Nehemia 9:8 - MUKANDA USANDU WA ZAMBI 1975

⁸ Wawanyine mbunge yenyi yingunu kumeso je; wakolesele nenyi usendo ukamwehe chifuchi cha A-Kanana, ni A-Hete, ni A-Amore, ni A-Perize, ni A-Yepushe, ni A-Ngikashe, ukachihane kuli akwa munyachi wenyi. Hiwalinga nikulita ni maliji je mumu uli mukwa ululi.

Mukanda Wa Zambi 1970

⁸ Yiumumona ngwe kali mukwa mbunge yibema, yiukolesa nenyi Usendo. Yiumulakenya kumwaha chifuchi cha Akanana, ni cha Ahite, ni cha Aamore, ni cha Aperize, ni cha Ajebuse, ni cha Agirgashe, chikabwe chifuchi cha vungu lienyi akatwame mo. Hiwalinga nikulita ni chilakenyo che, mumu uli mukwa kushishika.

Nehemia 9:8 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 15:6

Iye yafuliela Yehova, mba Yehova yamwalwilacho ngwe ululi.

Ubutukilo 22:12

Yamba ngwenyi, Kanda usa kwoko lie hali mwana, chipwe kumulinga chimwe chuma, ka, mumu haliapwila ngunanyingika ngwami, Wakuvwila woma Zambi se kwanguminyine mwané, mwe mwané wa wika.

2 Samuel 22:31

Ha kutwala kuli Zambi jila yenyi yingunu. Liji lia Yehova lia kweseka kulu, iye lukepwe wa waze aswama mul i iye.

1 Sango Ja Mianangana 1:14

ni A-Yepushe, ni A-Amore, ni A-Ngikashe,

1 Sango Ja Mianangana 16:16

Usendo uze akolesele ni Apalahama, ni liji lienyi lia kulishinga kuli Izake.

Ezra 9:15

Yehova, Zambi ya Izalele! Uli mukwa ululi! mumu hitwasala ngwe atu a piliwiji a kwomboka—chize twapwa kumeso je musono. Tala, tuli kumeso je ni uhie wetu, mumu niumwe mahasa kumana kumeso je mumu ha chino chuma.

Nehemia 9:33

Alioze mu yuma yino yeswe hiyatushata uli mukwa ululi mumu hiwalinga ni umwenemwene; yetu hitwalinga ni ungulungulu.

Miaso (Masamu) 116:5

Yehova mukwa vumbi ni ululi; ewa, Zambi yetu mukwa keke.

Kutuhuka 3:17

Hinamba ngwami, Mungukanuchiza ku luyinda wa Engitu, mungukanutwala ku chifuchi cha A-Kanana, ni A-Hete, ni A-Amore, ni A-Perize, ni A-Hevwe, ni A-Yepushe, ku chifuchi kuze kunokela yamwa ni wuchi.

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Ezekiel 33:24

Mwana mutu, wano atwama mu yihela yino ya kwenyeka mu chifuchi cha Izalele kakwambamba ngwo, Apalahama wapwile mutu umuwika, hindu wazukile chifuchi; mba yetu tuli anji; hatwaha chifuchi tukachizuke.

Kwalula 13:29

A-Amaleke katwama mu chifuchi cha Negeve; ni A-Hete, ni A-Yepushe, ni A-Amore katwama ku milundu; ni A-Kanana katwama ku mbaka ni mu chikulo cha Yordau.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Yilinga 13:22

Muze te hamuchiza, wasolwele David kuli ayo kupwa mwanangana wo; kuli iye nawa washindakenyene, ngwenyi, Hingunawane David mwana Yese, lunga wa kulita ni mbunge yami, iye kumakalinga upale wami weswe.

Shimbi 26:3

Uhete kuli sasendote mapwa ha matangwa aze, wambe kuli iye ngwe, Ngunatayiza musono kuli Yehova Zambi ye ngwami, Hinaheta mu chifuchi Yehova walishingile kuli tulamba twetu kutwahacho.

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.

Shimbi 7:1

Muze Yehova Zambi yenu manuhetesa mu chifuchi nunayi kuchizuka, ha kahuma mavungu anji kumeso jenu, A-Hete, ni A-Ngikashe, ni A-Amore, ni A-Kanana, ni A-Perize, ni A-Hevwe, ni A-Yepushe, mavungu shimbiali ananuhiana ni unene, ni ndundo,

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.

Titu 1:2

mukutalatala mwono wa mutolo, uze Zambi, yoze keshi mahuza, walakenyene ku miakulwila;

Hebreu 11:17

Ku Ufulielo Apalahama, muze amwesekele, walambwile Izake, ni yoze watambwile yilakenyo kushi walambwile mwanenyi wa wika,

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.

Yoshua 11:23

Chocho Yoshua watambwile Chifuchi cheswe nikulita ni liji lieswe Yehova wambile kuli Mose. Yoshua wachihanyine kuli A-Izalele chihinga nikulita ni minyachi yo, munyachi ni chihanda chawo, munyachi ni chihanda chawo. Mba chifuchi chahwimine ku jita.

Yoshua 11:3

ni kuli A-Kanana ku Chivumbuko ni ku Chitokelo, ni kuli A-Amore, ni A-Hete, ni A-Perize, ni A-Yepushe mu milundu, ni A-Hevwe ku mwanda wa Hermone mu chifuchi cha Mizepa.

Yoshua 23:14

Haliapwila ngunambe kuya jila akuya akwa hashi eswe, ni yenu nunanyingika mu mbunge jenu ni mu alma jenu, e eswe lume, ngwenu, Nichimwe chuma kuchahonene cha yuma yize yeswe yipema Yehova Zambi yenu hanulakenya ha kutwala kuli yenu. Yeswe hiyamanunuka hali yenu; nichimwe chahona.

Yoshua 9:1

Mba mianangana aze eswe atwama mu sali lia Yordau mu milundu ni mu yana yeswe ya ku mbaka ya Kalunga-lwiji Munene, kwa kuya ku Lebano, ni A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe; o muze evwile chuma chino

1 Yoano 1:9

Kachi mutushikisa milonga yetu, kachi iye wamwenemwene, iye mukwa ululi kutukonekena milonga yetu, ni kutupemesa ku uhenge weswe.