Nehemia 9:5 - MUKANDA USANDU WA ZAMBI 1975

⁵ Mba A-Levi, Yeshua, ni Kamiele, ni Mbani, ni Hashabania, ni Sherebia, ni Hodia, ni Shebania, ni Petahia yamba ngwo, Manenu nukafumanyise Yehova Zambi yenu chize ku miaka yeswe ndo ku miaka yeswe. Jina lie lia uhenya, lize liatunda helu lia ulemeso weswe ni uhaliso weswe, likafumane.

Mukanda Wa Zambi 1970

⁵ Alevi wano yaakatwisa atu hanga awayile: Yeshua, ni Kadmiele, ni Bani, ni Hashabneya, ni Sherebia, ni Hodia, ni Shebania, ni Petahia. Yaamba ngwo: “Katukenu nufumanyise Mwene Zambi, Zambi yenu; mufumanyisenu ndoo ku miaka yeswe ni miaka yeswe! Mutu mweswe afumanyise jina lienyi ha uhenya, chibwe uhaliso wetu kuwazukile.”

Nehemia 9:5 Iomraidhean Croise

1 Yitanga Ya Mianangana 8:14

Mba mwanangana yalumuka kuwahisa chikungulwila cheswe cha A-Izalele. Chikungulwila cheswe cha A-Izalele chamanyine ha molu.

1 Yitanga Ya Mianangana 8:15

Yamba ngwenyi, Yehova afumane, mwe Zambi ya Izalele yoze wahanjikile ni kanwa lienyi kuli tata David, mwenawo hachimanuna ni kwoko lienyi musono ngwenyi,

1 Yitanga Ya Mianangana 8:22

Solomone yamana kulutwe lia chilumbilo cha Yehova kumeso ja chikungulwila cheswe cha A-Izalele, yazoza moko jenyi kwilu

1 Yitanga Ya Mianangana 8:27

Alioze pundu, Zambi matwama hano hashi nyi? Chipwe lilu ni lilu lia malilu kuliakutele. Mba zuwo lino hinakutungila kuchi?

1 Sango Ja Mianangana 16:36

Yehova Zambi ya Izalele akafumane, chize ku miaka ya mutolo ndo ku miaka ya mutolo! Atu eswe ambile ngwo, Amene, ahalishile Yehova.

1 Sango Ja Mianangana 29:11

Unene weswe wa mbala wa yena Yehova, ni ndundo, ni uhenya, ni kukumba, ni wanangana. Mumu cheswe chili mwilu ni hashi niche. We wanangana wa yena Yehova, ni yena kuwatunda ngwe mutwe helu lia yuma yeswe.

1 Sango Ja Mianangana 29:13

Kashika yena Zambi yetu tunakusakwilila nikuhalisa jina lie lia uhenya.

1 Sango Ja Mianangana 29:20

David yamba kuli akwa chikungulwila eswe ngwenyi, Haliapwila hiwahisenu Yehova Zambi yenu. Mba akwa chikungulwila eswe yalemesa Yehova Zambi ya tulamba two. Yahetamisa mitwe yo ni kuwayila Yehova ni mwe mwanangana.

2 Sango Ja Mianangana 20:13

A-Yunda eswe amanyine kumeso ja Yehova hamwe ni ana jo akepe, ni mapwo jo, ni ana jo a malunga.

2 Sango Ja Mianangana 20:19

Ni A-Levi akwa munyachi wa Kohate ni akwa munyachi wa Kora yamana ha molu akahalise Yehova, mwe Zambi ya Izalele, ni liji linene kuhiana.

Ezra 3:11

Yemba umwe kuli mukwo ni mukwo uhaliso ni kusakwila kuli Yehova ngwo, Mumu iye mupema, Mumu utu wa zango lienyi kuli Izalele wa mutolo. Mba muze hahalisa Yehova atu eswe yakololoka ni liji linene mumu fundamentu ya zuwo lia Yehova hayisa.

Nehemia 9:4

Henaho kwamanyine ha ukandukilo amwe A-Levi: Yeshua, ni Mbani, ni Kamiele, ni Shebania, ni Buni, ni Sherebia, ni Mbani, ni Chenani. Yalemba ni liji linene kuli Yehova Zambi yo.

Nehemia 9:6

Yena uli Yehova; yena mwene ukawe. Yena watangile lilu, ni lilu lia malilu ni mbunga yamo yeswe, ni hashi ni yuma yeswe yiliho, ni tulunga-njiji ni yuma yeswe yilimo; ni yena kuwakuyifunga yeswe. Mbunga ya mwilu kakukuwayila.

Jobe 1:21

Uselesele natuhukile mu jimo lia mama; uselesele munguhiluka. Yehova wapele; Yehova hachiza—jina lia Yehova likafumane.

Miaso (Masamu) 106:2

Iya mahasa kuvuluka yilinga ya ndundo ya Yehova, hanji kusolola uhaliso wenyi?

Miaso (Masamu) 134:1

Fumanyisenu Yehova, yenu eswe tuvumbi twa Yehova, yenu nwakumana ha ufuku mu zuwo lia Yehova.

Miaso (Masamu) 145:2

Mungukufumanyisa matangwa eswe. Munguhalisa jina He ku miaka yeswe ya mutolo.

Miaso (Masamu) 145:5

Mungupukuna ha uhenya wa wanangana we ulemu, ni ha yitanga ye ya kukomwesa.

Miaso (Masamu) 146:2

Shimbu nguli ni mwono munguhalisa Yehova. Shimbu nguchiliho mungwimba uhaliso kuli Zambi yami.

Miaso (Masamu) 16:2

Hinamba kuli Yehova ngwami, Yena uli Mwene wami, chishi ni yuma yipema shina muli yena.

Miaso (Masamu) 66:2

Imbenu ulemu wa jina lienyi; uhaliso wenyi nukaupwise wa uhenya.

Miaso (Masamu) 99:3

Akachichimieke jina lie linene lia woma, mumu Hapwa lisandu.

Kutuhuka 15:11

Yehova—hakachi ka tuzambi walita ni yena iya? Walita ni yena iya? Mulemu ni musandu—yena. Ha kukuhalisa, kole ni woma yena. Kuwakulinga yikomokeso.

Kutuhuka 15:6

Yehova, kwoko lie lia chindume kuliapwa lilemu ni tachi. Yehova, kwoko lie lia chindume hiliawonda mukwa kole.

Daniel 2:20

Daniel yamba ngwenyi, Akafumanyise jina lia Zambi ndo ku miaka ya mutolo, yoze uli ni mana ni ndundo.

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

2 Korintu 4:6

Mumu iye Zambi, yoze wambile ngwenyi, Pangu lipanguke mu milima, mwenawo hanapanguka mu mbunge jetu, mukutwaha kupanguka cha chinyingi cha uhenya wa Zambi kumeso ja Yesu Kristu.

Shimbi 28:58

Kachi kunuchi kukanyama kulinga maliji eswe a shimbi yino anasonewa mu mukanda uno, hanga nwivwe woma wa jina lino lia ulemu, lia kukolesa mwongo, YEHOVA ZAMBI YENU,

1 Petulu 1:3

Zambi kanda Tato ya Mwene wetu Yesu Kristu afumane, yoze nikulita ni keke yenyi yinji hanatuseme chaha, tukapwe ni kutalatala cha mwono, ku Uhindukilo wa Yesu Kristu hakachi ka afu,

Akwa Kuyula 13:18

Mungelo wa Yehova yamba kuli iye ngwenyi, Kuchi te muhula jina liami se liapwa chikomokeso?