Nehemia 9:35 - MUKANDA USANDU WA ZAMBI 1975

³⁵ Mumu kakulingilile mu wanangana wo, ni mu upeme we unene waahele, ni mu chifuchi cha chinuno waahele kushi; kasolo kwecha yitanga yo ya ungulungulu.

Mukanda Wa Zambi 1970

³⁵ Yena yiuwahisa mianangana waze ayulile atu je, yiwaaha chifuchi chinene cha chinuno atwame mo, alioze keehukile ko yitanga yo yibi, kaakulingilile ko.

Nehemia 9:35 Iomraidhean Croise

Nehemia 9:25

Atambwile yihunda ya yipanga-ya-mawe, ni chifuchi cha chinuno. Azukile mazuwo a tò ni yuma yeswe yipema—mashima a kutota mu liwe, ni minda ya uva, ni minda ya olevwe, ni mitondo ya ngolo ya mihuko. Chocho alile, akuchile, atohele, ni kuwahilila mu upeme we unene.

Nehemia 9:34

Chipwe mianangana jetu, ni alemu jetu, ni asasendote, ni tulamba twetu kafungile shimbi je, kapanjikile ku maliji je ni Shindakenyo ye yize waámbile.

Izaya 63:7

Mungwambulula utu wa zango lia Yehova. Mungwambulula uhaliso wa Yehova, nikulita ni yuma yeswe Yehova hatwaha, ni yipema yize yinene hahana ku munyachi wa Izalele, yize haaha nikulita ni keke yenyi, nikulita ni kulumbama cha utu wa zango lienyi.

Jeremia 5:19

Mba muze atu jenu mamba ngwo, Kuchi te Yehova Zambi yetu hatulinga yino yuma yeswe? Ena muwamba kuli ayo ngwe, Chizechene ngwe yenu hinwangwehuka, hinwalingila mazambi a yilambala mu chifuchi chenu, chochene munukalingila yilambala mu chifuchi hi ni chenu ko.

Ezekiel 5:6

Alioze hakolema shimbi jami ni ungulungulu kuhiana mavungu; hakolema yiyulo yami kuhiana yifuchi yeswe ya kuyijingilika ha kulituna shimbi jami, katayile kwenda nikulita ni yiyulo yami.

Shimbi 28:47

Mumu te kunwavumbikile Yehova Zambi yenu ni chiseke ni kuwaha cha mbunge, mumu ha kwoka cha yuma yeswe.

Shimbi 28:48

Kashika munukavumbika akwa kole jenu Yehova makaatuma alimike ni yenu, ni zala, ni pwila, ni uvu, ni kuhona cha yuma yeswe. Makasa kanga ya utale ku kota jenu, ndo makanwonwona.

Shimbi 31:21

Ha kwiza hali ayo yipi yinji ni lamba linji, mwaso uno muukashindakenya kumeso jo ukapwe chela; mumu kechi kauvulama ku makanwa ja ana jo; mumu ngunanyingika kutaka cho anatake haliapwila, shimbu kanda ngwahetesa mu chifuchi nalishingile kwaaha.