Obadia 1:4 - MUKANDA USANDU WA ZAMBI 1975

⁴ Yehova kanambe ngwenyi, Chipwe mulinangamisa ngwe pupa; chipwe muosa walo we hakachi ka matongonoshi hindu mungukuhulumunako.

Mukanda Wa Zambi 1970

⁴ Chibwe zuwo lie liatwama kwilu kusuku ngwe chaswa cha tela, chibwe kaakulimwena ngwe mukachi ka matongonoshi, hindu mungulihulumuna hashi.

Obadia 1:4 Iomraidhean Croise

Izaya 10:14

Kwoko liami hiliawana upite wa mavungu ngwe chaswa; mba hinakunga hashi heswe ngwe atu kakwanda monda aze hanehuka. Niumwe hazundula pulwa, hanji hapakula kanwa lienyi akalinge pia.

Jeremia 49:16

Mwongo uze nwakunehena akwo hiwanwonga hamwe ni kulengumuka cha mbunge jenu; enu nwatwama mu yivwenge ya mawe, nwazuka kwe ku mbulwa mulundu. Yehova kanambe ngwenyi, Chipwe mukasa walo we kwilu ngwe wa pupa, hindu mungukuchizako.

Jeremia 51:53

Chipwe Babilonia manyina ku malilu; chipwe makolesa ngwe mbonge ya mwilu, hindu yonwonyi munguyihuiumuna hali iye. Chocho kanambe Yehova.

Amose 9:2

Chipwe mafulila ndo ku Shiole hindu kwoko liami mulikaachizako. Chipwe manyina ku malilu mungukaahulumunamo.

Habakuke 2:9

Lamba kuli yoze wakutambula munyachi wenyi ni uhenge, akase chaswa chenyi kwilu akalilamwine ku yipi.