Nehemia 9:4 - MUKANDA USANDU WA ZAMBI 1975

⁴ Henaho kwamanyine ha ukandukilo amwe A-Levi: Yeshua, ni Mbani, ni Kamiele, ni Shebania, ni Buni, ni Sherebia, ni Mbani, ni Chenani. Yalemba ni liji linene kuli Yehova Zambi yo.

Mukanda Wa Zambi 1970

⁴ Kwabwile chitamba cha Alevi. Yeshua, ni Bani, ni Kadmiele, ni Shebania, ni Buni, ni Sherebia, ni Bani, ni Kenani yaamana ho, yaalemba kuli Mwene Zambi, Zambi yo, ni liji linene.

Nehemia 9:4 Iomraidhean Croise

2 Sango Ja Mianangana 20:19

Ni A-Levi akwa munyachi wa Kohate ni akwa munyachi wa Kora yamana ha molu akahalise Yehova, mwe Zambi ya Izalele, ni liji linene kuhiana.

Nehemia 12:8

Kwapwile nawa A-Levi: Yeshua, ni Binui, ni Kamiele, ni Sherebia, ni Yunda, ni Matania yoze wasongwelele kusakwila, iye ni usoko wenyi.

Nehemia 3:17

Yahatako ha kululika A-Levi; Rehume mwana Mbani. Yahatako Hashabia, mukwa kuyula chihanda cha ha muchima cha chifuchi cha Kela, ngwami, ha chifuchi chenyi.

Nehemia 8:4

Mba mukwa kusonyeka Ezera wamanyine ha chitamba cha mitondo hatunga ha milimo yenayo. Kwamanyine hamuwika nenyi Matitia, ni Shema, ni Anaia, ni Uriya, ni Hilekia, ni Maseia, ha chindume chenyi. Ha chimeso chenyi kwamanyine Pedaia, ni Mishaele, ni Malekia, ni Hashume, ni Hashabadana, ni Zekaria, ni Meshulame.

Nehemia 8:7

Mba Yeshua nawa, ni Mbani, ni Sherebia, ni Yamine, ni Akube, ni Shabetai, ni Hodia, ni Maseia, ni Kelita, ni Azaria, ni Jozabade, ni Hanane, ni Pelaia, ni A-Levi, o yalumbununa shimbi kuli e atu. Atu te kanamana kuma kwo.

Nehemia 9:5

Mba A-Levi, Yeshua, ni Kamiele, ni Mbani, ni Hashabania, ni Sherebia, ni Hodia, ni Shebania, ni Petahia yamba ngwo, Manenu nukafumanyise Yehova Zambi yenu chize ku miaka yeswe ndo ku miaka yeswe. Jina lie lia uhenya, lize liatunda helu lia ulemeso weswe ni uhaliso weswe, likafumane.

Miaso (Masamu) 130:1

Mu jondo nasanyikine kuli yena Yehova.

Miaso (Masamu) 3:4

Nakuteta kuli Yehova ni liji liami, iye kumangukumbulula ku mulundu wenyi usandu. (Litulike.)

Miaso (Masamu) 77:1

Munguteta kuli Zambi ni liji liami, ewa, kuli Zambi munguteta ni liji liami mba iye mapanjika kuli yami.

Lungungu 3:8

Chipwe ngunatambika ni kusanyika angukwase hindu kakuchina kulemba chami.

Yoano 11:43

Muze te hamba chocho, wakololokele ni liji linene ngwenyi, Lazaru, tuhukamo.

Yilinga 7:60

Mba waliumbile makungunwa, wakololokele ni liji linene ngwenyi, Mwene, kanda uatwika mulonga uno. Muze te hamba chino wayile tulo.