakachi ka mavungu.

Zefania 2:7

Mbaka muyipwa chihinga cha masalila ja munyachi wa A-Yunda kuze Analishila yimuna. Mu mazuwo ja Asekalone mapomba ha chingoloshi; mumu Yehova Zambi yo maewuluka ni kwahilwisa kuwaha cho.

Mateu 6:11

Twehe kama musono mbolo yetu yize twakufupafupa.

Luka 1:68

Mwene Zambi ya Izalele afumane; mumu hanatale hali atu jenyi, hanaalingila ukule.

Luka 19:44

Kumakakupuzula hashi, ni ana je muli yena, kechi kahichika muli yena liwe limuwika ha liwe likwo; mumu te kwanyingikine mwaka we upema.

1 Timoteu 6:8

Alioze nyi tuli ni ya kulia ni ya kuzala, chatutamba kuyuka nayo.

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.

Rute 1:5

Mba Malone ni Chilione afwile eswe aali, chocho mwe pwo yafwisa anenyi aali ni lunga lienyi.

Rute 1:7

Chocho yakatuka kuze, atwamine hamwe ni atembwa-anenyi aali yapwila mu jila ya kuya ku chifuchi cha Yunda.

1 Samuel 2:21

Yehova yanangisa Hana, iye yaka ufumba, yasema ana; a malunga atatu, a mapwo aali. Ni mwe mwana Samuel yatatuka kumeso ja Yehova.