Nehemia 9:29 - MUKANDA USANDU WA ZAMBI 1975

²⁹ Waashindakenyene Ukaahilwise nawa ku shimbi je. Hindu alengumukine; kapanjikile ku shimbi je; avulumwine upatwilo we (nyi mutu maukaula matwamamo ni mwono), asekwile yipaya yo, akwachile pami, kasolo kupanjika.

Mukanda Wa Zambi 1970

²⁹ Yiwaakanyamisa ha kwononokena longeso lie, alioze mu kulengumuka cho yaalituna Shimbi je, chibwe Shimbi jize jakupwisa atu ni mwono. Akwa pami kanda akwa kukolema yaalituna kwoononoka.

Nehemia 9:29 Iomraidhean Croise

1 MIANANGANA 17:13

Alioze Yehova washindakenyene kuli A-Izalele ni kuli A-Yunda kuli profeta mweswe ni kuli mukwa kumona mweswe ngwenyi, Alumukenu ku ndako jenu jipi nukafunge shimbi jami ni yiyulo yami nikulita ni shimbi jami jeswe jize natuminyine tulamba twenu, te jize nanutumine kuli tuvumbi twami aprofeta.

1 MIANANGANA 17:14

Hindu kasolo kwivwa. Akwachile pami ngwe tulamba two alingile, waze kafulielele Yehova Zambi yo.

2 Sango Ja Mianangana 24:19

Yehova yatuma aprofeta kuli ayo akaakoke kuli iye nikwashindakenya, alioze kapanjikile.

2 Sango Ja Mianangana 33:10

Yehova wahanjikile ni Manase ni kuli atu jenyi alioze kapanjikile.

2 Sango Ja Mianangana 36:15

Yehova Zambi ya tulamba two yaatuma tunganda twenyi, che kulimeneka ni kutumatuma mumu keke ya atu jenyi ni zuwo lienyi.

Nehemia 13:15

Ha matangwa aze yingumona mu Yunda amwe akwa kuliachila uva ha tangwa lia Sambata, ni kucha yichita ya mbuto, nikuyitwika hali yimbulu, hamwe ni vinyu, ni uva, ni makuyu, ni yiteli yeka ni yeka, nikuyineha mu Yerusaleme ha tangwa lia Sambata. Yingwashindakenyacho ha tangwa lize alanjishile kulia.

Nehemia 9:10

Walingile yilayi ni yikomokeso hali Falau ni hali ngamba jenyi eswe, ni hali atu eswe a chifuchi chenyi mumu wanyingikine chize alivwimbile kulimika ni ana je. Jina lie liafumanyine ngwe linafumana tangwa lia musono.

Nehemia 9:16

Alioze o tulamba twetu alengumukine; akwachile pami; kapanjikile ku shimbi je.

Nehemia 9:26

Chipwe chocho akolemene ni kukukatukila, ni kumbila shimbi je kunyima yo, ni kushiha aprofeta je waze aashindakenyene akaatewulwise kuli yena nawa. Akwihile chikolo.

Nehemia 9:30

Alioze miaka yinji walihumikijine no. Waashindakenyene kuli Spiritu ye muli aprofeta. Hindu kasolo kwivwa, kashika waakunjikile mu moko ja mavungu a yifuchi.

Kutuhuka 10:3

Mose ni Arone yaheta kuli Falau, yamba kuli iye ngwo, Chocho anambe Yehova, Zambi ya A-Hepreu, ngwenyi, Ndo mwiji muka kusolo kulilelesa kumeso jami? Echa atu jami aye, akangulingile.

Jeremia 17:23

Hindu kapanjikile chipwe kutela matwi, alioze akalishile makota jo, kuchina mevwa akaafumbule.

Jeremia 19:15

Yehova-wa-Tujita Zambi ya Izalele kanambe ngwenyi, Ngunakokela ha limbo lino ni ha yihunda yalio yeswe yipi yize yeswe hinavulukaho mumu hanakalisa makota jo, kasolo kwivwa maliji jami.

Jeremia 42:19

Yehova hanambe kuli yenu masalila ja A-Yunda ngwenyi, Kanda nuya ku Engitu. Kashika nyingikenu pundu hinanutoweza musono

Jeremia 43:2

Azaria mwana Hoshaia ni Johanane mwana Karea ni akwa shino eswe ambile kuli Jeremia ngwo, Mahuza unambe. Yehova Zambi yetu kakutumine ukambe ngwe, Kanda nuya ku Engitu nutwameko.

Jeremia 44:10

Kalikehesele ndo ku tangwa lino lia musono, chipwe kwivwa woma, chipwe kwenda nikulita ni shimbi jami hanji yiyulo yami yize nasele kumeso jenu ni kumeso ja tulamba twenu.

Jeremia 7:26

hindu kapanjikile kuli yami, chipwe kutela matwi, alioze akalishile makota jo nikuhiana tulamba two kulinga chipi.

Ezekiel 20:11

Yingwaaha yiyulo yami ni kwalweza shimbi jami jize mutu matwama ni mwono ha kujifunga.

Daniel 5:20

Alioze muze mbunge yenyi yalizachile, ni Spiritu yenyi yakalile akende nikulengumuka, mba yamuchiza ku ngunja ya wanangana wenyi, ni uhenya wenyi yamutambulawo.

Hosea 6:5

Kashika hinaateta ni aprofeta; hinaashiha ni maliji a mu kanwa liami. Upatwilo wami unatuhuka ngwe pangu.

Alevi 18:5

Kashika munufunga yiyulo yami ni shimbi jami. Ha kulinga chocho mutu matwama ni mwono. Yami Yehova.

Mateu 19:17

Yesu wambile kuli iye ngwenyi, Kuchi te unanguhula ha kutwala ku chipema? Kwali umuwika mupema: alioze kachi unazange kunjila mu mwono, funga maliji a shimbi.

Luka 10:28

Wambile kuli iye ngwenyi, Kwakumbulula kanawa; chino linga ukatwame ni mwono.

A-ROMA 10:5

Mumu Mose kanasoneka ngwenyi Mukwa kulinga ululi uze wa ku shimbi kumakapwa ni mwono nawo.

Galashia 3:12

Hindu shimbi hi ya ku Ufulielo ko; alioze yoze wakuyilinga kumapwa ni mwono ku yiyo.

Shimbi 31:21

Ha kwiza hali ayo yipi yinji ni lamba linji, mwaso uno muukashindakenya kumeso jo ukapwe chela; mumu kechi kauvulama ku makanwa ja ana jo; mumu ngunanyingika kutaka cho anatake haliapwila, shimbu kanda ngwahetesa mu chifuchi nalishingile kwaaha.

Shimbi 31:27

Mumu ngunanyingika kukolema chenu ni pami jenu. Kumanyi, shimbu nguchili ni mwono hamwe ni yenu musono kunwakolema Yehova, mba kulutwe lia kufwa chami muchihiana.

Shimbi 4:26

ngunatambika malilu ni hashi yinushindakenye tangwa lino ngwo, Nikawashi munukakuwa liakulu mu chifuchi munuzauka Yordau kuchizuka. Kunuchi kwokesamo matangwa jenu, alioze munukakuwa liakulu.

Akwa Kuyula 6:10

Nanwambile ngwami, Yami Yehova Zambi yenu, kashika kanda nulemesa mazambi ja A-Amore nwatwama mu chifuchi cho. Alioze kunwapanjikile ku liji liami.