Rute 1:13 - MUKANDA USANDU WA ZAMBI 1975

¹³ te munwashimbwila ndo hakola? Te munutwama hashi mumu hali ayo? Hi chocho ko anami, mumu chinangusashila kuhiana hali yenu chize kwoko lia Yehova hilialimika ni yami.

Mukanda Wa Zambi 1970

¹³ Munuhasa kwatwaminyina ndoo muze maakola, nyi? Hanji munulituna kuya malo eka mumu hali ayo, nyi! Hi chocho ko, atembwa anami, kunushi kuhasa. Mwene Zambi hangumba nyima. Ngunanuvwila chinyengo kuhiana.”

Rute 1:13 Iomraidhean Croise

Ubutukilo 38:11

Mba Yunda yamba kuli tembwamwanenyi Tama ngwenyi, Twama utwamishi mu zuwo lia tatenu ndo mwanami Shela hakola. Mumu kanambe ngwenyi, Kuchina iye nawa mafwa, ngwe ayayo. Chocho Tama yaya, yatwama mu zuwo lia tato.

Jobe 19:21

Nguvwilenu keke, enu masepa jami, ngu-vwilenu keke, mumu kwoko lia Zambi hilinangukwata.

Miaso (Masamu) 32:4

Mwalwa ni ufuku kwoko lie Kangulemene; tachi jami jomine ngwe changa cha lushiho.(Litulike.)

Miaso (Masamu) 38:2

Mumu mivu ye yangutwa; kwoko lie liangushata chikolo.

Shimbi 2:15

Chikwo nawa kwoko lia Yehova yililimika no, mukwaonwona ku chilombo ndo yakuwa.

Akwa Kuyula 2:15

Kweswako ayile kwoko lia Yehova lialimikine no nikwanehena chipi, chizechene ngwe Yehova haatoweza; chizechene ngwe Yehova halishinga no. Chocho apinjile.

Rute 1:12

Anami hilukenu. Yénu kwenu, mumu nguli mukulwana naye kuya ulo. Chipwe mungwamba ngwami, Kutalatala nguli nacho; chipwe napwa ni lunga ufuku uno wene, chipwe mungusema ana a malunga,

Rute 1:14

Alilile cheka nawa ni liji linene, mba Orpa wambejele nayeweno, alioze Rute yamukakaminya.

Rute 1:21

Nakatukile wa tò, alioze Yehova hananguhilwisa wa upolongo. Kuchi te nunanguvuluka ngwenu, Noemi muze Yehova hananguyindamisa, mwe Mukwa-Ndundo-Jeswe hanangunehena kuji-ni-tomo?

1 Samuel 5:11

Kashika akungulwile miata eswe a A-Filistea ngwo, Katwisenu mushete wa Zambi ya Izalele ukahiluke nawa kuma kwawo kuchina muutushiha ni atu jetu. Mumu kwapwile mwongo wa kufwa ndusu, limbo lieswe mumu kwoko lia Zambi lialemene chikolo hali ayo.