Nehemia 9:32 - MUKANDA USANDU WA ZAMBI 1975

³² Kashika Zambi yetu, mwe Zambi munene, mukwa ndundo kole ni woma, mukwa kufunga usendo ni utu wa zango, kanda umona kukeha lamba lino lieswe hiliatushata, ni mianangana jetu, ni alemu jetu, ni asasendote jetu, ni aprofeta jetu, ni tulamba twetu, ni atu je eswe, chize ku miaka ya mianangana ja Asuria ndo musono.

Mukanda Wa Zambi 1970

³² “Aa Zambi, Zambi yetu, yena uli munene! Uli kola woma, mukwa ndundo! Wakufunga yilakenyo ya Usendo we. Chize ku matangwa waze te akutuhungumiona kuli mianangana ja Asuria ndoo ni musono uno, twakumona lamba linji, mianangana jetu, ni miata jetu, ni mahako jetu, ni akwa munanyi jetu, ni tushakulu twetu, ni atu jetu eswe. Iwuluka kama lamba lize hitwamona!

Nehemia 9:32 Iomraidhean Croise

1 Yitanga Ya Mianangana 8:23

ngwenyi, Yehova, Zambi ya Izalele kukushi niumwe Zambi ngwe yena chipwe mwilu chipwe hashi. Kuwakufunga usendo ni utu wa zango ni tuvumbi twe waze akwenda kumeso je ni mbunge jo jeswe.

1 MIANANGANA 15:19

Pule mwanangana wa Asuria yeza kulimika ni chifuchi, mba Menaheme yahana kuli Pule kanunu ka *talentu ja prata hanga akamukolese mu wanangana.

1 MIANANGANA 15:29

Ha matangwa a Peka mwanangana wa Izalele, Tigelate-Pilesere mwanangana wa Asuria yeza. Yatambula Ijone, ni Abele-Mbete-Maka, ni Janoa, ni Kendeshe, ni Hazore, ni Ngiliate, ni Ngalileya, te chifuchi cheswe cha Napatali. E atu yaambata funge ku Asuria.

1 MIANANGANA 17:23

ndo Yehova wachijile Izalele kumeso jenyi, ngwe wambile kuli tuvumbi twenyi aprofeta eswe. Chocho yachiza A-Izalele ku chifuchi cho, yaatwala ku Asuria, ndo musono.

1 MIANANGANA 17:3

Shalamanezere mwanangana wa Asuria yeza kulimika nenyi, mba Hoshia yalumuka kavumbi kenyi nikumulambula.

1 MIANANGANA 17:6

Ha mwaka wamuchilivwa wa Hoshia, mwe mwanangana wa Asuria yatambula Samaria. Yambata A-Izalele funge ku Asuria, yaasa mu Hala, ni mu Habore ha lwiji Ngozane ni mu yihunda ya A-Media.

1 MIANANGANA 23:29

Ha matangwa jenyi Falau-Neko, mwanangana wa Engitu wayile ku lwiji Ufrateze mukwasa jita ni mwanangana wa Asuria. Mba mwanangana Josia wayile kulimika nenyi. Alioze ha kulitala meso, mwanangana wa Engitu yashiha Josia ku Megidu.

1 MIANANGANA 25:7

Yashiha ana ja Zedekia a malunga kumeso jenyi, mba yamulokola meso jenyi. Yamukashila mu malenge; yamutwala ku Babilonia.

Ezra 4:10

ni mavungu akwo waze mwe munene mulemu Asenapare yaneha nikwasela mu Samaria ni mu chifuchi cha kujingilika mu sali lia Lwiji.

Ezra 4:2

o yeza kuli Zorobabele ni kuli akwa lutwe a minyachi ya atato ngwo, Tutayizenu kutunga hamwe ni yenu; mumu ni yetu nawa tunafupu Zambi yenu chimuwika ni yenu. Ni yetu nawa twakumulambula yitapo chize ku matangwa a Ezare-Hadone mwanangana wa Asuria yoze watunehene kuno.

Ezra 9:13

Lamba lino Zambi yetu hatwaha liakeha ha unene wa unhenge wetu, se hiwatuhichika atu amwe a piliwiji. Mba helu lia yino yuma yeswe hiyatupwila mumu ha yitanga yetu yipi ni uhie wetu unene,

Nehemia 1:5

ngwami, Ngunalembe, Yehova Zambi ya mwilu, Zambi munene, kole ni woma. Kuwakukolesa usendo ni utu wa zango kuli waze akukuzanga nikufunga shimbi je.

Miaso (Masamu) 47:2

Mumu Yehova, mwe Chitunda iye kole ni woma, iye mwanangana munene helu lia hashi heswe.

Miaso (Masamu) 66:3

Ambenu kuli Yehova ngwenu, Yitanga ye kuyakukolesa woma! Akwa kole je kumakakuzeyela mumu ha unene wa ndundo je.

Miaso (Masamu) 66:5

Tweyenu numone yitanga ya Zambi; kakukolesa woma ni yilinga yenyi kuli ana ja atu.

Kutuhuka 18:8

Mose wambulwilile tato-weno yeswe alingile Yehova kuli Falau ni A-Engitu mumu hali A-Izalele, ni lamba lieswe liaawanyine mu jila ni chize Yehova waapulwile.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Daniel 9:4

Nalembele kuli Yehova Zambi yami ni kushikisa ngwami, Mwene, mwe Zambi munene kole ni woma; yena kuwakufunga usendo ni utu wa zango kuli waze akukuzanga ni kufunga shimbi je,

Daniel 9:6

Kutwapanjikile kuli tuvumbi twe aprofeta, waze ahanjikile mu jina lie kuli mianangana jetu, ni alemu jetu, ni tulamba twetu, ni atu eswe a chifuchi.

Daniel 9:8

Mwene, kuli yetu sonyi ku meso jinatute, ni kuli mianangana jetu, ni alemu jetu, ni tulamba twetu, mumu Hitwakuvulumuna.

Alevi 26:18

Nyi chipwe chocho kunwanguvwile, mba mungunulamba cheka nawa yisuho shimbiali ha milonga yenu.

Alevi 26:21

Nyi hindu munwenda nikulimika ni yami nikungwivwa ka, mba mungutuma yipupu yikwo hali yenu, muyihiana ha milonga yenu yisuho shimbiali.

Alevi 26:24

mba ni yami nawa mungulimika ni yenu. Yami mwene mungunulamba yisuho shimbiali ha milonga yenu.

Alevi 26:28

mba mungulimika ni yenu ni ufwatulo. Mungunulamba yami mwene yisuho shimbiali ha milonga yenu.

Shimbi 7:12

Mba mumu te nunapanjika ku upatwilo uno ni kuufunga, ni kuulinga, kashika, Yehova Zambi yenu makafunga ni yenu we usendo ni we utu wa zango iye walishingile kuli tulamba twenu.

Shimbi 7:13

Iye manuzanga yenu, makanuwahisa, makanwokesa. Iye makawahisa nawa ana a ku mijimba yenu, ni mbuto yakusoka ha mavu jenu, ni mbuto yenu, ni vinyu yenu, ni maji jenu, ni kwoka cha yimuna jenu, ni ana ja mapanga jenu, mu chifuchi alishingile iye kuli tulamba twenu kunwahacho.

Shimbi 7:21

Kanda nususamiana mumu hali ayo, mumu Yehova Zambi yenu hwali hakachi kenu, Zambi munene, kole ni mwongo.

Shimbi 7:9

Kashika, nyingikenu ngwami, Yehova Zambi yenu, iye Zambi, Zambi mukwa jika, wakufunga usendo ni utu wa zango ku kanunu ka yisemuko, kuli waze eswe akumuzanga, te waze akufunga maliji jenyi a shimbi,