Rute 1:16 - MUKANDA USANDU WA ZAMBI 1975

¹⁶ Alioze Rute yamba ngwenyi, Kanda ungushinjila kukwehuka hanji kukuhichika nikuhilukila kunyima. Mumu kweswako muoya yena ni yami munguya; kweswako mutwama yena ni yami mungutwama kwenako. Atu je kumapwa atu jami, ni Zambi ye kumapwa Zambi yami.

Mukanda Wa Zambi 1970

¹⁶ Alioze Rute ngwenyi: “Kanda ungushinjila ni kukuhichika, chibwe kungukanjisa kuya hamwe ni yena. Kweswako muuya ni yami munguya ko, kweswako muukabwa, ni yami mungukabwa ko. Akwa jiko lie maabwa akwa jiko liami, Zambi ye mabwa Zambi yami.

Rute 1:16 Iomraidhean Croise

2 Samuel 15:21

Mba Itaia yakumbulula kuli mwanangana ngwenyi, Ni mwono wa Yehova, ni mwono wa yenu mwene wami mwanangana, kweswako mwene wami mwanangana mapwa, hanji ha kufwa, hanji ha mwono, kwenako mungupwa yami kavumbi kenu.

Miaso (Masamu) 45:10

Panjika, yena mwana wa pwo, ukatale, ukahetamise twitwi lie. Vulama atu je ni zuwo lia tatenu.

Yishima 17:17

Sepa lia mutu kakuzanga matangwa eswe; yaya wasemukinyine kukwasa mu tangwa lia lamba.

Izaya 14:1

Yehova kumakavwila keke A-Yakomba; kumakatongola cheka nawa A-Izalele, ni kwasa mu chifuchi cho ene. Chipwe tundaka malifutula no ni kulalaminya ku munyachi wa Yakomba.

Daniel 2:47

Mwanangana yamba kuli Daniel ngwenyi, Pundu, Zambi ye mwe Zambi ya mazambi, ni Mwene wa mianangana; kapwa nawa mukwa kujimbula yijimbikilo se yena hiwahasa kujimbula chijimbikilo chino.

Daniel 3:29

Kashika ngunakolesa shimbi ngwami, Nyi vungu limwe, hanji munyachi umwe, hanji limi limwe mahanjika chimwe chuma cha kulimika ni Zambi ya Shadrake, ni Meshake, ni Abedenego, makaapapulula kwoko ni kulu ni mazuwo jo maapuzula. Mumu kukushi niumwe zambi mukwo yoze mahasa kupulula chocho.

Daniel 4:37

Kashika yami Nabukanezore ngunahalisa Mwanangana wa mwilu, ni kumwalakana, ni kumulemesa; mumu yitanga yenyi yinalulama, ni ndako jenyi jinalite; kanahase kukehesa waze eswe akwenda nikulilengela.

Hosea 13:4

Yami nguli Yehova Zambi yenu chize ku chifuchi cha Engitu. Kunwanyingikine Zambi niumwe shina yami, kukushi niumwe chilamwina shina yami wika.

Zakaria 8:23

Yehova-wa-Tujita kanambe ngwenyi, Ha matangwa aze kumi lia malunga a ku mavungu ja malimi eswe makakwata ku hina lia mutu umuwika Ka-Yunda nikwamba ngwo, Tutayize kuya ni yena mumu hitwevwa lufuma ngwo, Zambi hwali hamwe ni yenu.

Mateu 8:19

Mukwa kusonyeka wejile, wambile kuli iye ngwenyi, Longeshi, kumungukukaulu kweswako muoya.

Yoano 13:37

Petulu yamba kuli iye ngwenyi, Mwene, kuchi te Chahashile kukukaula chipwe haliapwila? Mungulumbika mwono wami hali yena,

Yilinga 21:13

Alioze Paulu wakumbulwile ngwenyi, Kuchi nunalingi, nikulila, nikushiha mbunge yami? Mumu ngunahase hi kukashiwa wika ko, alioze kufwa nawa ku Yerusaleme ha jina lia Mwene Yesu.

1 Tesalonika 1:9

Mumu ayo ene kakwambujola ha kutwala kuli yetu, kunjila chize twapwile nacho kuli yenu; ni ngwe chize nwatewulukilile kuli Zambi nikwehuka mahamba, mukulingila Zambi ya mwono, wamwenemwene,

Yoshua 24:18

Yehova wahumine kumeso jetu atu eswe, e A-Amore atwamine mu chifuchi, kashika ni yetu nawa mutulingila Yehova mumu iye Zambi yetu.

Usolwelo 14:4

Waze kalichishile ni mapwo; mumu o malunga a kulinanga. Wano waze akukaula mwe Mwana-panga kweswako maya. Wano aalanjile hakachi ka atu ngwe mihuko yitangu kuli Zambi ni kuli mwe Mwana-panga.

Rute 1:15

Noemi yamba ngwenyi, Tala nyalie kanahiluka kuli atu jenyi ni kuli mazambi jenyi. Hiluka yena nawa umukaule.

Rute 1:17

Kweswako mufwila yena, ni yami mungufwila ukangufunde kuze kwene. Yehova akangulambe nyi natayiza chipwe kufwa kutuhandununa yena ni yami.

Rute 2:6

Mwe kapatashi ka akwa kucha mbuto yakumbulula ngwenyi, Yono mwe Ka-Moape wakatukile ku chifuchi cha Moape, wejile ni Noemi.

Rute 4:15

Kumakapwa kuli yena mukwa kuhuzulula mwono kanda mukwa kukuhoka mu ushinakaji we, mumu yono wamusema, iye tembwa-mwané, kanakuzange, kuli yena kahiana chipwe shimbiali a ana a malunga.